قصص من كتاب التكوين 6
6
سَبَب طوفان نوح (عليه السلام)
1لمّا كتروا الناس على الأرض، وجابوا بنات، 2صاروا الناس الّي بالسُّلطة ياخدوا هالبنات بالقوّة. 3قام الله سبحانُه حدَّد عمر الإنسان عالأرض لحدود الميّة وعشرين سنة وقال إنّه حياة البشر ما لازم تطول عالأرض لأنّه بصير يعمل شرّ. 4وبهيديك الإيّام، بنات عامّة الشعب يلّي أخدوهُن المقتدرين جابوا ولاد وصاروا ولادُن من الحكّام المستبدّين وصار إلُن شأن كبير.
5وشاف الله إنّه شرّ الإنسان عم يزيد عالأرض وقلبُه وأفكارُه ضلّت تزيد شرّ أكتر وأكتر. 6فزِعِل سبحانه من الإنسان 7وقال: "رح إمحي عن وجّ الأرض يلّي خلقتها الإنسان وكلّ الحيوانات من زواحف وطيور وغيرُن، لأنُّه لازِم رجِّع التوازُن مرّة جديدة".
ليه نوح (عليه السلام) بس بين كلّ البشر؟
8وبس نوح (عليه السلام) الله رضي عنّه 9لأنّه هوّ وحدُه كان رجّال تقي ومستقيم من بين كلّ يلّي كانُه بزمانُه، وماشي على نهج الله تعالى. 10وكان عندُه تلات ولاد هنّ سام وحام ويافث. 11ولمّا شاف الله الفساد والظلم يلّي ملّوا الأرض 12صار بقلب كل واحد، 13أوحى سبحانُه لنوح وقلُّه: "قرّرت إمحي كلّ البشريّة لأنّه فسدوا بالأرض وملّوا الدنيا ظلم، 14يا نوح، عمول سفينة كبيرة من الخشب المنيح وعمول فيها غُرف، وادهنا بالزفت من جوّة ومن برّة. 15خلّي طولا يكون 150 مِتِر، وعرضا 25 مِتِر، وأرتفاعا 15 مِتر. 16وعمول شباك للسفينه تحت السقف بنص مِتر، وعمول السفينة تلات طوابق ويكون إلها باب عجنب 17لأنُّه أنا رح إبعت طوفان عالأرض غرّقها كلّا وبيد كل الحيوانات وكلّ مخلوق حيّ عوجّا 18ولكِن رح أعمل معَك عهد، بس هلّأ فوت عالسفينة إنتَ وزوجتَك وولادك وزوجاتُن. 19وحمِّل معَك جوز من كلّ كائن حيّ ذكر وأنتى، حتى يبقوا عقيد الحياة، 20وخود جوز من كلّ أنواع الطيور وجوز من كلّ أنواع الحيوانات ومن الزواحِف كمان - كلُّن رح يجوا لعندَك بكلّ طواعيّة عشان يضلّوا عايشين، 21وخود معَك أكل وشرب كميّة تكفّي للكلّ". 22وطاع نوح (عليه السلام) ربُّه واستجاب لكلّ أمر أمرُه فيه تعالى.
Currently Selected:
قصص من كتاب التكوين 6: LRT
Highlight
Share
ਕਾਪੀ।
Want to have your highlights saved across all your devices? Sign up or sign in
© 2021 Sabeel Media