انجیل یوحنا 12
12
مریمه عیسی لنگان سر روعنیه عطر اَرَکره
1شش روج پسخ عید پران، عیسی بامه بِیت‌عَنْیا ده را، اَ یاگایی که ایلعازَر زندگی کرده، هَ کسی که عیسی اَوش مردنه پش زنده آکرده بِه. 2اَگارک چَوه راشان سور آدا. مارتا پذیرایی کَردردِه و ایلعازَر نی اَ کسانیک بِه که عیسی نه سفره سرک نشته بِه. 3اَدمی مریمه گران عطری خالص سُنبلک نیم لیتر قدر اَکتشه و آسوشه عیسی پاچک و اِشتَن گیسه نه عیسی لنگش خشک بکردنده، ایزه که کییه عطر بوهه نه فت آبه. 4امّا یهودای اِسْخَریوطی، ایگله عیسی شاگردانک، که چاوش دن عیسیش خیانت بکه، باتشه: 5«چییه را اِم عطر ایگله کارگری سیصد روج مُزدر قدر خروتر نیه، تا چوه پول فقیران آدییه؟» 6یهودا اِمش باته نه چِمه واسنه که چه دله فقیران را سوترده، بلکم چِمه واسنش باته که دزد به؛ گروه خرجی پول کیسه چَوه ورک به و یهودا اَ پولک اِشتن راش اَکته. 7عیسی باته: «اَونه کاری مدارا! چون مریمه اِم عطرش چِمن دخشاردنه روجه را نیاش داشته به. 8فقیره همیشه شامانه اِسنده، امّا من همیشه اِشتن نه ندارا.»
9پِره جماعتی یهودیانک، وختی بَشنّوِسِشانه عیسی اَگاریه، بامنده تا نه فقط عیسی، بلکم ایلعازر نی که زنده کردش به، بیننده. 10پس، سران کاهنان نقشه شان بکشس که ایلعازَر نی بوکوشند، 11چون باعث بییه به پر کسه یهودیی بینک دیم آگاردننده و عیسی ایمان بوعرنده.
عیسی شاهانۀ ورود به اورشلیم
12تولیسیبی، پره جماعتی که عید را آمییه بنده، وختی بَشنّوِسِشانه عیسی آمییر اورشلیم، 13نخل داره لاخشان اَکتنده و عیسی پران برشنده. اَوان جرنه واترده:
«نجات آده!
مبارک اِسه اَ کسی که
خداونده نامنه آیه،
مبارک اِسه اسرائیل پادشاه!»
14اَدمی عیسی خَره کره ای شی بیندا و چه سرک بنشته؛ اَجوره که مقدس نیوشته هانک نویشته بیه:
15«مترس اورشلیم! ای صَهیون کوه کیلی،
دیس اِشته پادشاه آمییر،
خره کره سرک دنشته و آمییر!»
16عیسی شاگرده اول اِم چیِشان نزانس، امّا وختی عیسی مَردنه پش زنده آبه، ویرشان بوعرده که اِم چیان همه چوه درباره مقدس نیویشته هانک نویشته بییه بِه و هجوره نی زه اَونشان بکه.
17اَ جماعتی که ایلعازَره داد کردن موقع مقبرک و چوه زند آبیین مَرده پش عیسی نه بنده، ایزه نی زه اِم اتفاقه شهادتی شان دیَرده. 18جماعتی که عیسی پران برشیه بنده، چِمه واسنه به که اَشنوسشان به عیسی اِم علامت و معجزش انجام دییَه. 19پس فَریسی فرقه علما هندیگرنه باتشانه: «دَ کاری چاما دسک بنرایه. دیسا، تمان دنیا چوه پشه شیینده.»
بعضی از یونانیان عیسی پشدنه گرسردنده
20کسانی دلَک که عیده عبادت را آمییه بنده اورشلم، بعضی یونانی بِنده. 21اَوه بامنده فیلیپُس ور، که اهل شهر بِیت‌صِیْدای جلیل منطقه به، و اَونشان باته: «آقا، رایمانه عیسی بینام.» 22فیلیپُس بامه و آندریاس نه باتشه، وفیلیپس وآندریاس دو نفرینه بشنده و عیسی نه باتشانه. 23عیسی اَوان نه باتشه: «انسان زا مردن و زنده آبینه وقت آرسه. 24حقیقتا، شاما نه واجم، اگم گندمه دانه خاک دلک جیمگینیه و ممریه، تینا مانیه؛ امّا اگم بمریه پِر بار آوریه. 25کسی که اِشتن جان نه خش بیبی، اَوه از دس دَیه. امّا کسی که اِم دنیاک اِشتن جان نه خش مبی، اَوه تا زندگی ابدی نیا داره. 26اَ کسی که رایشه من خدمت بکره، گه بایه چِمن پشه؛ و یاگایی که از اِسم، چِمن خادم نی وا بی. کسی که من خِدمَت بکره، چِمن پِه اَوه سر بلندکَره.
27«اِسا چِمن جان پریشانه. چه باجم؟ باجم، ”په! اَ چی ای کی گه چِمن سر بایه من نجات بده “؟ امّا از چِمه واسنه اِم دنیا آمییم. 28په، اِشته نامه جلال بده!» اَدمی صصی آسمان نه بامه که: «جلالم آدییه و هنی جلال دَیم.» 29پس مردمی که اَگارک بِنده و اِمشان بشنوس، باتشانه: «آسمانه خوری بِه.» بعضی باتشانه: «فرشته‌ای اَونه لاوش بکه.» 30عیسی باته: «اِم صص شاما را به، نه چِمن را. 31اِسا اِم دنیا داوری وقت اِسه؛ اِسا اِم دنیا رئیس، شیطان بره را فِر آدییه بی. 32وختی اَ صلیبی که از چَوه سَرک مصلوب بیم دُرانجنده کفا، همه‌ی مردمه دُرناجم چِمن طرف.» 33عیسی اِمش باته، تا آمانه چنجوره قراره بِمره. 34مردم باتشانه: «آما توراتک اَشنوسه، مسیح تا ابد باقی مانه، پس چُنجور یه که واتری انسان زا گه مصلوب بیبی؟ اِم انسان زا کیه؟» 35عیسی اَوان نه باته: «تا کَملی نی، نور شامانه اِسه. پس تا وقتی که هلا نور دارا، بمجا، مبادا تاریکی شاما دیگیره. اَ کسی که تاریکی دلک مجه، نزانه کا شییَر. 36تا وقتی که نور دارا، نوره ایمان بوعرا تا نوره خوردنان ببا.»
وختی عیسی اِم لاوَش باتنده، واردنه بشه و اِشتنش اَوانک نوین آکه.
مردمه بی‌ایمانی
37با اِم که عیسی پِرعلامت و معجزان چوان چشمان پرانکش کرده به، اَوان هلا اَوشان ایمان ناوردبه. 38ایزه اِشعیای پیغمبر پیشگویی اتفاق دگس که واتش بِه:
«ای خداوند، کی چاما پیغامش باور کرده،
و خداونده قدرت چی کی را آشکار آبییه؟»
39اَجوره زه که اِشعیای پیغمبر عَلوده یاگایی ای کی واتشه، اَوان نتانس ایمان بوعَرنده، چون:
40«خدا چَوان چشمانش کور،
و چوان دلانش سخت آکردَنده،
تا مبادا اِشتن چشماننه بیننده،
و اِشتن دلان نه بفهمنده،
و آمگردنده چِمن وَر تا اَوان شفا بدیم.»
41اِشعیا چِمه واسنه اِمش باته که عیسی شکوه و جلالش بینده و چوه دربارش لاوش بکه.
42ایزه، حتی پر کسان قومه پیله ترانک نی عیسی شان ایمان بوعرده، امّا فَریسیان ترسک، اِشتن ایمان شان اقرار نکرده، مبادا که یهودیان عبادتگاک اَوان برکرنده بر. 43چون اَوان مردمه تعریف تمجیده نه خدا تعریف تعمجیدک پر تر خش بنده.
44و عیسی بلند صصنه باتشه: «هر کسی من ایمان بوعَره، نه من، بلکم چِمن خرسانارش ایمان آورده. 45هر کسی من بینه، چِمن خرسانارش وینده. 46از نوری شوار آمییم دنیا تا هر کسی من ایمان بوعره، تاریکیک ممانه. 47اگم کسی چِمن لاوَان بَشنَوه، امّا اَوک اطاعت مَکره، از اَوه داوری نکرم؛ چون آمییه نییم تا دنیا داوری بکرم، بلکم آمییم تا دنیا نجات بدیم. 48اَ کسی را که من رد بکره و چِمن لاوان قبول مکره، علوده داوریْ اِسه؛ هَ لاوانی که باتِمه اَوه داوریه روجک محکوم کَرنده. 49چون از چِمن ورنه لاوم کرده نییه، بلکم په ای که منش بخرسانسم منش دستور بدا که چه باجم و چیک لاوَه بکرم. 50و از زانم که چَوه دستور زندگی ابدی اِسه. پس اَ چی ای که از واجم درست، هه چی ای اِسه که پییَر منه واته تا از باجِم.»
Currently Selected:
انجیل یوحنا 12: TIT
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company
انجیل یوحنا 12
12
مریمه عیسی لنگان سر روعنیه عطر اَرَکره
1شش روج پسخ عید پران، عیسی بامه بِیت‌عَنْیا ده را، اَ یاگایی که ایلعازَر زندگی کرده، هَ کسی که عیسی اَوش مردنه پش زنده آکرده بِه. 2اَگارک چَوه راشان سور آدا. مارتا پذیرایی کَردردِه و ایلعازَر نی اَ کسانیک بِه که عیسی نه سفره سرک نشته بِه. 3اَدمی مریمه گران عطری خالص سُنبلک نیم لیتر قدر اَکتشه و آسوشه عیسی پاچک و اِشتَن گیسه نه عیسی لنگش خشک بکردنده، ایزه که کییه عطر بوهه نه فت آبه. 4امّا یهودای اِسْخَریوطی، ایگله عیسی شاگردانک، که چاوش دن عیسیش خیانت بکه، باتشه: 5«چییه را اِم عطر ایگله کارگری سیصد روج مُزدر قدر خروتر نیه، تا چوه پول فقیران آدییه؟» 6یهودا اِمش باته نه چِمه واسنه که چه دله فقیران را سوترده، بلکم چِمه واسنش باته که دزد به؛ گروه خرجی پول کیسه چَوه ورک به و یهودا اَ پولک اِشتن راش اَکته. 7عیسی باته: «اَونه کاری مدارا! چون مریمه اِم عطرش چِمن دخشاردنه روجه را نیاش داشته به. 8فقیره همیشه شامانه اِسنده، امّا من همیشه اِشتن نه ندارا.»
9پِره جماعتی یهودیانک، وختی بَشنّوِسِشانه عیسی اَگاریه، بامنده تا نه فقط عیسی، بلکم ایلعازر نی که زنده کردش به، بیننده. 10پس، سران کاهنان نقشه شان بکشس که ایلعازَر نی بوکوشند، 11چون باعث بییه به پر کسه یهودیی بینک دیم آگاردننده و عیسی ایمان بوعرنده.
عیسی شاهانۀ ورود به اورشلیم
12تولیسیبی، پره جماعتی که عید را آمییه بنده، وختی بَشنّوِسِشانه عیسی آمییر اورشلیم، 13نخل داره لاخشان اَکتنده و عیسی پران برشنده. اَوان جرنه واترده:
«نجات آده!
مبارک اِسه اَ کسی که
خداونده نامنه آیه،
مبارک اِسه اسرائیل پادشاه!»
14اَدمی عیسی خَره کره ای شی بیندا و چه سرک بنشته؛ اَجوره که مقدس نیوشته هانک نویشته بیه:
15«مترس اورشلیم! ای صَهیون کوه کیلی،
دیس اِشته پادشاه آمییر،
خره کره سرک دنشته و آمییر!»
16عیسی شاگرده اول اِم چیِشان نزانس، امّا وختی عیسی مَردنه پش زنده آبه، ویرشان بوعرده که اِم چیان همه چوه درباره مقدس نیویشته هانک نویشته بییه بِه و هجوره نی زه اَونشان بکه.
17اَ جماعتی که ایلعازَره داد کردن موقع مقبرک و چوه زند آبیین مَرده پش عیسی نه بنده، ایزه نی زه اِم اتفاقه شهادتی شان دیَرده. 18جماعتی که عیسی پران برشیه بنده، چِمه واسنه به که اَشنوسشان به عیسی اِم علامت و معجزش انجام دییَه. 19پس فَریسی فرقه علما هندیگرنه باتشانه: «دَ کاری چاما دسک بنرایه. دیسا، تمان دنیا چوه پشه شیینده.»
بعضی از یونانیان عیسی پشدنه گرسردنده
20کسانی دلَک که عیده عبادت را آمییه بنده اورشلم، بعضی یونانی بِنده. 21اَوه بامنده فیلیپُس ور، که اهل شهر بِیت‌صِیْدای جلیل منطقه به، و اَونشان باته: «آقا، رایمانه عیسی بینام.» 22فیلیپُس بامه و آندریاس نه باتشه، وفیلیپس وآندریاس دو نفرینه بشنده و عیسی نه باتشانه. 23عیسی اَوان نه باتشه: «انسان زا مردن و زنده آبینه وقت آرسه. 24حقیقتا، شاما نه واجم، اگم گندمه دانه خاک دلک جیمگینیه و ممریه، تینا مانیه؛ امّا اگم بمریه پِر بار آوریه. 25کسی که اِشتن جان نه خش بیبی، اَوه از دس دَیه. امّا کسی که اِم دنیاک اِشتن جان نه خش مبی، اَوه تا زندگی ابدی نیا داره. 26اَ کسی که رایشه من خدمت بکره، گه بایه چِمن پشه؛ و یاگایی که از اِسم، چِمن خادم نی وا بی. کسی که من خِدمَت بکره، چِمن پِه اَوه سر بلندکَره.
27«اِسا چِمن جان پریشانه. چه باجم؟ باجم، ”په! اَ چی ای کی گه چِمن سر بایه من نجات بده “؟ امّا از چِمه واسنه اِم دنیا آمییم. 28په، اِشته نامه جلال بده!» اَدمی صصی آسمان نه بامه که: «جلالم آدییه و هنی جلال دَیم.» 29پس مردمی که اَگارک بِنده و اِمشان بشنوس، باتشانه: «آسمانه خوری بِه.» بعضی باتشانه: «فرشته‌ای اَونه لاوش بکه.» 30عیسی باته: «اِم صص شاما را به، نه چِمن را. 31اِسا اِم دنیا داوری وقت اِسه؛ اِسا اِم دنیا رئیس، شیطان بره را فِر آدییه بی. 32وختی اَ صلیبی که از چَوه سَرک مصلوب بیم دُرانجنده کفا، همه‌ی مردمه دُرناجم چِمن طرف.» 33عیسی اِمش باته، تا آمانه چنجوره قراره بِمره. 34مردم باتشانه: «آما توراتک اَشنوسه، مسیح تا ابد باقی مانه، پس چُنجور یه که واتری انسان زا گه مصلوب بیبی؟ اِم انسان زا کیه؟» 35عیسی اَوان نه باته: «تا کَملی نی، نور شامانه اِسه. پس تا وقتی که هلا نور دارا، بمجا، مبادا تاریکی شاما دیگیره. اَ کسی که تاریکی دلک مجه، نزانه کا شییَر. 36تا وقتی که نور دارا، نوره ایمان بوعرا تا نوره خوردنان ببا.»
وختی عیسی اِم لاوَش باتنده، واردنه بشه و اِشتنش اَوانک نوین آکه.
مردمه بی‌ایمانی
37با اِم که عیسی پِرعلامت و معجزان چوان چشمان پرانکش کرده به، اَوان هلا اَوشان ایمان ناوردبه. 38ایزه اِشعیای پیغمبر پیشگویی اتفاق دگس که واتش بِه:
«ای خداوند، کی چاما پیغامش باور کرده،
و خداونده قدرت چی کی را آشکار آبییه؟»
39اَجوره زه که اِشعیای پیغمبر عَلوده یاگایی ای کی واتشه، اَوان نتانس ایمان بوعَرنده، چون:
40«خدا چَوان چشمانش کور،
و چوان دلانش سخت آکردَنده،
تا مبادا اِشتن چشماننه بیننده،
و اِشتن دلان نه بفهمنده،
و آمگردنده چِمن وَر تا اَوان شفا بدیم.»
41اِشعیا چِمه واسنه اِمش باته که عیسی شکوه و جلالش بینده و چوه دربارش لاوش بکه.
42ایزه، حتی پر کسان قومه پیله ترانک نی عیسی شان ایمان بوعرده، امّا فَریسیان ترسک، اِشتن ایمان شان اقرار نکرده، مبادا که یهودیان عبادتگاک اَوان برکرنده بر. 43چون اَوان مردمه تعریف تمجیده نه خدا تعریف تعمجیدک پر تر خش بنده.
44و عیسی بلند صصنه باتشه: «هر کسی من ایمان بوعَره، نه من، بلکم چِمن خرسانارش ایمان آورده. 45هر کسی من بینه، چِمن خرسانارش وینده. 46از نوری شوار آمییم دنیا تا هر کسی من ایمان بوعره، تاریکیک ممانه. 47اگم کسی چِمن لاوَان بَشنَوه، امّا اَوک اطاعت مَکره، از اَوه داوری نکرم؛ چون آمییه نییم تا دنیا داوری بکرم، بلکم آمییم تا دنیا نجات بدیم. 48اَ کسی را که من رد بکره و چِمن لاوان قبول مکره، علوده داوریْ اِسه؛ هَ لاوانی که باتِمه اَوه داوریه روجک محکوم کَرنده. 49چون از چِمن ورنه لاوم کرده نییه، بلکم په ای که منش بخرسانسم منش دستور بدا که چه باجم و چیک لاوَه بکرم. 50و از زانم که چَوه دستور زندگی ابدی اِسه. پس اَ چی ای که از واجم درست، هه چی ای اِسه که پییَر منه واته تا از باجِم.»
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company