ၸႃႇၶရီႉ 4
4
ရူႇပႃႇရူင်ႇလူၺ်ႈလွင်ႈၶဵင်ႇတီႈတႆႈၽႆး
1တမၢၼ်ႇၵၢင်ႁၢဝ် ဢၼ်လၢတ်ႈၵႂၢမ်းတေႃႇၵၼ် တင်းၵဝ်ၼၼ်ႉ ၶိုၼ်းမႃးလႄႈ ပူၵ်းၵဝ်မိူၼ်ၸိူဝ်ႉၼင်ႇ ဢၼ်ပူၵ်းၵေႃႉဢၼ်ၼွၼ်းလပ်းၼၼ်ႉ သေလႄႈ- 2ထၢမ်တီႈၵဝ်လႄႈဝႃႈ၊ မႂ်းႁၼ်ၵႃႈသင်၊ မိူဝ်ႈဢၼ်ဝႃႈၼင်ႇၼႆၸိုင်၊ ၵဝ်လၢတ်ႈလႄႈဝႃႈ၊ ၵဝ်ၶႃႈလူတူၺ်းလႄႈႁၼ် ၶူင်ႇတီႈတႆႈၽႆး ဢၼ်ပဵၼ်ၶမ်းလွၼ်ႉလွၼ်ႉၶႃႈဢေႃႈ။ ၵႃႈတီႈပၢႆၶူင်ႇတီႈ တႆႈၽႆးၼၼ်ႉ မီးမေႃႈၼမ်ႉမၼ်း မေႃႈၼိုင်ႈ ဢိၵ်ႇတင်း ဝၢၼ်ႇတႆႈၽႆး ၸဵတ်းမႂ် တင်းလွတ်ႇၵွင်ႈလေႃႇ ဢၼ်သိုပ်ႇၸပ်းမေႃႈၼမ်ႉမၼ်း တင်းဝၢၼ်ႇတႆႈၽႆး ၸဵတ်းမႂ် ၼၼ်ႉဝႆႉၼၼ်ႉ ၸဵတ်းလွတ်ႇ ၶႃႈဢေႃႈ။- 3ၵႃႈႁိမ်းမၼ်း မီးတူၼ်ႈသၢၼ်ႇလုၼ်ႇသွင်တူၼ်ႈ၊ ၵႃႈတီႈၽၢႆႇတၢင်းၶႂႃ မေႃႈၼမ်ႉမၼ်းၼၼ်ႉ တူၼ်ႈသၢၼ်ႇလုၼ်ႇတူၼ်ႈၼိုင်ႈ၊ ၵႃႈတီႈၽၢႆႇ တၢင်းသၢႆႉမၼ်းၼၼ်ႉ တူၼ်ႈၼိုင်ႈ ၶႃႈဢေႃႈ၊ ဝႃႈၼင်ႇၼႆသေယဝ်ႉ၊- 4ၵဝ်ထၢမ်တီႈတမၢၼ်ႇၵၢင်ႁၢဝ် ဢၼ်လၢတ်ႈတေႃႇၵၼ် တင်းၵဝ်ၼၼ်ႉ လႄႈဝႃႈ၊ ၸဝ်ႈၵဝ်ၶႃႈဢိူၺ်း၊ ဢၼ်ၸိူဝ်းၼႆႉၸမ်ႉ၊ ပဵၼ်ၵႃႈသင်ၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 5တမၢၼ်ႇၵၢင်ႁၢဝ် ဢၼ်လၢတ်ႈတေႃႇၵၼ်တင်းၵဝ်ၼၼ်ႉ ထၢမ်တီႈၵဝ်လႄႈဝႃႈ၊ မႂ်းဢမ်ႇႁူႉလွင်ႈ ဢၼ်ၸိူဝ်းၼႆႉ ပဵၼ်ၵႃႈသင်ၼၼ်ႉႁိုဝ်။ ဝႃႈၼင်ႇၼႆသေယဝ်ႉ၊ ၵဝ်လဝ်ႊလၢတ်ႈလႄႈဝႃႈ၊ ဢမ်ႇႁူႉၶႃႈၸဝ်ႈ၊ ဝႃႈၼင်ႇၼႆဢေႃႈ။- 6မၼ်းၼၼ်ႉၵေႃႈ ၶိုၼ်းလၢတ်ႈတီႈၵဝ်လႄႈဝႃႈ၊ ၼုၵ်ႈၵပၢတ်ႈ ထႃႇဝရႃႉၽြႃး ဢၼ်ႁွတ်ႈမႃးတီႈၸေႇရူႉပႃႉပေႇလႃႉၸမ်ႉ၊ လွင်ႈတၢင်းၼႆႉ တၵ်းပဵၼ်ၵွပ်ႈပိူဝ်ႈ ႁႅင်းပလႃႉ ဢမ်ႇၸႂ်ႈ၊ တၵ်းပဵၼ်ၵွပ်ႈပိူဝ်ႈ ႁႅင်းတၼ်းၶူဝ်း ဢမ်ႇၸႂ်ႈ၊ တၵ်းပဵၼ်ၵွပ်ႈပိူဝ်ႈ ဝီႉၺိၺ်ႇၵဝ်ဢေႃႈ၊ ဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃး မီးဢမိင်ႉဢေႃႈ။- 7လွႆလူင်ဢိူၺ်း၊ မႂ်းပဵၼ်ၵႃႈသင်။ မႂ်းတၵ်းလႆႈပဵၼ် တီႈဢၼ်ပၢင်ႇလီပဵင်းလီ ၵႃႈတီႈၽၢႆႇၼႃႈ ၸေႇရူႉပႃႉပေႇလႃႉဢေႃႈ။ မၼ်းတၵ်းလႆႈႁဵတ်း တၢင်းဢၼ် ႁွင်ႉပၢဝ်ႇႁွင်ႉလၢတ်ႈ လႄႈဝႃႈ၊ ႁႂ်ႈၵျေးၸူးၸဝ်ႈ မီးတီႈမၼ်းသေၵမ်းလူၺ်ႈ။ ႁႂ်ႈၵျေးၸူးၸဝ်ႈ မီးသေၵမ်းလူၺ်ႈ၊ ဝႃႈၼင်ႇၼႆ ယူႇသေလႄႈ ဢဝ်မၢၵ်ႇႁိၼ် ႁူဝ်ၸဵင်ႇတိူၵ်ႈ တၢင်ႇသႂ်ႇဝႆႉဢေႃႈ။- 8လႆႈသမ်ႉ ၼုၵ်ႈၵပၢတ်ႈ ထႃႇဝရႃႉၽြႃး ႁွတ်ႈမႃးတီႈၵဝ်လႄႈ ဝႃႈၸမ်ႉ၊- 9မိုဝ်းၸေႇရူႉပႃႉပေႇလႃႉၼၼ်ႉ ၶျႃးငဝ်ႈႁၢၵ်ႈ တိူၵ်ႈႁိူၼ်းၸဝ်ႈၼႆႉ ဝႆႉယဝ်ႉ။ မိုဝ်းမၼ်းၼၼ်ႉ တၵ်းလႆႈၵွႆႁႂ်ႈယဝ်ႉ၊ႁႂ်ႈတူဝ်ႈဢေႃႈ။ မႂ်းတၵ်းလႆႈႁူႉလွင်ႈဢၼ် ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးပွႆႇၸႂ်ႉၵဝ်ၸူး တီႈသူၼၼ်ႉဢေႃႈ။- 10ၽူႈလႂ်လႆႈႁဵတ်း ဢမ်ႇပေႃးၼင်ႇႁိုဝ် တီႈမိုဝ်ႉဝၼ်း ဢၼ်ႁဵတ်းလွင်ႈတၢင်းဢၼ်လဵၵ်ႉ၊ဢၼ်ၼွႆႉ ၸိူဝ်းၼၼ်ႉ။ မၢၵ်ႇတႃထႃႇဝရႃႉၽြႃး ဢၼ်ၸၢင်ႈၶုၼ်ႇလႅၼ်ႈၵႂႃႇ ၶုၼ်ႇလႅၼ်ႈမႃး ၵႃႈၼိူဝ်ၼႃႈလိၼ် ၵူႈတီႈၵူႈလႅၼ် ၸဵတ်းပႃး ၼၼ်ႉ ဢွၼ်ၵၼ်ႁၼ်ၸိူၵ်ႈ ဢၼ်ၶပ်ႉ၊ဢၼ်တႅၵ်ႈ မီးယူႇၵႃႈၼႂ်းမိုဝ်း ၸေႇရူႉပႃႉပေႇလႃႉၼၼ်ႉလႄႈ ၸူမ်းသိူဝ်းဢေႃႈ၊ ဝႃႈၼင်ႇၼႆဢေႃႈ။- 11ၵဝ်ၵေႃႈ လဝ်ႊထၢမ်လႄႈဝႃႈ၊ တူၼ်ႈသၢၼ်ႇလုၼ်ႇသွင်တူၼ်ႈ ဢၼ်မီးၵႃႈတီႈ ၽၢႆႇၶႂႃၽၢႆႇသၢႆႉ ၶူင်ႇတီႈတႆႈၽႆးၼၼ်ႉၸမ်ႉ၊ ပဵၼ်ၵႃႈသင်ၶႃႈ၊ ဝႃႈၼင်ႇၼႆသေယဝ်ႉ၊- 12ၵဝ်သမ်ႉ လဝ်ႊထၢမ်ထႅင်ႈလႄႈဝႃႈ၊ ၵိင်ႇသၢၼ်ႇလုၼ်ႇသွင်ၵိင်ႇ ဢၼ်ဢဝ် တင်းလွတ်ႇၵွင်ႈလေႃႇၶမ်း သွၼ်းလေႃႇၼမ်ႉမၼ်း တူဝ်ၸဝ်ႈၵဝ်ႇယူႇၼၼ်ႉၸမ်ႉ၊ ပဵၼ်ၵႃႈသင်ၶႃႈ၊ မိူဝ်ႈဢၼ်၊ ဝႃႈၼင်ႇၼႆၸိုင်၊- 13မၼ်းၼၼ်ႉ ထၢမ်တီႈၵဝ်လႄႈဝႃႈ၊ မႂ်းဢမ်ႇႁူႉလွင်ႈဢၼ် ၵိင်ႇၸိူဝ်းၼၼ်ႉ ပဵၼ်ၵႃႈသင်ၼင်ႇႁိုဝ်။ ဝႃႈၼင်ႇၼႆသေယဝ်ႉ၊ ၵဝ်လဝ်ႊလၢတ်ႈလႄႈဝႃႈ၊ ဢမ်ႇႁူႉၶႃႈၸဝ်ႈ၊ ဝႃႈၼင်ႇၼႆဢေႃႈ။- 14မၼ်းၼၼ်ႉ လၢတ်ႈလႄႈဝႃႈ၊ ၵိင်ႇၸိူဝ်းၼႆႉ ပဵၼ်ၵေႃႉဢၼ် ၶၢမ်ႇၽိၵ်ႈသိၵ်ႈ သွင်ပႃး ဢၼ်ၸုၵ်းယူႇ ၵႃႈတီႈၽၢႆႇၼႃႈၸဝ်ႈ ဢၼ်ဢုပ်ႉပိူင်ႇလိၼ်မိူင်း တင်းသဵင်ႈတင်းမူတ်းၼၼ်ႉဢေႃႈ၊ ဝႃႈၼင်ႇၼႆဢေႃႈ။
Currently Selected:
ၸႃႇၶရီႉ 4: CBMS
Highlight
Share
ਕਾਪੀ।
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship