1 Ŋikor. 9
9
Etic ŋolo ke ekiyakia
1Nyayakar mono ayoŋ apedor akitiya ŋuna acamit a? Meere mono ayoŋ ekiyakia a? Nyeŋolikinit mono ayoŋ Yesu Ekapolon yok a? Meere mono iyes ŋulu ipotu tonupa anakitatam kaŋ ŋakiro ŋuna ke Ekapolon a? 2Tari pa keketeete ŋice ayoŋ atemar arae ekiyakia, kire icamunito iyes atemar arae ayoŋ. Aŋuna ka akiyar kus anakimorikina ke Ekapolon, iyes ŋilopeyek itoodiunito araakau kaŋ ekiyakia. 3Erae lo epite ŋolo erworya ayoŋ aŋuna kaŋ apaki ŋina ekeŋisiŋisiyere ayoŋ alokiŋaren ŋituŋa: 4nyayakar mono ayoŋ apedor ŋina maset ka ŋinakimujet akimuj aŋuna ke etic kaŋ a? 5Nyayakar mono ayoŋ apedor ŋina ryamunet aberu ŋina Kristoit orukito ka ayoŋ analosit kaŋ, ikwapei Ŋikiyakia ŋuluce ka ŋikaitotoi ŋulu ke Ekapolon ka Petero a? 6Kori Baranaba bon ka ayoŋ itemokino kitiyaetei aŋuna ka aryamunia akimuj ŋinayaret? 7Emam esigarit itiyae etic keŋ pa etacio. Emam eketan ŋolo nyenyamenene ŋaraito ŋuna ke epiini alomanikor keŋ. Kori alikeyokon nyemasenene ŋakile a ŋamesekin keŋ? 8Nyerworo ayoŋ ŋun alopite bon a ŋolo irworotor ŋituŋa. Irworosi Ŋikisila a Moses daŋ ŋunapei. 9Igiritae Lokisila a Moses ebe, “Nyien akituk ke emoŋ apaki ŋina isitiyaa iyoŋ ikes aramya ŋimomwa”. Etapito mono Akuj ŋuna a emoŋ a? 10Kori pa alimuni iŋes ŋakiro ŋun kan iwon a? Kire egiritae ŋakiro ŋun kan iwon. Itemokino eketan ka ekaleman kitiyata etic kec igenosi aryamun ekimar kec ŋolo a ŋaraito a ŋun. 11Adaun isua aekin ŋikinyom ŋulu erae ŋakiro ŋuna ka Akuj neni kus. Erono mono nooi aryamun aneni kus ikwapei ŋaraito ŋiboro ŋulu ikiitanit isua a? 12Ani nai keyakatar ŋulucetuŋa apedor ŋina ryamunet ŋiboro ŋul aneni kus, nyikiyakar nai isua apedor ŋina apolon akilo ikes a?
Tari kikote neni, nyisitiya isua apedor ŋin; nai ikititinyik isua ŋican daadaŋ, ikotere nyitukuruwor alimonokin ŋina a Ŋakiro a ŋuna Ajokak a ŋuna a Kristo. 13Kire, iyenete iyes atemar, ŋikilyok ŋulu itiyaete Kai ka Akuj eryamununeeteakimuj kec alo Kai ka ŋulu itiyaete Namuroet, eryamununeeteakimuj kec anamuronisya a ŋuna einanakinete ikes. 14Ikwaŋinapei, icikakinit Ekapolon atemar ŋituŋa ŋulu elimonokinete Ŋakiro ŋuna Ajokak, itemokino toyarikis nalimonokin ŋinapei.
15Nai, nyisitiya ayoŋ ŋapedorosyo ŋun tari apei daŋ, nabo nyegiri ayoŋ ŋun aŋuna ka aryamun idiobore aŋuna kaŋ. Kejok ayoŋ otwan akilo idiotuŋanan alemar aneni kaŋ ibore ŋini eturor ayoŋ. 16Nyapedori ayoŋ akituro aŋuna alimonokinia Ŋakiro ŋuna Ajokak. Anerae ekecikak Akuj ayoŋ alimonokin ŋakiro ŋun. Erokyarosi aneni kaŋ erae pa kalimonok Ŋakiro ŋuna Ajokak! 17Ani kalimonok ayoŋ aŋuna ka acamit kaŋ, iŋes atemar aryamuni ayoŋ eropit; nai itemokino ayoŋ etiyae ŋun, anerae ekecikak Akuj ayoŋ akitiya. 18Aliropit nai aryamuni ayoŋ? Eropit kaŋ iŋes alimonokin Ŋakiro ŋuna Ajokak emam etacit, ido nyesitiyae ŋapedorosyo ŋuna itemokino oyakar alotic a ŋol.
19Arae ayoŋ ituŋanan ŋini alacakina ka nyarae epito a idiotuŋanan, nai eturuwor ayoŋ epito a ŋituŋa a daadaŋ, ikotere onyaraunia ŋituŋa ŋulu alalak nooi neni a Kristo. 20Ani ikiruki ayoŋ ka Ŋiyudayan ekoni Eyudayat, ikotere onyaraunia ikes neni a Kristo. Ani ikiruki ka ŋulu iwuapito Ŋikisila a Moses, ekoni ŋulu iwuapito Ŋikisila a Moses--tari pa kekepukato Ŋikisila a Moses ayoŋ, ikotere onyaraunia ikes neni a Kristo. 21Ikwaŋinapei, ani ikiruki ka ŋulu nyiwuapito Ŋikisila a Moses, ekoni ŋulu nyiwuapito Ŋikisila a Moses, ikotere onyaraunia ikes neni a Kristo. Nyerae nai ŋun atemar aŋerit ayoŋ Ŋikisila ka Akuj, nai ekepukato ayoŋ Ŋikisila ŋulu a Kristo. 22Aneni a ŋulu epalag ananupit, apalag ikwa ikes, ikotere onyaraunia ŋulu palag daŋ neni a Kristo. Aruwor ayoŋ ŋinibore daadaŋ alotuŋa a daadaŋ, ikotere oiunia ŋice a epite a daadaŋ a ŋolo apedorya.
23Etiyae ayoŋ ŋun daadaŋ aŋuna a Ŋakiro a ŋuna Ajokak, ikotere oryamunia ayoŋ daŋ ŋarereŋisyo aneni kec.
24Iyenete iyes kire atemar anakerit, elalak ŋituŋa ŋulu isyakinete akerit, nai ipei bon eryamuni eropit. Aŋun, tokera nai lopite ŋolo ipedoryata aryamun eropit. 25Ekakeran daadaŋ ŋolo itatamio, ipukae iŋes ekibure daadaŋ, ikotere eryamunia ebokot ŋolo nyeropari; ikitiyae iwon daŋ ikwaŋinapei, ikotere oryamuniata ebokot ŋolo eropari. 26Iŋes nai akeria ayoŋ ocorosi tari naŋetakinet; ikikwaan ayoŋ ka ekanaŋan egum ŋolo nyedyaki ŋoloce. 27Etogogoŋi ayoŋ akuwan kaŋ a ŋanaŋan, ikotere kiwuap ŋuna acamit ayoŋ, ikotere nyakalemar ayoŋ ŋolo abu onyarau ŋuluce nakerit.
Currently Selected:
1 Ŋikor. 9: NIB2008
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
1 Ŋikor. 9
9
Etic ŋolo ke ekiyakia
1Nyayakar mono ayoŋ apedor akitiya ŋuna acamit a? Meere mono ayoŋ ekiyakia a? Nyeŋolikinit mono ayoŋ Yesu Ekapolon yok a? Meere mono iyes ŋulu ipotu tonupa anakitatam kaŋ ŋakiro ŋuna ke Ekapolon a? 2Tari pa keketeete ŋice ayoŋ atemar arae ekiyakia, kire icamunito iyes atemar arae ayoŋ. Aŋuna ka akiyar kus anakimorikina ke Ekapolon, iyes ŋilopeyek itoodiunito araakau kaŋ ekiyakia. 3Erae lo epite ŋolo erworya ayoŋ aŋuna kaŋ apaki ŋina ekeŋisiŋisiyere ayoŋ alokiŋaren ŋituŋa: 4nyayakar mono ayoŋ apedor ŋina maset ka ŋinakimujet akimuj aŋuna ke etic kaŋ a? 5Nyayakar mono ayoŋ apedor ŋina ryamunet aberu ŋina Kristoit orukito ka ayoŋ analosit kaŋ, ikwapei Ŋikiyakia ŋuluce ka ŋikaitotoi ŋulu ke Ekapolon ka Petero a? 6Kori Baranaba bon ka ayoŋ itemokino kitiyaetei aŋuna ka aryamunia akimuj ŋinayaret? 7Emam esigarit itiyae etic keŋ pa etacio. Emam eketan ŋolo nyenyamenene ŋaraito ŋuna ke epiini alomanikor keŋ. Kori alikeyokon nyemasenene ŋakile a ŋamesekin keŋ? 8Nyerworo ayoŋ ŋun alopite bon a ŋolo irworotor ŋituŋa. Irworosi Ŋikisila a Moses daŋ ŋunapei. 9Igiritae Lokisila a Moses ebe, “Nyien akituk ke emoŋ apaki ŋina isitiyaa iyoŋ ikes aramya ŋimomwa”. Etapito mono Akuj ŋuna a emoŋ a? 10Kori pa alimuni iŋes ŋakiro ŋun kan iwon a? Kire egiritae ŋakiro ŋun kan iwon. Itemokino eketan ka ekaleman kitiyata etic kec igenosi aryamun ekimar kec ŋolo a ŋaraito a ŋun. 11Adaun isua aekin ŋikinyom ŋulu erae ŋakiro ŋuna ka Akuj neni kus. Erono mono nooi aryamun aneni kus ikwapei ŋaraito ŋiboro ŋulu ikiitanit isua a? 12Ani nai keyakatar ŋulucetuŋa apedor ŋina ryamunet ŋiboro ŋul aneni kus, nyikiyakar nai isua apedor ŋina apolon akilo ikes a?
Tari kikote neni, nyisitiya isua apedor ŋin; nai ikititinyik isua ŋican daadaŋ, ikotere nyitukuruwor alimonokin ŋina a Ŋakiro a ŋuna Ajokak a ŋuna a Kristo. 13Kire, iyenete iyes atemar, ŋikilyok ŋulu itiyaete Kai ka Akuj eryamununeeteakimuj kec alo Kai ka ŋulu itiyaete Namuroet, eryamununeeteakimuj kec anamuronisya a ŋuna einanakinete ikes. 14Ikwaŋinapei, icikakinit Ekapolon atemar ŋituŋa ŋulu elimonokinete Ŋakiro ŋuna Ajokak, itemokino toyarikis nalimonokin ŋinapei.
15Nai, nyisitiya ayoŋ ŋapedorosyo ŋun tari apei daŋ, nabo nyegiri ayoŋ ŋun aŋuna ka aryamun idiobore aŋuna kaŋ. Kejok ayoŋ otwan akilo idiotuŋanan alemar aneni kaŋ ibore ŋini eturor ayoŋ. 16Nyapedori ayoŋ akituro aŋuna alimonokinia Ŋakiro ŋuna Ajokak. Anerae ekecikak Akuj ayoŋ alimonokin ŋakiro ŋun. Erokyarosi aneni kaŋ erae pa kalimonok Ŋakiro ŋuna Ajokak! 17Ani kalimonok ayoŋ aŋuna ka acamit kaŋ, iŋes atemar aryamuni ayoŋ eropit; nai itemokino ayoŋ etiyae ŋun, anerae ekecikak Akuj ayoŋ akitiya. 18Aliropit nai aryamuni ayoŋ? Eropit kaŋ iŋes alimonokin Ŋakiro ŋuna Ajokak emam etacit, ido nyesitiyae ŋapedorosyo ŋuna itemokino oyakar alotic a ŋol.
19Arae ayoŋ ituŋanan ŋini alacakina ka nyarae epito a idiotuŋanan, nai eturuwor ayoŋ epito a ŋituŋa a daadaŋ, ikotere onyaraunia ŋituŋa ŋulu alalak nooi neni a Kristo. 20Ani ikiruki ayoŋ ka Ŋiyudayan ekoni Eyudayat, ikotere onyaraunia ikes neni a Kristo. Ani ikiruki ka ŋulu iwuapito Ŋikisila a Moses, ekoni ŋulu iwuapito Ŋikisila a Moses--tari pa kekepukato Ŋikisila a Moses ayoŋ, ikotere onyaraunia ikes neni a Kristo. 21Ikwaŋinapei, ani ikiruki ka ŋulu nyiwuapito Ŋikisila a Moses, ekoni ŋulu nyiwuapito Ŋikisila a Moses, ikotere onyaraunia ikes neni a Kristo. Nyerae nai ŋun atemar aŋerit ayoŋ Ŋikisila ka Akuj, nai ekepukato ayoŋ Ŋikisila ŋulu a Kristo. 22Aneni a ŋulu epalag ananupit, apalag ikwa ikes, ikotere onyaraunia ŋulu palag daŋ neni a Kristo. Aruwor ayoŋ ŋinibore daadaŋ alotuŋa a daadaŋ, ikotere oiunia ŋice a epite a daadaŋ a ŋolo apedorya.
23Etiyae ayoŋ ŋun daadaŋ aŋuna a Ŋakiro a ŋuna Ajokak, ikotere oryamunia ayoŋ daŋ ŋarereŋisyo aneni kec.
24Iyenete iyes kire atemar anakerit, elalak ŋituŋa ŋulu isyakinete akerit, nai ipei bon eryamuni eropit. Aŋun, tokera nai lopite ŋolo ipedoryata aryamun eropit. 25Ekakeran daadaŋ ŋolo itatamio, ipukae iŋes ekibure daadaŋ, ikotere eryamunia ebokot ŋolo nyeropari; ikitiyae iwon daŋ ikwaŋinapei, ikotere oryamuniata ebokot ŋolo eropari. 26Iŋes nai akeria ayoŋ ocorosi tari naŋetakinet; ikikwaan ayoŋ ka ekanaŋan egum ŋolo nyedyaki ŋoloce. 27Etogogoŋi ayoŋ akuwan kaŋ a ŋanaŋan, ikotere kiwuap ŋuna acamit ayoŋ, ikotere nyakalemar ayoŋ ŋolo abu onyarau ŋuluce nakerit.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.