Izikiẹl 47
47
Ame rẹ Esivwo ro nẹ Uwevwi rẹ Ẹga na Rhe
1Etiyin ọ da vwẹ ovwẹ rhivwi rhe asan ẹchẹ rẹ uwevwi rẹ ẹga na; nighe, ame ro hwe nẹ obotọ rẹ ibara rẹ uwevwi rẹ ẹga na cha rọ ghwoma phihọ obaro ọnre (kidie uwevwi rẹ ẹga na hirhe aro ku obaro ọnre); ye ame na re hwẹ nẹ obotọ cha vwẹ obo oba vwẹ obuko ọnre vwẹ ibara rẹ uwevwi rẹ ẹga na, vwẹ obuko ọnre rẹ agbada na. 2Etiyin ọ da reyọ ovwẹ rhe rhe wan idjerhe rẹ obọhwẹre ọnre vwẹ anurhoro na, o de sun vwe riariẹ uphephe vwẹ obo otafe rẹ anurhoro na, ro hirhe aro ku obaro ọnre, ame na ra djẹ nẹ akakọ rẹ obuko ọnre na cha.
3Rẹ ọ vwọ yan phihọ obaro ọnre vẹ ufi vwẹ obọ rọye, ohwo na da vwanvwe kubit uriorin, Etiyin o ki sun vwe wan ame na, o de kodo te uwurho rẹ owọ. 4Ọ da rhoma vwanvwe uriori, o de sun vwe wan ame na; o de kodo te ugbo. Ọ da rhoma vwanvwe uriorin, o de sun vwe wan ame na; o de kodo te ehun. 5Ọ da rhoma vwanvwe uriorin, o de rhi hirhe phihọ urhie re jẹ san wanvrẹn, kidie ame na vọn rhe, o de kodo te asan ra da rhẹrhẹ, urhie re je san wanvrẹn. 6Ọ da ta kẹ vwẹ, Ọmọ rẹ ohwo, wọ mrẹ ọnana?
Etiyin o de sun vwe kpuko vwẹ orhoma rẹ urhie na. 7Ri mi vwo rhivwi kpo uko, me da mrẹ irhe buebu vwẹ orhoma rẹ urhie na, vwẹ abọ nana vẹ abọ rivẹ. 8Ọ da ta kẹ vwẹ, Ame nana djẹ kpo ubrakpọ rẹ obaro ọnre yanran re fi obo Araba; ọke rẹ ame na da ra djẹ ro ame rẹ abadi na ro mudje kei na, ame na kọ cha vwerha. 9Kasan kasan rẹ ame na teri kemu kemu ọkpokpọ rẹ ọ rhẹrhẹ vwẹ ame na ejobi kọ rhọ, iyeri buebu ke dia ame na; kidie ame na djẹ kpo etiyin, rere ame rẹ abadi na vwọ vwerhe, kemu kemu kọ rhọ vwẹ asan kasan rẹ urhie na djẹra ejobi. 10Ihwiyeri ki mudia vwẹ orhoma rẹ abadi na; nẹ Ẹngẹdi re te Ẹnẹglaim kọ cha dia asan ra vwẹ iriri tan, iyeri rọye kẹ dia oghẹre buebu, kerẹ iyeri rẹ Abadi Rode. 11Ẹkẹvuọvo ame rẹ ighroghro rọye vẹ ehwọrhọ rọye gbe sa vwerhe-e; ka yan jẹ eyena vwo kẹ ughweri. 12Vwẹ orhoma rọye na, vwẹ abọ nana vẹ abọ rivẹ rẹ urhie na, oka rẹ irhe buebu ra ria ke djẹ vwọ. Ẹbe rayen gbi vwioro-o eyẹ ibi rayen gbe kpare she-e, ẹkẹvuọvo ke mọ ibi ekpokpọ kemeranvwe kemeranvwe, fikiridie ame rẹ ayen da na obo ẹshẹ ọ djẹ nẹcha. Ibi rayen ke dia emuọre ẹbe rayen ke dia umwu.
Ughwru Kugbe Ogharọ rẹ Otọ na
13E nẹ Ọrovwohwo Ọghẹnẹ tare: Enana keye ughwru ru wọ cha vwọ ghare otọ na kẹ orua ihwivẹ rẹ Izrẹl na re vwọ reuku Jọsẹf ko vwo ẹkẹn ivẹ. 14Ku wọ gharọ abọvo. Mi veri nẹ me vwọ kẹ esẹ wẹn, otọ nana ko bru we rhe kerẹ ẹkẹn uku wẹn.
15Ọnana kọ dia ughwru re otọ na. Vwẹ ẹbẹre rẹ obọhwẹre ọnre, nẹ Abadi Rode na vwẹ oma ri Hẹtlọn re te enu ri Hamat, ji re te Zedad, 16Berotah, Sibraim (rọ hẹ ughwru vwẹ uvwre ri Damaskọs vi Hamat), rhiri re te Hazerhatikọn, rọ hẹ ughwru ri Hauran. 17Kẹ ọtiọye ughwru na cha djẹ nẹ abadi na re te Hazarenọn, rọ hẹ ughwru vwẹ abọ rẹ obọhwẹre ọnre ri Damaskọs, yẹ ughwru ri Hamat herọ vwẹ obọhwẹre ọnre. Ọnana kọ dia ẹbẹre rẹ ohọhwẹre ọnre.
18Vwẹ abọ rẹ obaro ọnre, ughwru na kọ djẹ nẹ Hazarenọn vwẹ uvwre ri Hauran vi Damaskọs; vwẹ oma rẹ urhie ri Jọdan vwẹ uvwre ri Gilead vẹ otọ rẹ Izrẹl, re te abadi rọ hẹ obaro ọnre rhiri re te Tamar. Ọnana kọ dia abọ rẹ obaro ọnre.
19Vwẹ abọ rọ hẹ obuko ọnre, kọ djẹ nẹ Tamar rhiri re te ame ri Merlbatkadẹsh, nẹ etiyin vwẹ oma rẹ Oku rẹ Ijipt re te Abadi Rode na. Ọnana kọ dia abọ rẹ obuko ọnre.
20Vwẹ abọ rẹ obọrhe ọnre, Abadi Rode na kọ dia ughwru re te asan ro hirhe aro ku unu ri Hamat. Abọ nana kọ dia obọrhe ọnre.
21Ọtiọye na ku wa ghare otọ nana kẹ oma rẹ ovwan kirobo rẹ orua rẹ Izrẹl epha. 22Ku we bro ẹkuẹko rọ dia ẹkẹn uku kẹ oma rẹ ovwan kugbe erhorha re dia ohri rẹ ovwan ri ji vwiẹ emọ vwẹ ohri rẹ ovwan. Ayen ke dia kerẹ emotọ re vwiẹri vwẹ Izrẹl na; ayen vẹ ovwan keye a ghare uku na kẹ vwẹ ohri rẹ orua rẹ Izrẹl na. 23Vwi korua korua rẹ ọrhorha na dia, etiyin wọ da ghare uku rọye kẹ, eriyin Ọrovwohwo Ọghẹnẹ tare.
Currently Selected:
Izikiẹl 47: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 47
47
Ame rẹ Esivwo ro nẹ Uwevwi rẹ Ẹga na Rhe
1Etiyin ọ da vwẹ ovwẹ rhivwi rhe asan ẹchẹ rẹ uwevwi rẹ ẹga na; nighe, ame ro hwe nẹ obotọ rẹ ibara rẹ uwevwi rẹ ẹga na cha rọ ghwoma phihọ obaro ọnre (kidie uwevwi rẹ ẹga na hirhe aro ku obaro ọnre); ye ame na re hwẹ nẹ obotọ cha vwẹ obo oba vwẹ obuko ọnre vwẹ ibara rẹ uwevwi rẹ ẹga na, vwẹ obuko ọnre rẹ agbada na. 2Etiyin ọ da reyọ ovwẹ rhe rhe wan idjerhe rẹ obọhwẹre ọnre vwẹ anurhoro na, o de sun vwe riariẹ uphephe vwẹ obo otafe rẹ anurhoro na, ro hirhe aro ku obaro ọnre, ame na ra djẹ nẹ akakọ rẹ obuko ọnre na cha.
3Rẹ ọ vwọ yan phihọ obaro ọnre vẹ ufi vwẹ obọ rọye, ohwo na da vwanvwe kubit uriorin, Etiyin o ki sun vwe wan ame na, o de kodo te uwurho rẹ owọ. 4Ọ da rhoma vwanvwe uriori, o de sun vwe wan ame na; o de kodo te ugbo. Ọ da rhoma vwanvwe uriorin, o de sun vwe wan ame na; o de kodo te ehun. 5Ọ da rhoma vwanvwe uriorin, o de rhi hirhe phihọ urhie re jẹ san wanvrẹn, kidie ame na vọn rhe, o de kodo te asan ra da rhẹrhẹ, urhie re je san wanvrẹn. 6Ọ da ta kẹ vwẹ, Ọmọ rẹ ohwo, wọ mrẹ ọnana?
Etiyin o de sun vwe kpuko vwẹ orhoma rẹ urhie na. 7Ri mi vwo rhivwi kpo uko, me da mrẹ irhe buebu vwẹ orhoma rẹ urhie na, vwẹ abọ nana vẹ abọ rivẹ. 8Ọ da ta kẹ vwẹ, Ame nana djẹ kpo ubrakpọ rẹ obaro ọnre yanran re fi obo Araba; ọke rẹ ame na da ra djẹ ro ame rẹ abadi na ro mudje kei na, ame na kọ cha vwerha. 9Kasan kasan rẹ ame na teri kemu kemu ọkpokpọ rẹ ọ rhẹrhẹ vwẹ ame na ejobi kọ rhọ, iyeri buebu ke dia ame na; kidie ame na djẹ kpo etiyin, rere ame rẹ abadi na vwọ vwerhe, kemu kemu kọ rhọ vwẹ asan kasan rẹ urhie na djẹra ejobi. 10Ihwiyeri ki mudia vwẹ orhoma rẹ abadi na; nẹ Ẹngẹdi re te Ẹnẹglaim kọ cha dia asan ra vwẹ iriri tan, iyeri rọye kẹ dia oghẹre buebu, kerẹ iyeri rẹ Abadi Rode. 11Ẹkẹvuọvo ame rẹ ighroghro rọye vẹ ehwọrhọ rọye gbe sa vwerhe-e; ka yan jẹ eyena vwo kẹ ughweri. 12Vwẹ orhoma rọye na, vwẹ abọ nana vẹ abọ rivẹ rẹ urhie na, oka rẹ irhe buebu ra ria ke djẹ vwọ. Ẹbe rayen gbi vwioro-o eyẹ ibi rayen gbe kpare she-e, ẹkẹvuọvo ke mọ ibi ekpokpọ kemeranvwe kemeranvwe, fikiridie ame rẹ ayen da na obo ẹshẹ ọ djẹ nẹcha. Ibi rayen ke dia emuọre ẹbe rayen ke dia umwu.
Ughwru Kugbe Ogharọ rẹ Otọ na
13E nẹ Ọrovwohwo Ọghẹnẹ tare: Enana keye ughwru ru wọ cha vwọ ghare otọ na kẹ orua ihwivẹ rẹ Izrẹl na re vwọ reuku Jọsẹf ko vwo ẹkẹn ivẹ. 14Ku wọ gharọ abọvo. Mi veri nẹ me vwọ kẹ esẹ wẹn, otọ nana ko bru we rhe kerẹ ẹkẹn uku wẹn.
15Ọnana kọ dia ughwru re otọ na. Vwẹ ẹbẹre rẹ obọhwẹre ọnre, nẹ Abadi Rode na vwẹ oma ri Hẹtlọn re te enu ri Hamat, ji re te Zedad, 16Berotah, Sibraim (rọ hẹ ughwru vwẹ uvwre ri Damaskọs vi Hamat), rhiri re te Hazerhatikọn, rọ hẹ ughwru ri Hauran. 17Kẹ ọtiọye ughwru na cha djẹ nẹ abadi na re te Hazarenọn, rọ hẹ ughwru vwẹ abọ rẹ obọhwẹre ọnre ri Damaskọs, yẹ ughwru ri Hamat herọ vwẹ obọhwẹre ọnre. Ọnana kọ dia ẹbẹre rẹ ohọhwẹre ọnre.
18Vwẹ abọ rẹ obaro ọnre, ughwru na kọ djẹ nẹ Hazarenọn vwẹ uvwre ri Hauran vi Damaskọs; vwẹ oma rẹ urhie ri Jọdan vwẹ uvwre ri Gilead vẹ otọ rẹ Izrẹl, re te abadi rọ hẹ obaro ọnre rhiri re te Tamar. Ọnana kọ dia abọ rẹ obaro ọnre.
19Vwẹ abọ rọ hẹ obuko ọnre, kọ djẹ nẹ Tamar rhiri re te ame ri Merlbatkadẹsh, nẹ etiyin vwẹ oma rẹ Oku rẹ Ijipt re te Abadi Rode na. Ọnana kọ dia abọ rẹ obuko ọnre.
20Vwẹ abọ rẹ obọrhe ọnre, Abadi Rode na kọ dia ughwru re te asan ro hirhe aro ku unu ri Hamat. Abọ nana kọ dia obọrhe ọnre.
21Ọtiọye na ku wa ghare otọ nana kẹ oma rẹ ovwan kirobo rẹ orua rẹ Izrẹl epha. 22Ku we bro ẹkuẹko rọ dia ẹkẹn uku kẹ oma rẹ ovwan kugbe erhorha re dia ohri rẹ ovwan ri ji vwiẹ emọ vwẹ ohri rẹ ovwan. Ayen ke dia kerẹ emotọ re vwiẹri vwẹ Izrẹl na; ayen vẹ ovwan keye a ghare uku na kẹ vwẹ ohri rẹ orua rẹ Izrẹl na. 23Vwi korua korua rẹ ọrhorha na dia, etiyin wọ da ghare uku rọye kẹ, eriyin Ọrovwohwo Ọghẹnẹ tare.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.