قصص من كتاب التكوين 7
7
طوفان نوح (عليه السلام): من بقي عايِش؟
1وأوحى سبحانُه لنوح (عليه السلام) وقال: "يا نوح طلاع عالسفينة مع كلّ أهل بيتَك، لأنّي شفتك إنتَ الرجّال الصالِح والمستقيم من بين كلّ الناس. 2خود معَك من كلّ نوع من الحيوانات الحلال دَبْحا سبع أزواج، وخود من كلّ نوع تاني جوز واحَد ذكر وأنتى. 3وحمول معَك من كلّ نوع من الطيور سبع أزواج حتى ما ينباد جنسُن. 4بعد سبع تيّام رح إبعَت مطر يدوم أربعين يوم ليل ونهار، ورح إمحي عن وجّ الأرض كلّ كائن حيّ خَلَقْتُه". 5وطاع نوح (عليه السلام) ربُّه واستجاب لأمر الله سبحانُه.
6-7وكان عمرُ النبي نوح وقت الطوفان ست ميّة سنة، 8-9وإجوا كلّ الحيوانات يلّي اختارُن النبي نوح متل ما الله أمرُه، وبعدين فات نوح (عليه السلام) عالسفينة مع عيلتُه، ولمّا فات نوح وكلّ عيلتُه والحيوانات عالسفينة، سكّر سبحانُه الباب عليُن. 10وبعد سبع تيّام متل ما الله قال، بلَّش المطر وصارِت تشتّي.
11وكان اليوم السبتعش من الشهر التاني من السنة، انفجرت ينابيع الأرض وانفتحت مزاريب السما.
12-18وبعد ما نزلِت الميّ ليل نهار أربعين يوم رفعِت السفينة عن الأرض، 19-20وارتفعت الميّ فوق الجبال العالية كلّا شي تمان متار. 21وماتت كل الكائنات الحيّة يلّي عوجّ الأرض من حيوان وبشر. 22-23وما بقي بالدنيا غير نوح (عليه السلام) ويلّي معُه والحيوانات بالسفينة. 24وغمرِت الميّ الأرض شي خمِس تِشهُر.
Currently Selected:
قصص من كتاب التكوين 7: LRT
Highlight
Share
ਕਾਪੀ।
Want to have your highlights saved across all your devices? Sign up or sign in
© 2021 Sabeel Media