1 Ŋikor. 10
10
Nyitemokino Ŋikristo ilipete neni a ŋakujo a ŋace
1Ŋikaitotoi kaŋ, acamit ayoŋ iyes totamut ŋuna apotu kitiyakinos neni atapapaa yok, ŋulu apotu totupakis Moses. Abu edou toiu ikes, todoka daadaŋ anam ŋina enyaritae “Anam ŋina areŋan”. 2Aponi kibatisae ikes daadaŋ ananam eriŋa edou imukorit ikes, toruworos ŋikewuapak a Moses. 3Tonyama daadaŋ akimuj ŋina ainakini Akuj ikes, 4tomata daŋ ŋakipi ŋuna ainakini iŋes ikes. Apotu ikes tomata anataaba a ŋina ka Akuj a ŋina arukito ka ikes; arae ataaba ŋin Kristo elope. 5Nai pa alakara Akuj neni kec a ŋulu alalak, aŋun apotu ŋalyalin kec kiryama aloŋisat.
6Erae ŋakiro ŋun daadaŋ akitaanyikinet aneni yok, ikotere nyikiburakinito ŋiboro ŋulu ka aronis ikwa ikes. 7Nyitemokino iwon elipete neni a ŋakujo a ŋace, ikwa kilipyata ikes ŋice; ikwapei ebaakatar Ŋakigireta ebe, “Apotu ŋituŋa kiboikinos; kimuja, tomata ka tobolyata.” 8Nyitemokino iwon etiyata ŋuna ka amalao ikwa kitiyaata ikes ŋice; aŋun, apotu ŋalipyo ŋatomoniarei ka ŋiuni totwaka apeikoloŋit bon. 9Nyitemokino iwon etemo Ekapolon ikwa etemitotor ŋice kec; aŋun, apotu ŋimuno tomunyasi ikes. 10Nyitemokino iwon eŋuruŋuras ikwa eŋuruŋuratar ŋice kec; aŋun, abu Emalaika ŋolo ka Atwanare tomunya ikes.
11Apotu ŋakiro ŋun daadaŋ kitiyakinos neni kec, erae akitaanyikinet aneni a ŋuluce ka aponi kigirae erae akiciket neni yok a ŋulu ikiboi anapakio a ŋuna eapiya Akoloŋit ŋina esidyon.
12Aŋun, itemokino ituŋanan ŋini etami atemar eboi ecasit, tocoite nyibusokin. 13Emam akitemyet ŋina iryamut iyes ŋina nyitemitere ŋituŋa ŋuluce. Nai erae Akuj ŋina itiyae ŋuna adau akiikin, ka nyikicamakini iŋes iyes ikitemio tari adepar agogoŋu kus. Apaki ŋina ikitemere iyes, ikiinakini Akuj iyes erot ŋolo ibucarotor, ido topedosi atitinyikin.
14Aŋun nai, ŋikaitotoi kaŋ ŋuluminan, toŋero akilip neni a ŋakujo a ŋace. 15Erworo ayoŋ neni kus iraakasi ŋituŋa ŋulu iosok, totamatamata mono iyes ŋakiro ŋuna erworo ayoŋ. 16Ekopo ŋolo isitiyao iwon Anakimuj a ŋina ke Ekapolon--ekopo ŋolo ikilakanaror iwon neni ka Akuj--apaki ŋina ikimasya erae ŋolo ikimorya iwon ŋaokot a Kristo. Amugati daŋ ŋina ikinyilinyili iwon apaki ŋina enyamere, erae ŋina ikimorya iwon akuwan a Kristo. 17Aŋuna eyakar amugati apei, ikirae iwon ŋulu alalak akuwan apei, anerae ikimori iwon daadaŋ amugati apei.
18Totamakisi epite a Ŋisirael: nyimorikina mono ŋulu enyamete ŋamuronisya ka Namuroet a? 19Nyaanu mono ŋuna alosikinit ayoŋ? Abala mono ayoŋ erae ŋakujo ŋace kori ŋamuronisya ŋuna einanakinio ikes ŋiceboro ajokak a? 20Emam, nai alosikinit ayoŋ atemar ŋamuronisya ŋun, einanakinitae neni a ŋipyan, meere neni ka Akuj. Nyacamit ayoŋ iyes kimorikina ka ŋipyan. 21Nyipedorete iyes akimat alokopo a ŋolo ke Ekapolon, ido tomata alokopo a ŋolo a ŋipyan daŋ. Nyipedorete iyes akimuj alomesa a ŋolo ke Ekapolon, ido kimuja alomesa a ŋolo a ŋipyan daŋ. 22Ikicamit mono iwon akitoŋo Ekapolon a? Ikigogoŋ mono iwon akilo Akuj a?
23Ebookoi ebe, “Ikicamakinitae iwon akitiya ŋinibore daadaŋ”. Nai nyejokak ŋiboro daadaŋ, kire, “Ikicamakinitae iwon akitiya ŋinibore daadaŋ.” Nai nyikitogogoŋete ŋiboro daadaŋ. 24Nyitemokino idiotuŋanan atamuna bon, nai itemokino totamunite ŋulucetuŋa.
25Ikicamakinitae iyes akinyam akiriŋ ŋina egyelanaryo alomaket. Nyejoikina akiŋita, ikotere nyepodosi ŋatameta kus. 26Anerae igiritae Nakigireta ebe, “Erae akwap ka ŋiboro daadaŋ ŋulu eya tooma keŋ ŋulu ke Ekapolon.”
27Ani kikinyaraiya iyes ituŋanan ŋini nyerae Ekristoit kai keŋ akimuj ka iŋes, ido tocamut iyes, ejoikinit iyes kimuja ibore daadaŋ ŋini ikiinakinio tomam akiŋita, ikotere nyepodosi ŋatameta kus. 28Ani nai kikilimok iyes ituŋanan atemar, “Erae akimuj na ŋina ka amuronot a ŋina einakinitae nakujo ŋace”, nyinyama akimuj ŋin aŋuna a ituŋanan a ŋini abu itolimok iyes ka ikotere nyipodosi; 29iŋes atemar meere aŋuna a ŋatameta kus, nai aŋuna a ŋatameta keŋ.
Kaanukiro iretakinitor icetuŋanan alacakina kaŋ aŋuna a ŋatameta keŋ? 30Ani kalakanar ayoŋ neni ka Akuj aŋuna ka akimuj kaŋ, kaanukiro eketoroniyaritor ayoŋ ituŋanan aŋuna ka akimuj a ŋina alakanaror ayoŋ neni ka Akuj?
31Aŋun nai, ŋinibore daadaŋ imujete kori imasete kori itiyaete iyes, kitiyata ŋun daadaŋ aŋuna ka akitopoloor Akuj. 32Nyitoŋoa Ŋiyudayan kori Ŋigirik kori ŋatukon a Ŋikristo ŋuna erae ŋuna ka Akuj. 33Kiboiyoto lopite ŋolopei eboiyo ayoŋ; ekatakinit ayoŋ akitalakar ŋituŋa daadaŋ alopitesyo a daadaŋ, nyatami ŋuna kaŋ bon, nai atami aŋuna a ŋituŋa a daadaŋ, ikotere toiunos ikes daadaŋ.
Currently Selected:
1 Ŋikor. 10: NIB2008
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
1 Ŋikor. 10
10
Nyitemokino Ŋikristo ilipete neni a ŋakujo a ŋace
1Ŋikaitotoi kaŋ, acamit ayoŋ iyes totamut ŋuna apotu kitiyakinos neni atapapaa yok, ŋulu apotu totupakis Moses. Abu edou toiu ikes, todoka daadaŋ anam ŋina enyaritae “Anam ŋina areŋan”. 2Aponi kibatisae ikes daadaŋ ananam eriŋa edou imukorit ikes, toruworos ŋikewuapak a Moses. 3Tonyama daadaŋ akimuj ŋina ainakini Akuj ikes, 4tomata daŋ ŋakipi ŋuna ainakini iŋes ikes. Apotu ikes tomata anataaba a ŋina ka Akuj a ŋina arukito ka ikes; arae ataaba ŋin Kristo elope. 5Nai pa alakara Akuj neni kec a ŋulu alalak, aŋun apotu ŋalyalin kec kiryama aloŋisat.
6Erae ŋakiro ŋun daadaŋ akitaanyikinet aneni yok, ikotere nyikiburakinito ŋiboro ŋulu ka aronis ikwa ikes. 7Nyitemokino iwon elipete neni a ŋakujo a ŋace, ikwa kilipyata ikes ŋice; ikwapei ebaakatar Ŋakigireta ebe, “Apotu ŋituŋa kiboikinos; kimuja, tomata ka tobolyata.” 8Nyitemokino iwon etiyata ŋuna ka amalao ikwa kitiyaata ikes ŋice; aŋun, apotu ŋalipyo ŋatomoniarei ka ŋiuni totwaka apeikoloŋit bon. 9Nyitemokino iwon etemo Ekapolon ikwa etemitotor ŋice kec; aŋun, apotu ŋimuno tomunyasi ikes. 10Nyitemokino iwon eŋuruŋuras ikwa eŋuruŋuratar ŋice kec; aŋun, abu Emalaika ŋolo ka Atwanare tomunya ikes.
11Apotu ŋakiro ŋun daadaŋ kitiyakinos neni kec, erae akitaanyikinet aneni a ŋuluce ka aponi kigirae erae akiciket neni yok a ŋulu ikiboi anapakio a ŋuna eapiya Akoloŋit ŋina esidyon.
12Aŋun, itemokino ituŋanan ŋini etami atemar eboi ecasit, tocoite nyibusokin. 13Emam akitemyet ŋina iryamut iyes ŋina nyitemitere ŋituŋa ŋuluce. Nai erae Akuj ŋina itiyae ŋuna adau akiikin, ka nyikicamakini iŋes iyes ikitemio tari adepar agogoŋu kus. Apaki ŋina ikitemere iyes, ikiinakini Akuj iyes erot ŋolo ibucarotor, ido topedosi atitinyikin.
14Aŋun nai, ŋikaitotoi kaŋ ŋuluminan, toŋero akilip neni a ŋakujo a ŋace. 15Erworo ayoŋ neni kus iraakasi ŋituŋa ŋulu iosok, totamatamata mono iyes ŋakiro ŋuna erworo ayoŋ. 16Ekopo ŋolo isitiyao iwon Anakimuj a ŋina ke Ekapolon--ekopo ŋolo ikilakanaror iwon neni ka Akuj--apaki ŋina ikimasya erae ŋolo ikimorya iwon ŋaokot a Kristo. Amugati daŋ ŋina ikinyilinyili iwon apaki ŋina enyamere, erae ŋina ikimorya iwon akuwan a Kristo. 17Aŋuna eyakar amugati apei, ikirae iwon ŋulu alalak akuwan apei, anerae ikimori iwon daadaŋ amugati apei.
18Totamakisi epite a Ŋisirael: nyimorikina mono ŋulu enyamete ŋamuronisya ka Namuroet a? 19Nyaanu mono ŋuna alosikinit ayoŋ? Abala mono ayoŋ erae ŋakujo ŋace kori ŋamuronisya ŋuna einanakinio ikes ŋiceboro ajokak a? 20Emam, nai alosikinit ayoŋ atemar ŋamuronisya ŋun, einanakinitae neni a ŋipyan, meere neni ka Akuj. Nyacamit ayoŋ iyes kimorikina ka ŋipyan. 21Nyipedorete iyes akimat alokopo a ŋolo ke Ekapolon, ido tomata alokopo a ŋolo a ŋipyan daŋ. Nyipedorete iyes akimuj alomesa a ŋolo ke Ekapolon, ido kimuja alomesa a ŋolo a ŋipyan daŋ. 22Ikicamit mono iwon akitoŋo Ekapolon a? Ikigogoŋ mono iwon akilo Akuj a?
23Ebookoi ebe, “Ikicamakinitae iwon akitiya ŋinibore daadaŋ”. Nai nyejokak ŋiboro daadaŋ, kire, “Ikicamakinitae iwon akitiya ŋinibore daadaŋ.” Nai nyikitogogoŋete ŋiboro daadaŋ. 24Nyitemokino idiotuŋanan atamuna bon, nai itemokino totamunite ŋulucetuŋa.
25Ikicamakinitae iyes akinyam akiriŋ ŋina egyelanaryo alomaket. Nyejoikina akiŋita, ikotere nyepodosi ŋatameta kus. 26Anerae igiritae Nakigireta ebe, “Erae akwap ka ŋiboro daadaŋ ŋulu eya tooma keŋ ŋulu ke Ekapolon.”
27Ani kikinyaraiya iyes ituŋanan ŋini nyerae Ekristoit kai keŋ akimuj ka iŋes, ido tocamut iyes, ejoikinit iyes kimuja ibore daadaŋ ŋini ikiinakinio tomam akiŋita, ikotere nyepodosi ŋatameta kus. 28Ani nai kikilimok iyes ituŋanan atemar, “Erae akimuj na ŋina ka amuronot a ŋina einakinitae nakujo ŋace”, nyinyama akimuj ŋin aŋuna a ituŋanan a ŋini abu itolimok iyes ka ikotere nyipodosi; 29iŋes atemar meere aŋuna a ŋatameta kus, nai aŋuna a ŋatameta keŋ.
Kaanukiro iretakinitor icetuŋanan alacakina kaŋ aŋuna a ŋatameta keŋ? 30Ani kalakanar ayoŋ neni ka Akuj aŋuna ka akimuj kaŋ, kaanukiro eketoroniyaritor ayoŋ ituŋanan aŋuna ka akimuj a ŋina alakanaror ayoŋ neni ka Akuj?
31Aŋun nai, ŋinibore daadaŋ imujete kori imasete kori itiyaete iyes, kitiyata ŋun daadaŋ aŋuna ka akitopoloor Akuj. 32Nyitoŋoa Ŋiyudayan kori Ŋigirik kori ŋatukon a Ŋikristo ŋuna erae ŋuna ka Akuj. 33Kiboiyoto lopite ŋolopei eboiyo ayoŋ; ekatakinit ayoŋ akitalakar ŋituŋa daadaŋ alopitesyo a daadaŋ, nyatami ŋuna kaŋ bon, nai atami aŋuna a ŋituŋa a daadaŋ, ikotere toiunos ikes daadaŋ.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.