Mark 8
8
1Gw’intyugu mèsoṉo, gw’arô buṉi aṉag’awenge, ko w’alwaṉa n’ezom̃a zi nya, Yesu awey’ iṉèngi yè awulinya waô inè: 2Mi jen’aṉaga wiṉo ekèṽa, konde wi re dwaṉa pa na myè ntyugu ntyarô, ko w’anya ezom̃a. 3Ja my’afwiṉiza waô ni njaṉa gw’inagô saô, gambèṉè wi be kènd’intyèla gô mpoṉo, konde awenge gôre waô w’avili bô. 4N’awiṉizyô yè n’iṉèngi yè inè: Ôma ko jolye jôriza mongi siṉo n’inya vèṉo gw’itôve sè? 5N’aṽambyô waô ne Yesu inè: Amunga myaṉi mi mpèmba mi re na ṉwè? Awiṉizi waô inè, ôrwageṉô. 6N’azômbyi yè aṉaga gô dwaṉa baru gô ntye, n’awongi yè amunga mi mpèmba ôrwageṉô, n’ayè pa p’akeṽa, amoguṉi mô, ava mô gôr’iṉèngi yè gô keriza mô; n’agerizi waô mô gôr’aṉaga. 7W’avegagi kè ni yom̃’intyuè sa kwè, ni Yesu pa p’akeṽa azômbyi nè, gerizaṉi waô sô kè. 8Anyeṉi waô ayôra, n’awonginyi waô nkizi y’arigaṉi itôndô ôrwageṉô. 9Waô w’anyeṉi w’avegagi pyèrè n’intozèny s’aṉaga nay. Avila vovo awizi yè waô.
10Azunge kweṉi yè n’iṉèngi yè gw’elende, aṽya gô ntye yi Dalmanuta.
11N’aṽyeṉ ifarisi, avakilya gô dôṽe mpaga ni Yesu, mbutag’elemba gôre yè avila g’ôrôṽa ndembègè. 12Azèkum̃i Yesu g’ôrèm̃i wè awulya inè: Ntiṉa nde yi but’ivôm̃a nyiṉo elemba? Giligili mi bulinya ṉwè inè, ivôm̃a nyiṉo nyi ze pô elemba.
13Arigi yè waô, arô kweṉa gw’elende, alalya gô ntye mori.
14Aleṽaṉ’iṉèngi gô bong’inya; w’avegagi kaô n’imung’im̃ori gw’elende. 15N’azômbyô waô ne Yesu inè: Gelimaṉi gô levèn y’ifarisi, na gô levèn y’Erod. 16N’agambaṉagi waô, awulya inè: konde azw’azele n’inya. 17N’amyeṉi Yesu, awulinya waô inè: Ntiṉa nde yi kambaṉa ṉwè, konde aṉw’azele n’inya? Aṉwè p’are ikôtiza fo, aṉwè pa kôtiza? Irèm̃i yaṉi yi re jola pa? 18Aṉw’are n’antyo, ko ṉwè ayeṉa? Aṉw’are n’arôy, ko ṉwè ayogo? Aṉwè zele kè n’ijônginya? 19Gw’amoguṉi myè amung’ataṉè mi mpèmba gôr’intozèny ôtaṉè s’aṉaga, aṉw’awonginy’itôndô myaṉi ralye ni nkizi? Awiṉizi waô yè inè: igôm̃i ni mbaṉi. 20Na gw’amoguṉi myè amung’ôrwageṉô mi mpèmba gôr’intozèny nay s’aṉaga, aṉw’awonginy’itôndô myaṉi ralye ni nkizi? Awiṉizi waô yè inè: ôrwageṉô. 21N’awulinyi yè waô inè: Aṉwè pa kôtiza?
22Aṽyeṉi waô gô Betsayda; n’aṽagi waô ipoku gôre Yesu, agwenè inkolo inè, e ga wate yè. 23Agôti yè g’ôgo, agogunyè avila gô nkala; avila vovo aweli yè igwaṉa gw’antyo mè, araly’ago mè gôre yè, n’aṽambyè yè inè: ô jeṉ’ezom̃a? 24N’avôni yè, awulya inè: Mi jeṉ’aṉaga, konde mi jeṉa waô ga rere yi kèndagènda. 25Vovo arô talyi Yesu ago mè gw’antyo mè, na gw’avôni ipoku mbyambye, arôli, ayeṉe yom̃a yôdu zange. 26N’awizô yè ne Yesu gô nagô yè, awulya inè: Ayingiṉa du gô nkala.
27Agèndi Yesu n’iṉèngi yè gw’inkala si Sezare yi Filipi, n’aṽambyi yè iṉèngi yè gô mpoṉo nè: Aṉaga wi bulya nè, myè mande? 28Awiṉizi waô inè: Yôan‐Batist; am̃ori nè: Eliya; am̃ori nè: ôm̃ori gôr’ivogisi. 29N’aṽambyi yè waô inè: ndô aṉwè inè, myè mande? Awiṉizi Pyère inè: Awè ne Krist. 30N’azômbyô waô ne Yesu inè, w’awuliny’ôma g’ômwanji wè.
31Vovo avakilyi yè gô nènja waô inè, Ômwaṉa w’ôma e be sindiṉ’isam̃u imyenge, ko yè bikô n’aṉèro, n’imiṉisè impôlô, n’irèndisi, ko yè jôṉô, ndô ntyugu ntyarô pyagaṉa pa e be tô tôngwa. 32Awulinyi yè waô isam̃u yiṉo buku. N’awongyô yè ne Pyère nkôṽa, avakilya gô sèmbè. 33Ndô Yesu, agegwi avôn’iṉèngi yè, azèmbe Pyère, awulya inè: Winya gô nyum̃i yam̃, Satan! Konde ô pa nak’isam̃u y’Anyambyè, ndô ô naka kaô isam̃u y’aṉaga.
34Ayè fweya p’aṉaga n’iṉèngi yè, awulinyi waô inè: Jog’ôm’edu abela gô bya gôre myè, e ga ṉim̃iṉ’ôkuṽi wè, ko yè tômbiṉe krosi yè, azônga myè. 35Konde ôm’edu e be bela gô sungiṉ’em̃èṉo zè e be periza zô, ndô ayè yi be periz’em̃èṉo zè g’ômwanji wam̃ na g’ômwanja wi ntyangô mbya e be sungiṉa zô. 36Konde ôba nde wi re n’ôma, j’anyeṉe ntye yôdu, ko yè periz’em̃èṉo zè? 37Ezom̃a nde zi r’ôma ko pa gw’avendè m’em̃èṉo zè? 38Konde ôm’edu e be jeṉa myè n’agambi mam̃ ntyoṉi gw’ivôm̃a nyiṉo ny’ôṽelaṉô n’ibe, Ômwaṉa w’ôm̃a e be jeṉè kè ntyoṉi gô be byè gw’ivenda nya Reri yè, ayè n’iyenjèl s’ôrunda.
Currently Selected:
Mark 8: MYE
Highlight
Share
ਕਾਪੀ।
Want to have your highlights saved across all your devices? Sign up or sign in
Published by the British and Foreign Bible Society in 1927.