انجیل یوحنا 14
14
از راه و حقیقت و زندگی اسم
1«شاما دلِه پریشان مبینده. خدا ایمان بدارا؛ من نی ایمان بدارا. 2چِمن پییر کییَک، اتاق پِر اِسته، اگم ایزه نبه شامانم نواته؟شیم تا شاما را یاگایی حاضر بکرم. 3و اَدمی که بیشِم و یاگایی شاما رام حاضر بکه، هنی آیم و شاما برم چِمن وَر، تا اَگا که از اِسم شاما نی ببا. 4یاگایی که از شیم چَه راه آزانا.» 5توما عیسی نه باتشه: «آقا آما حتی نزانسرام ته کا شییَری، پس چُنجوره تانام راه آزانام؟» 6عیسی اَونه باته: «از راه و حقیقت و زندگی اِسم؛ هیچکس آسمانیه پییر ور نیشی، جز چِمن واسطه نه. 7اگم منران آزانسِه، چِمن پیر ران نی آزانسِه؛ امّا چِمه پَش اَوه آزانا و اَوه وینا.» 8فیلیپُسه عیسی نه باته: «آقا، آسمانیه پییر آما آمان، که هِم زَ چاما را وَسه.» 9عیسی اَونه باتشه: «فیلیپُس، پر وقته شامانه اِسم و هلا منر آزانسه نییم؟ کسی که مَنش ویندم، آسمانیه پِش وینده؛ پس چُنجوریه که واجی ”آسمانیه پییَر آما آمان “؟ 10مگم باور نداری که از پییرکِم و پِه منک اِسته؟ لاوانی که اَز شاما نه واجم منک نینده، بلکم په ای که چِمن دلَک ساکن اِسته، اَوه که اِشتن کاران انجام دیه. 11چِمن اِم لاوَه باور بِکَراه که از پییَرکم و پِه منک استه؛ اگم نه اَ کاران واسنه که من کِران وینده اِمان باور بِکَراه.
12«حقیقتا، شاما نه واجم، اَ کسی که من ایمان بداره، اَ نی کارانی که از کَرم، تانه بکره، و حتی کارانی اَوانک پیله تر تانه کردن، چون که اَز شیم پییَر وَر. 13و هر چی چِمن نامنه منک آخازا، از اَوه انجام دَیِم، تا پِه زاک جلال بیگیره. 14اگم چی ای چِمن نامنه منک آخازا، اَوه انجام دَیِم.
عیسی خدا مقدسه روحه وعده دَیه
15«اگم منه خَش ببا، چِمن احکامه انجام دیا. 16و از پییَرک آخازم و اَ ایگله علوده یاوری شاما آدَیه که همیشه شاما نه بیبی، 17یانی روحه حقیقت که دنیا نِتانه اَوه قبول بکره، چون نه اَوه وینه و نه اَوه آزانه؛ شاما اَوه آزانا، چون که شامانه وِندره و شاما دلک بی.
18«شاما یتیم نِنَیم؛ آیم شاما وَر. 19کَملی پَش د دنیا من نیوینه، امّا شاما وینا، و چون از زنده اِسم، شاما نی زندگی کرا. 20اَ روجک، زانا که از پییَرک اسم و شاما منک و از شاماک. 21اَ کسی که چِمن احکامه داره و اَوان انجام دیه، اَوه که مَنه خشه؛ و اَ کسی که منه خَشه، چِمن پِه اَونه خش بی و از نی اَونه خش بیم، اِشتن اَوه آمانم.»
22یهودا، نه یهودا اِسْخَریوطی، عیسیکش آپرسس: «آقا، چُنجوریه رایره اِشتن آما آمانی، امّا اِم دنیا مردمه را نه؟» 23عیسی جواو بدا: «اگم کسی مَنه خش بیبی، چِمن کلامه انجام دیه، و چِمن پِه اَونه خش بی، و آما آیام چوه ور و اَونه وندرام. 24اَ کسی که منه خَش نی، چِمن کلامه انجام ندیه؛ و اِم کلام که اَشنوا منک نی، بلکم پِه ای کی اِسه که منش خرسانسم.
25«اِم چییِم زمانی شاما نه باتنده که هلا شامانه اِسم. 26امّا اَ یاور، یانی خدا مقدس روح، که پِه اَوش چِمن نامنه خرسانسه، اَ همه چی شاما آموجه و هر چی از شاما نه واتمه، شاما ویر آوره. 27شاما را آرامش و سلامتی نَیِم؛ چِمن آرامش و سلامتی شاما آدَیِم. اَ چی که از شاما آ‌دَیم، اَ چیی شوار نی که دنیا شاما آدیه. مرزا شاما دِلِه پریشان ببینده مرزا شاما دِلِک ترس دگنه. 28بشنَوسرانه که شاما نه باتِمه، ”از شیم، امّا هنی آیم شاما وَر.“ اگم منه خش بران، شاد بسران که شیم پییَر ور، چون که پِه منک پیله تره. 29اِسا اِمان پیش از اِم که اتفاق دگننده شامانه باتِمه، تا وقتی اتفاق دگس ایمان بوعرا. 30پر وقت مانده نییِه که شامنه لاوَه بکرم، چون اِم دنیا رئیس که شیطان بیبی، آیه. اَ هیچ ادعایی چِمن سر نداره؛ 31امّا از کاری کَرم که پییَر من دستور دییَه، تا دنیا بزانه که از پییَرنه خَشِم. بیزا، یاردنه بِشام.
Currently Selected:
انجیل یوحنا 14: TIT
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company
انجیل یوحنا 14
14
از راه و حقیقت و زندگی اسم
1«شاما دلِه پریشان مبینده. خدا ایمان بدارا؛ من نی ایمان بدارا. 2چِمن پییر کییَک، اتاق پِر اِسته، اگم ایزه نبه شامانم نواته؟شیم تا شاما را یاگایی حاضر بکرم. 3و اَدمی که بیشِم و یاگایی شاما رام حاضر بکه، هنی آیم و شاما برم چِمن وَر، تا اَگا که از اِسم شاما نی ببا. 4یاگایی که از شیم چَه راه آزانا.» 5توما عیسی نه باتشه: «آقا آما حتی نزانسرام ته کا شییَری، پس چُنجوره تانام راه آزانام؟» 6عیسی اَونه باته: «از راه و حقیقت و زندگی اِسم؛ هیچکس آسمانیه پییر ور نیشی، جز چِمن واسطه نه. 7اگم منران آزانسِه، چِمن پیر ران نی آزانسِه؛ امّا چِمه پَش اَوه آزانا و اَوه وینا.» 8فیلیپُسه عیسی نه باته: «آقا، آسمانیه پییر آما آمان، که هِم زَ چاما را وَسه.» 9عیسی اَونه باتشه: «فیلیپُس، پر وقته شامانه اِسم و هلا منر آزانسه نییم؟ کسی که مَنش ویندم، آسمانیه پِش وینده؛ پس چُنجوریه که واجی ”آسمانیه پییَر آما آمان “؟ 10مگم باور نداری که از پییرکِم و پِه منک اِسته؟ لاوانی که اَز شاما نه واجم منک نینده، بلکم په ای که چِمن دلَک ساکن اِسته، اَوه که اِشتن کاران انجام دیه. 11چِمن اِم لاوَه باور بِکَراه که از پییَرکم و پِه منک استه؛ اگم نه اَ کاران واسنه که من کِران وینده اِمان باور بِکَراه.
12«حقیقتا، شاما نه واجم، اَ کسی که من ایمان بداره، اَ نی کارانی که از کَرم، تانه بکره، و حتی کارانی اَوانک پیله تر تانه کردن، چون که اَز شیم پییَر وَر. 13و هر چی چِمن نامنه منک آخازا، از اَوه انجام دَیِم، تا پِه زاک جلال بیگیره. 14اگم چی ای چِمن نامنه منک آخازا، اَوه انجام دَیِم.
عیسی خدا مقدسه روحه وعده دَیه
15«اگم منه خَش ببا، چِمن احکامه انجام دیا. 16و از پییَرک آخازم و اَ ایگله علوده یاوری شاما آدَیه که همیشه شاما نه بیبی، 17یانی روحه حقیقت که دنیا نِتانه اَوه قبول بکره، چون نه اَوه وینه و نه اَوه آزانه؛ شاما اَوه آزانا، چون که شامانه وِندره و شاما دلک بی.
18«شاما یتیم نِنَیم؛ آیم شاما وَر. 19کَملی پَش د دنیا من نیوینه، امّا شاما وینا، و چون از زنده اِسم، شاما نی زندگی کرا. 20اَ روجک، زانا که از پییَرک اسم و شاما منک و از شاماک. 21اَ کسی که چِمن احکامه داره و اَوان انجام دیه، اَوه که مَنه خشه؛ و اَ کسی که منه خَشه، چِمن پِه اَونه خش بی و از نی اَونه خش بیم، اِشتن اَوه آمانم.»
22یهودا، نه یهودا اِسْخَریوطی، عیسیکش آپرسس: «آقا، چُنجوریه رایره اِشتن آما آمانی، امّا اِم دنیا مردمه را نه؟» 23عیسی جواو بدا: «اگم کسی مَنه خش بیبی، چِمن کلامه انجام دیه، و چِمن پِه اَونه خش بی، و آما آیام چوه ور و اَونه وندرام. 24اَ کسی که منه خَش نی، چِمن کلامه انجام ندیه؛ و اِم کلام که اَشنوا منک نی، بلکم پِه ای کی اِسه که منش خرسانسم.
25«اِم چییِم زمانی شاما نه باتنده که هلا شامانه اِسم. 26امّا اَ یاور، یانی خدا مقدس روح، که پِه اَوش چِمن نامنه خرسانسه، اَ همه چی شاما آموجه و هر چی از شاما نه واتمه، شاما ویر آوره. 27شاما را آرامش و سلامتی نَیِم؛ چِمن آرامش و سلامتی شاما آدَیِم. اَ چی که از شاما آ‌دَیم، اَ چیی شوار نی که دنیا شاما آدیه. مرزا شاما دِلِه پریشان ببینده مرزا شاما دِلِک ترس دگنه. 28بشنَوسرانه که شاما نه باتِمه، ”از شیم، امّا هنی آیم شاما وَر.“ اگم منه خش بران، شاد بسران که شیم پییَر ور، چون که پِه منک پیله تره. 29اِسا اِمان پیش از اِم که اتفاق دگننده شامانه باتِمه، تا وقتی اتفاق دگس ایمان بوعرا. 30پر وقت مانده نییِه که شامنه لاوَه بکرم، چون اِم دنیا رئیس که شیطان بیبی، آیه. اَ هیچ ادعایی چِمن سر نداره؛ 31امّا از کاری کَرم که پییَر من دستور دییَه، تا دنیا بزانه که از پییَرنه خَشِم. بیزا، یاردنه بِشام.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company