1 Samuwel AAKAMA
AAKAMA
A kitab Samuwelik naharsi exxa deqsita kitaaba. Ta kitab neh yascassem, Israayil rasul makaabon-daban akak axcuk sugen dabaanak, malikwâ-xintoh waktih tu elle korte inna neh yascasse. Ta korsay too dabaanal Israayil addal yekkehiyya Israayil addal qusba mano kee xinto sinaamah baahe. Ta korsi yekke dabaanal, sidooca numuy ahamak foocat sugtehiyya ten. Toh maa sidocuuy innek, naharsitti Samuwel deqsita numuy cokmaabak ellecabo numuh yenehiyyak ten. Kay lakal Saawul deqsita numuy Israayil addal naharsi adda malik yekkehiyyak ten. Kay lakal tenem Malik Dawuduk ten. Malik Dawud malik yakkeemik dumal, Samuwel kee Saawul sugte saaku, mango abinay kulsa kee fula lehiyya abeh yen. Tohum ta kitaabal tan.
A kitab xeflih nee taybulleem macaay innek, Yallal yeemeneeniih imaan kaal heenik, kullim gabal kok bictaah; kay yab cinaanam umaane lakat lem nee taybulle. Suge-Qahdi deqsitta kitoobak mangom a kitaabak kaxxih nee taybulleem tonnah tan qaada. Yalli ta qaada isi afaak Sek Qeli deqsita num lih yaabeh yen. Too yab elle geytimam 2:30 «Yoo yaynabe mara aynabeyyoh, yoo buri intit yable mara buri intit ableyyo» 'yaanam iyye.
A kitaabal wohuk kalah taniimih, malik-xinto Israayil-rasul gacte saaku sinam mangom tekkeleh sugteeh; wohum kaadu elle tan. Sinam woo saaku akkaluk sugteemih, Yalli isih hununuh malik innah, abbah keenik yanim keenit ceelak sugte. Takkay immay sarra Israayil mari isih faxxa hee innal malik keenih doore. Tonna'mmay ta'kkel cubbuseh meqem macaay innekii, Israayil malik kee Israayil ummat Yalli keenih hee xinto kee madqah gubak xiinak ten. Too xintoy Yalli keenih madqeeh mudehiyyal ummata gaddali kee baacoyta inkih inki xintoy inki gide keenih takkehiyyah xiinak yenen.
A KITAABAL TAN BARITTOH EXXAAXIH GORANA
Samuwel Israayil rasul cokmi abeh yen saaku 1:1—7:17
Saawul malik elle yekke inna kee woo aydaada 8:1—10:27
Saawul malik edde yekke naharsi sanootah aydaada 11:1—15:35
Dawud kee Saawul fanih qaada 16:1—30:31
Saawul kee kay xayloh raba 31:1-13
Currently Selected:
1 Samuwel AAKAMA: NKM
Highlight
Share
ਕਾਪੀ।
Want to have your highlights saved across all your devices? Sign up or sign in