1 Ŋikor. 11
11
1Kituputoe ayoŋ, ikwapei etupusyo ayoŋ daŋ Kristo.
Akimukit akou anakilip
2Ekepuro ayoŋ iyes, anerae ikitamunito iyes ayoŋ jwi jwi anakiro a daadaŋ ka iwuapito iyes ŋitalyo a Ŋikristo, ŋulu eketatamianakini ayoŋ iyes. 3Acamit daŋ ayoŋ iyes toyenete atemar Kristo iŋes epolokinit ŋolokile daadaŋ ka epolokinit ekile aberu; nabo epolokinit Akuj Kristo. 4Ekile daadaŋ ŋolo ilipi kori edwari kimukite akou, nyitopoloorit Kristo. 5Nai aberu daadaŋ ŋina ilipi kori edwari nyimukit akou keŋ nyitopoloorit ekile keŋ--ikwaan ka abanyit akou keŋ. 6Ani pa kimuk aberu akou keŋ ka akitambara, itemokino tari tobanya ŋitim keŋ, nai ikwapei eraakar ŋileec aneni ka aberu abanyit akou keŋ, itemokino iŋes kimuk akou keŋ ka akitambara. 7Nyitemokino ekile akimuk akou keŋ, anerae erae iŋes etorube ka erae iŋes akitoodiunet ŋina ka apolou ka Akuj; erae nai aberu akitoodiunet ŋina ka apolou ke ekile. 8Anerae pa asubuni Akuj ekile anaberu, nai asubuni iŋes aberu alokile. 9Nabo pa asubuni Akuj ekile aŋuna ka aberu, nai asubuni iŋes aberu aŋuna ke ekile. 10Erae ŋakiro ŋun itemokino aberu imukitor akou ka akitambara kitoodiunia apolou keŋ aŋuna a ŋimalaikan. 11Nai anakiyar yok alotooma Ekapolon, epol nooi ayakar ekile, nabo epol nooi ekile ayakar aberu. 12Esubunitae aberu alokile, nai tari ekile daŋ itorunit neni ka aberu ka Akuj iŋes asubi ŋiboro daadaŋ.
13Totyakutu mono iyes ŋilopeyek erae kejok aberu akilip neni ka Akuj pa imukit akou. 14Nyeyenete mono ŋituŋa atemar eronikinito ekile ŋitim ŋulu aoyak a? 15Nai aneni ka aberu erae ŋitim ŋulu aoyak akibuses. Anerae einakinitae iŋes ŋitim ŋulu aoyak kimukitor akou keŋ. 16Nai ani keyai ituŋanan ecamit apega ŋakiro ŋuna ikamunito ŋun, alimuni ayoŋ nu bon atemar emam etal ece ŋolo eyakare isua kori eyakatar ŋatukon a ŋikanupak.
Akimuj ŋina ke Ekapolon
(Mat. 26:26-29; Mar. 14:22-25; Luk. 22:14-20)
17Anakiro a ŋuna tokona alimuni ayoŋ, nyekepurit ayoŋ iyes, anerae ŋapakio daadaŋ ŋuna iryamiryamyata iyes iwapei akilip, itiyaeneneete iyes ŋinyas, meere ajokis.
18Ŋuna esyaunak, eira ayoŋ atemar ŋina iryamiryamyata iyes ikwapei atukot a ŋikanupak, eyai atyakatyaka kidiŋ kus; aneni kaŋ, esibit ŋakiro ŋun ŋuna a kire. 19(Kire itemokino toyai atyakatyaka kidiŋ kus, ikotere kileereunioto ŋulu enupito kire.) 20Apaki ŋina iryamiryamyata iyes, nyerae kire Akimuj ŋina ke Ekapolon imujete iyes. 21Anerae ani imujete iyes, isyakini ŋinituŋanan akinyam akeekimuj a ilope, tonyamite akoro ŋice ka tomeras ŋice. 22Emam mono iyes ŋirerya ŋulu imujata ka imasyata a? Kori ijamuwarito iyes atukot ŋina a ŋikanupak a ŋulu ka Akuj ka isurumito ŋileec ŋituŋa ŋulu emam ibore eyai a? Nyaanu ŋuna alimuni ayoŋ anakiro a nu? Ekepuri ayoŋ iyes a? Nyapedori!
23Anerae abu ayoŋ ejau aneni ke Ekapolon ŋakiro nu ŋuna adau ayoŋ akikobakin iyes. Abu Ekapolon Yesu ataboŋ ŋina alukinere, tolemu amugati, 24ani kedau alakar neni ka Akuj, tonyilinyili, tolimu tema, “Erae naga akaakuwan ŋina ejalyo ikotere iyes. Kitiyaete ikona ikotere ikiitunitotor ayoŋ.”
25Ikoŋinapei, kirikakis akimuj, tolemu ekopo tema, “Erae logo ekopo ŋolo a ŋaokot kaŋ a ŋuna ka Acamunet a ŋina kitete. Apaki daadaŋ ŋina imasyata iyes alokopo a lo, tomata ikiitunitotor ayoŋ.”
26Iŋes atemar apaki daadaŋ ŋina imujata amugati na ka ŋina imasyata alokopo a lo, iseraete iyes atwanare ŋina ke Ekapolon akitodol ŋina eboŋunio Ekapolon. 27Aŋun, ŋini daadaŋ imuji amugati kori emasi alokopo a ŋolo ke Ekapolon pa itopoloorit Ekapolon, eyany iŋes akuwan ka ŋaokot ke Ekapolon. 28Aŋun, itemokino ŋinituŋanan kisyemo bon mono, ido nai kimuj amugati ka tomat alokopo. 29Anerae ŋini daadaŋ imuji amugati ka emasi alokopo pa enupit apolou ŋina ka akuwan ka ŋaokot ke Ekapolon, etubokini Akuj iŋes. 30Iŋes nai eraakatar ŋice alokidiŋ kus ŋulu epalag ka ŋulu edyakasi, nabo atwaka ŋice daŋ. 31Kerae esyemem iwon mono make, pa kikitubok Akuj iwon. 32Nai ani ikisicani Ekapolon iwon, ikitatami erae akitatam, ikotere nyikitubokin iwon kaapei ka ŋituŋa ŋuluce ŋulu ka akwap.
33Aŋun nai ŋikaitotoi kaŋ, ani iryamiryamete iyes akinyam Akimuj ŋina a Ekapolon, itemokino kidarunos daadaŋ. 34Ani kenyamit idiotuŋanan akoro, itemokino iŋes kimuj mono alore keŋ, ikotere nyikitubok Akuj iyes daadaŋ. Ŋuna etapito ŋakiro ŋunace, akalimokini ayoŋ iyes ŋuna kitiya apaki ŋina abunio ayoŋ neni kus.
Currently Selected:
1 Ŋikor. 11: NIB2008
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
1 Ŋikor. 11
11
1Kituputoe ayoŋ, ikwapei etupusyo ayoŋ daŋ Kristo.
Akimukit akou anakilip
2Ekepuro ayoŋ iyes, anerae ikitamunito iyes ayoŋ jwi jwi anakiro a daadaŋ ka iwuapito iyes ŋitalyo a Ŋikristo, ŋulu eketatamianakini ayoŋ iyes. 3Acamit daŋ ayoŋ iyes toyenete atemar Kristo iŋes epolokinit ŋolokile daadaŋ ka epolokinit ekile aberu; nabo epolokinit Akuj Kristo. 4Ekile daadaŋ ŋolo ilipi kori edwari kimukite akou, nyitopoloorit Kristo. 5Nai aberu daadaŋ ŋina ilipi kori edwari nyimukit akou keŋ nyitopoloorit ekile keŋ--ikwaan ka abanyit akou keŋ. 6Ani pa kimuk aberu akou keŋ ka akitambara, itemokino tari tobanya ŋitim keŋ, nai ikwapei eraakar ŋileec aneni ka aberu abanyit akou keŋ, itemokino iŋes kimuk akou keŋ ka akitambara. 7Nyitemokino ekile akimuk akou keŋ, anerae erae iŋes etorube ka erae iŋes akitoodiunet ŋina ka apolou ka Akuj; erae nai aberu akitoodiunet ŋina ka apolou ke ekile. 8Anerae pa asubuni Akuj ekile anaberu, nai asubuni iŋes aberu alokile. 9Nabo pa asubuni Akuj ekile aŋuna ka aberu, nai asubuni iŋes aberu aŋuna ke ekile. 10Erae ŋakiro ŋun itemokino aberu imukitor akou ka akitambara kitoodiunia apolou keŋ aŋuna a ŋimalaikan. 11Nai anakiyar yok alotooma Ekapolon, epol nooi ayakar ekile, nabo epol nooi ekile ayakar aberu. 12Esubunitae aberu alokile, nai tari ekile daŋ itorunit neni ka aberu ka Akuj iŋes asubi ŋiboro daadaŋ.
13Totyakutu mono iyes ŋilopeyek erae kejok aberu akilip neni ka Akuj pa imukit akou. 14Nyeyenete mono ŋituŋa atemar eronikinito ekile ŋitim ŋulu aoyak a? 15Nai aneni ka aberu erae ŋitim ŋulu aoyak akibuses. Anerae einakinitae iŋes ŋitim ŋulu aoyak kimukitor akou keŋ. 16Nai ani keyai ituŋanan ecamit apega ŋakiro ŋuna ikamunito ŋun, alimuni ayoŋ nu bon atemar emam etal ece ŋolo eyakare isua kori eyakatar ŋatukon a ŋikanupak.
Akimuj ŋina ke Ekapolon
(Mat. 26:26-29; Mar. 14:22-25; Luk. 22:14-20)
17Anakiro a ŋuna tokona alimuni ayoŋ, nyekepurit ayoŋ iyes, anerae ŋapakio daadaŋ ŋuna iryamiryamyata iyes iwapei akilip, itiyaeneneete iyes ŋinyas, meere ajokis.
18Ŋuna esyaunak, eira ayoŋ atemar ŋina iryamiryamyata iyes ikwapei atukot a ŋikanupak, eyai atyakatyaka kidiŋ kus; aneni kaŋ, esibit ŋakiro ŋun ŋuna a kire. 19(Kire itemokino toyai atyakatyaka kidiŋ kus, ikotere kileereunioto ŋulu enupito kire.) 20Apaki ŋina iryamiryamyata iyes, nyerae kire Akimuj ŋina ke Ekapolon imujete iyes. 21Anerae ani imujete iyes, isyakini ŋinituŋanan akinyam akeekimuj a ilope, tonyamite akoro ŋice ka tomeras ŋice. 22Emam mono iyes ŋirerya ŋulu imujata ka imasyata a? Kori ijamuwarito iyes atukot ŋina a ŋikanupak a ŋulu ka Akuj ka isurumito ŋileec ŋituŋa ŋulu emam ibore eyai a? Nyaanu ŋuna alimuni ayoŋ anakiro a nu? Ekepuri ayoŋ iyes a? Nyapedori!
23Anerae abu ayoŋ ejau aneni ke Ekapolon ŋakiro nu ŋuna adau ayoŋ akikobakin iyes. Abu Ekapolon Yesu ataboŋ ŋina alukinere, tolemu amugati, 24ani kedau alakar neni ka Akuj, tonyilinyili, tolimu tema, “Erae naga akaakuwan ŋina ejalyo ikotere iyes. Kitiyaete ikona ikotere ikiitunitotor ayoŋ.”
25Ikoŋinapei, kirikakis akimuj, tolemu ekopo tema, “Erae logo ekopo ŋolo a ŋaokot kaŋ a ŋuna ka Acamunet a ŋina kitete. Apaki daadaŋ ŋina imasyata iyes alokopo a lo, tomata ikiitunitotor ayoŋ.”
26Iŋes atemar apaki daadaŋ ŋina imujata amugati na ka ŋina imasyata alokopo a lo, iseraete iyes atwanare ŋina ke Ekapolon akitodol ŋina eboŋunio Ekapolon. 27Aŋun, ŋini daadaŋ imuji amugati kori emasi alokopo a ŋolo ke Ekapolon pa itopoloorit Ekapolon, eyany iŋes akuwan ka ŋaokot ke Ekapolon. 28Aŋun, itemokino ŋinituŋanan kisyemo bon mono, ido nai kimuj amugati ka tomat alokopo. 29Anerae ŋini daadaŋ imuji amugati ka emasi alokopo pa enupit apolou ŋina ka akuwan ka ŋaokot ke Ekapolon, etubokini Akuj iŋes. 30Iŋes nai eraakatar ŋice alokidiŋ kus ŋulu epalag ka ŋulu edyakasi, nabo atwaka ŋice daŋ. 31Kerae esyemem iwon mono make, pa kikitubok Akuj iwon. 32Nai ani ikisicani Ekapolon iwon, ikitatami erae akitatam, ikotere nyikitubokin iwon kaapei ka ŋituŋa ŋuluce ŋulu ka akwap.
33Aŋun nai ŋikaitotoi kaŋ, ani iryamiryamete iyes akinyam Akimuj ŋina a Ekapolon, itemokino kidarunos daadaŋ. 34Ani kenyamit idiotuŋanan akoro, itemokino iŋes kimuj mono alore keŋ, ikotere nyikitubok Akuj iyes daadaŋ. Ŋuna etapito ŋakiro ŋunace, akalimokini ayoŋ iyes ŋuna kitiya apaki ŋina abunio ayoŋ neni kus.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.