Izikiẹl 46
46
1E nẹ Ọrovwohwo Ọghẹnẹ tare: Anurhoro rẹ obo ẹtan rẹ ọguan na rọ hirhe aro ku obaro ọnre na ke huho vwẹ ediruo esan na, ẹkẹvuọvo vwẹ ẹdidjala na ke rhie phihọ kugbe otuphro rẹ emeranvwe na ke rhie phihọ. 2Osun na kọ wan ọguan rẹ anurhoro rẹ obo otafe na ruọ ko mudia kẹrẹ uchivwo rọ hẹ asan anurhoro na. Orherẹn na ko ze izobo rẹ ẹtorhẹ kugbe izobo rẹ ufuoma rọye na, kọ ga ẹga vwẹ ibara rọ kẹrẹ anurhoro na. Etiyin kọ ro otafe, ẹkẹvuọvo e gbi rhe ẹchẹ na-a bẹsiẹ ro vwo te ovwọnvwọn. 3Ihwo rẹ otọ na ke ga ẹga vwẹ asan ra da ro anurhoro na vwẹ obaro rẹ Ọrovwohwo vwẹ ẹdidjala na kugbe otuphro rẹ emeranvwe na. 4Izobo rẹ ẹtorhẹ rẹ osun na zẹ kẹ Ọrovwohwo na vwẹ ẹdidjala na kọ dia imigodẹ esan ri vwo eka-an kugbe egbo ro vwo eka-an; 5izobo rẹ ọka na vẹ egbo na kọ dia iputusẹ ọvo, izobo rẹ ọka na vẹ imigodẹ na kọ dia uchobo rẹ udu rọye gbarẹ, vẹ ukoko rẹ evwri ọvo ọye a vwọ ba ephah ọvo. 6Vwẹ ẹdẹ rẹ otuphro rẹ emeranvwe na kọ vwẹ upene rẹ erhuẹn ọshare ro vwo eka-an vwo ze izobo, kugbe imigodẹ esan kugbe egbo, ro jẹ upe evwo; 7rọ vwọ dia izọbo rẹ ọka na ku wọ vwẹ iputusẹ vwọ kpahe erhuẹn ọshare wọ ke rha vwẹ iputusẹ vwọ kpahe egbo na, vẹ imigodẹ na kirobo rẹ udu wẹn gbare, vẹ ukoko rẹ evwri ọvuọvo vwọ ba iputusẹ ọvuọvo. 8Ọke rẹ osun na da ruọ, kọ wan ọguan rọ anurhoro na ruọ, idjerhe ọvuọvọ na ọ je wan no.
9Ọke re ihwo rẹ otọ na da rhe obaro rẹ Ọrovwohwo vwẹ ẹdorẹ re bruru na, ohwo rọ wan anurhoro rẹ obọhwẹre ọnre ruọ ra ga ẹga kọ wan anurhoro rẹ obuko ọnre ro otafe; ohwo rọ wan anurhoro rẹ obuko ọnre ruọ kọ wan anurhoro rẹ obọhwẹre ọnre no. O vwo ohwo ọvuọvo rọ cha wan anurhoro rọ wan ruọ jovwo no-o, ẹkẹvuọvo ohwo ọvuọvo kọ yan phiọnphiọn vrẹn. 10Ọke rẹ ayen da ro uwevwi, osun na vẹ ayen gba ro uwevwi; ọke re ayen da ro otafe, kọ je ro otafe.
11Vwẹ orẹ na kugbe oghẹre ẹdẹ re bru phihọ na izobo rẹ ọka na vẹ upene rẹ erhuẹn ọshare na kọ dia iputusẹ ọvo, ọ vẹ egbo ọvo je vwẹ iputusẹ ọvo, ọ vẹ imigodẹ na kerẹ ọtiobo rẹ ohwo sa kẹ, vẹ ukoko rẹ evwri ọvo vwọ ba iputusẹ ọvo. 12Ọke rẹ osun na de phi obo re vwo ze izobo ro nẹ udu rhe phihọ otọ, ọ da dia izobo rẹ ẹtorhẹ eyẹ ọ rẹ ufuoma ọye obo ro nẹ udu rhe kẹ Ọrovwohwo, anurhoro ro hirhe aro ku obaro ọnre na ọye e rhie kẹ, ko ze izobo rẹ ẹtorhẹ rọye eyẹ ọ rẹ ufuoma rọye kirobo ro ruẹ vwẹ ẹdidjala na. Kẹsiẹye ọ ke ro otafe, ọ da ro otafe nu ke huhu ẹcha na.
13Ko phi omogodẹ rẹ ẹgbukpe ọvo ro je ekan evwo phihọ otọ ra vwọ torhẹ izobo kẹ Ọrovwohwo kẹdẹ kẹdẹ, irhiọke kirhiọke o vwo muo rhe. 14Kẹ ọ je vwẹ izobo rẹ ọka vwọ ba kirhiọke kirhiọke, ẹkesan rẹ iputusẹ ọvo, akarha rẹ ukoko rẹ evwri re vwo gbe ọka na, rọ dia kerẹ izobo rẹ ọka ke Ọrovwohwo. Ọnana kọ dia urhi rẹ izobo ẹtorhẹ vwẹ ọke ejobi. 15E nẹ kọye omogodẹ na kugbe izobo rẹ emu na kugbe evwri na e phi ayen phihọ otọ kirhiọke kirhiọke, ke izobo rẹ ẹtorhẹ vwẹ ọke ejobi.
16E nẹ Ọrovwohwo Ọghẹnẹ tare: Ọ da dianẹ osun na ru ẹse kẹ emọ rọye evo vwẹ evun rẹ ughwẹ rọye, kọ dia ẹkẹn rẹ emọ rọye, ọ ye na kọ dia ekuakua rẹ ayen vwọ reuku. 17Ẹkẹvuọvo o de rhe ru ẹse vwẹ evun rẹ ughwẹ rọye vwọ kẹ idibo rọye, kọ dia ọrọye bẹsiẹ rọ vwọ tan oma; kẹsiẹye ọko yena ki rhivwi bru osun na, jokpa rẹ emọ rọye ọvo re sa yọnrọn ẹse na vwẹ ughwẹ rọye 18Osun na sa reyọ ughwẹ re ihwo na, rọ da djẹ ayen nẹ otọ na-a, otọ robọ rọye ọ vwọ ghare ughwẹ kẹ emọ rọye, rere e vwọ jẹ otọ rẹ ihwo mẹ ẹreyọ mie ayen.
19Etiyin ọ da vwẹ ovwẹ wan anurhoro rọ hẹ akakọ na, vwo kpo urhie rọ obọhwẹre ọnre vwẹ uvun ọfuanfon na ra vwọ kẹ irherẹn na; Etiyin me da mrẹ asan vwẹ obo ẹtan rẹ ayen ejobi vwẹ ẹbẹre rẹ obọrhe ọnre. 20O da ta kẹ vwẹ, Ọnana asan rẹ irherẹn na de che chere izobo rẹ abe na kugbe izobo rẹ umwemu na, kugbe asan rẹ ayen da kakẹ izobo rẹ ọka na, rere a je vwẹ ayen rhe obo uphẹphẹ rẹ ọguan na rere e vwo jẹ ẹfuọn ẹhwarhiẹ rhe ihwo na.
21Etiyin ọ da reyọ ovwẹ phia vwẹ obo uphẹphẹ rẹ ọguan na, ọ de sun vwe kpo igogo ẹne rẹ ọguan na; vwẹ ugogo ọvuọvo rẹ ọguan na ọguan ọfa da rha herọ– 22vwẹ igogo ẹne rẹ ọguan na emeguan da rha herọ, ugrogro rọye kubit ujuvẹ ohẹhẹre rọye kubit ọgban; ẹne na da dia abavo. 23Vwẹ obo evun, riariẹ ọvuọvo rẹ ọguan na ẹne na urhiẹ rẹ ichivwo ra mare herọ, vẹ enyerhanre ra ma riariẹ obotọ rẹ irhiẹ na. 24Etiyin ọ da ta kẹ vwẹ, Enana hẹ ikoni rẹ irherẹn ri gbe odibo vwẹ uwevwi rẹ ẹga na de chere izobo rẹ ihwo na.
Currently Selected:
Izikiẹl 46: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 46
46
1E nẹ Ọrovwohwo Ọghẹnẹ tare: Anurhoro rẹ obo ẹtan rẹ ọguan na rọ hirhe aro ku obaro ọnre na ke huho vwẹ ediruo esan na, ẹkẹvuọvo vwẹ ẹdidjala na ke rhie phihọ kugbe otuphro rẹ emeranvwe na ke rhie phihọ. 2Osun na kọ wan ọguan rẹ anurhoro rẹ obo otafe na ruọ ko mudia kẹrẹ uchivwo rọ hẹ asan anurhoro na. Orherẹn na ko ze izobo rẹ ẹtorhẹ kugbe izobo rẹ ufuoma rọye na, kọ ga ẹga vwẹ ibara rọ kẹrẹ anurhoro na. Etiyin kọ ro otafe, ẹkẹvuọvo e gbi rhe ẹchẹ na-a bẹsiẹ ro vwo te ovwọnvwọn. 3Ihwo rẹ otọ na ke ga ẹga vwẹ asan ra da ro anurhoro na vwẹ obaro rẹ Ọrovwohwo vwẹ ẹdidjala na kugbe otuphro rẹ emeranvwe na. 4Izobo rẹ ẹtorhẹ rẹ osun na zẹ kẹ Ọrovwohwo na vwẹ ẹdidjala na kọ dia imigodẹ esan ri vwo eka-an kugbe egbo ro vwo eka-an; 5izobo rẹ ọka na vẹ egbo na kọ dia iputusẹ ọvo, izobo rẹ ọka na vẹ imigodẹ na kọ dia uchobo rẹ udu rọye gbarẹ, vẹ ukoko rẹ evwri ọvo ọye a vwọ ba ephah ọvo. 6Vwẹ ẹdẹ rẹ otuphro rẹ emeranvwe na kọ vwẹ upene rẹ erhuẹn ọshare ro vwo eka-an vwo ze izobo, kugbe imigodẹ esan kugbe egbo, ro jẹ upe evwo; 7rọ vwọ dia izọbo rẹ ọka na ku wọ vwẹ iputusẹ vwọ kpahe erhuẹn ọshare wọ ke rha vwẹ iputusẹ vwọ kpahe egbo na, vẹ imigodẹ na kirobo rẹ udu wẹn gbare, vẹ ukoko rẹ evwri ọvuọvo vwọ ba iputusẹ ọvuọvo. 8Ọke rẹ osun na da ruọ, kọ wan ọguan rọ anurhoro na ruọ, idjerhe ọvuọvọ na ọ je wan no.
9Ọke re ihwo rẹ otọ na da rhe obaro rẹ Ọrovwohwo vwẹ ẹdorẹ re bruru na, ohwo rọ wan anurhoro rẹ obọhwẹre ọnre ruọ ra ga ẹga kọ wan anurhoro rẹ obuko ọnre ro otafe; ohwo rọ wan anurhoro rẹ obuko ọnre ruọ kọ wan anurhoro rẹ obọhwẹre ọnre no. O vwo ohwo ọvuọvo rọ cha wan anurhoro rọ wan ruọ jovwo no-o, ẹkẹvuọvo ohwo ọvuọvo kọ yan phiọnphiọn vrẹn. 10Ọke rẹ ayen da ro uwevwi, osun na vẹ ayen gba ro uwevwi; ọke re ayen da ro otafe, kọ je ro otafe.
11Vwẹ orẹ na kugbe oghẹre ẹdẹ re bru phihọ na izobo rẹ ọka na vẹ upene rẹ erhuẹn ọshare na kọ dia iputusẹ ọvo, ọ vẹ egbo ọvo je vwẹ iputusẹ ọvo, ọ vẹ imigodẹ na kerẹ ọtiobo rẹ ohwo sa kẹ, vẹ ukoko rẹ evwri ọvo vwọ ba iputusẹ ọvo. 12Ọke rẹ osun na de phi obo re vwo ze izobo ro nẹ udu rhe phihọ otọ, ọ da dia izobo rẹ ẹtorhẹ eyẹ ọ rẹ ufuoma ọye obo ro nẹ udu rhe kẹ Ọrovwohwo, anurhoro ro hirhe aro ku obaro ọnre na ọye e rhie kẹ, ko ze izobo rẹ ẹtorhẹ rọye eyẹ ọ rẹ ufuoma rọye kirobo ro ruẹ vwẹ ẹdidjala na. Kẹsiẹye ọ ke ro otafe, ọ da ro otafe nu ke huhu ẹcha na.
13Ko phi omogodẹ rẹ ẹgbukpe ọvo ro je ekan evwo phihọ otọ ra vwọ torhẹ izobo kẹ Ọrovwohwo kẹdẹ kẹdẹ, irhiọke kirhiọke o vwo muo rhe. 14Kẹ ọ je vwẹ izobo rẹ ọka vwọ ba kirhiọke kirhiọke, ẹkesan rẹ iputusẹ ọvo, akarha rẹ ukoko rẹ evwri re vwo gbe ọka na, rọ dia kerẹ izobo rẹ ọka ke Ọrovwohwo. Ọnana kọ dia urhi rẹ izobo ẹtorhẹ vwẹ ọke ejobi. 15E nẹ kọye omogodẹ na kugbe izobo rẹ emu na kugbe evwri na e phi ayen phihọ otọ kirhiọke kirhiọke, ke izobo rẹ ẹtorhẹ vwẹ ọke ejobi.
16E nẹ Ọrovwohwo Ọghẹnẹ tare: Ọ da dianẹ osun na ru ẹse kẹ emọ rọye evo vwẹ evun rẹ ughwẹ rọye, kọ dia ẹkẹn rẹ emọ rọye, ọ ye na kọ dia ekuakua rẹ ayen vwọ reuku. 17Ẹkẹvuọvo o de rhe ru ẹse vwẹ evun rẹ ughwẹ rọye vwọ kẹ idibo rọye, kọ dia ọrọye bẹsiẹ rọ vwọ tan oma; kẹsiẹye ọko yena ki rhivwi bru osun na, jokpa rẹ emọ rọye ọvo re sa yọnrọn ẹse na vwẹ ughwẹ rọye 18Osun na sa reyọ ughwẹ re ihwo na, rọ da djẹ ayen nẹ otọ na-a, otọ robọ rọye ọ vwọ ghare ughwẹ kẹ emọ rọye, rere e vwọ jẹ otọ rẹ ihwo mẹ ẹreyọ mie ayen.
19Etiyin ọ da vwẹ ovwẹ wan anurhoro rọ hẹ akakọ na, vwo kpo urhie rọ obọhwẹre ọnre vwẹ uvun ọfuanfon na ra vwọ kẹ irherẹn na; Etiyin me da mrẹ asan vwẹ obo ẹtan rẹ ayen ejobi vwẹ ẹbẹre rẹ obọrhe ọnre. 20O da ta kẹ vwẹ, Ọnana asan rẹ irherẹn na de che chere izobo rẹ abe na kugbe izobo rẹ umwemu na, kugbe asan rẹ ayen da kakẹ izobo rẹ ọka na, rere a je vwẹ ayen rhe obo uphẹphẹ rẹ ọguan na rere e vwo jẹ ẹfuọn ẹhwarhiẹ rhe ihwo na.
21Etiyin ọ da reyọ ovwẹ phia vwẹ obo uphẹphẹ rẹ ọguan na, ọ de sun vwe kpo igogo ẹne rẹ ọguan na; vwẹ ugogo ọvuọvo rẹ ọguan na ọguan ọfa da rha herọ– 22vwẹ igogo ẹne rẹ ọguan na emeguan da rha herọ, ugrogro rọye kubit ujuvẹ ohẹhẹre rọye kubit ọgban; ẹne na da dia abavo. 23Vwẹ obo evun, riariẹ ọvuọvo rẹ ọguan na ẹne na urhiẹ rẹ ichivwo ra mare herọ, vẹ enyerhanre ra ma riariẹ obotọ rẹ irhiẹ na. 24Etiyin ọ da ta kẹ vwẹ, Enana hẹ ikoni rẹ irherẹn ri gbe odibo vwẹ uwevwi rẹ ẹga na de chere izobo rẹ ihwo na.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.