Izikiẹl 45
45
Ẹgharọ rẹ Otọ na Kugbe Ovwanvwọn Ọsoso
1Ọke wọ da cha gharẹ otọ na ẹkẹnkẹn, wo mi phi ẹkẹn vwọ hẹ akakọ kẹ Ọrovwohwo vwẹ usun rẹ otọ na rọ dia ubrotọ ọfuanfọn, ugrọgro rọye kubit uriorin uje gbẹ iyorin ohẹhẹre rọye kubit uriorin uje, ko dia fuanfon vwẹ asan rọ rho te ejobi. 2Vwẹ evun rẹ ọnana ẹkẹn rẹ kubit ujorin iyorin vwẹ ugrogro vẹ ohẹhẹre kọ dia asan ẹshẹ, idjerhe ra gbẹn riariẹ phihọ mi phen te kubit ujuvẹ gbẹ ihwe. 3Vwẹ ubrotọ ọfuanfon na wọ me vwanvwẹ abọvo nẹ ugrogro rọye kubit uriori uje gbẹ iyorin kugbe ohẹhẹre kubit uriorin ihwe, evun rẹ etinẹ na kọye eshe na dia, asan rọ ma fon ejobi. 4Kọye re cha dia ẹkẹn rọ ma fon vwẹ otọ na, kọ dia ọ rẹ irherẹn na, ri gbe odibo vwẹ ẹshẹ na ri sikẹrẹ Ọrovwohwo re gbe odibo kẹ, kọye re dia asan rẹ uwevwi rayen cha dia kugbe asan ọfuanfon kẹ asan ẹshẹ na. 5Ogharọ ọfa, ugrogro rọye kubit uriori uje gbẹ iyorin ohẹhẹre rọye kubit uriorin ihwe, kọ dia kẹ ihwo ri Livae ri gbe odibo vwẹ uwevwi rẹ ẹga na, ọye kọ dia ẹkẹn ughwẹ rayen vẹ irere rẹ ayen cha dia.
6Vwọ ba ẹkẹn re phihọ akakọ nọ dia ubrotọ ọfuanfon na ku wo ji bru ẹkẹn ra bọn orere na phihọ asan rẹ ohẹhẹre rọye dia kubit uriorin iyorin, ugrogro rọye kubit uriorin uje gbẹ iyorin, kọ dia ọ rẹ uwevwi rẹ Izrẹl ejobi.
7Otọ rẹ abọ nana vẹ abọ rivẹ rẹ ubrotọ ọfuanfon na kọ dia ọ rẹ osun kugbe otọ rẹ evun rẹ orere na, vwọ ba ubrotọ ọfuanfon na kugbe otọ rẹ evun rẹ orere na, vwẹ obaro ọnre vẹ obuko ọnre, rọ vẹ ugrogro rẹ otọ na dia abavo da dia ẹkẹn rẹ orua ọvo, rẹ ughwru rọye nene obuko ọnre re te obaro ọnre rẹ otọ na. 8Ọye na kọye re cha dia ẹkẹn rẹ otọ rọye vwẹ Izrẹl na. Isun mẹ gbi che shenyẹ ihwo mẹ ọfa-a, ẹkẹvuọvo ayen ke jẹ uwevwi rẹ Izrẹl vwo otọ na kirobo ra gharọ kẹ orua rayen.
9E nẹ Ọrovwohwo Ọghẹnẹ tare: Oteri, E isun rẹ Izrẹl! Ku ogbarogba vẹ oshenyẹ kufia, ru ọsoso vẹ ọvwata; we gbi keke ihwo mẹ nẹ otọ raye-en, eriyin Ọrovwohwo Ọghẹnẹ tare.
10Ku we vwo ovwanvwọn ro shephihọ abavo, iputusẹ abavo kugbe oze abavo. 11Iputusẹ na kugbe oze na me dia abavo vwẹ ovwanvwọn, oze na me dia ẹkihwe rẹ eghẹghẹre, iputusẹ na jẹ vwẹ ekihwe rẹ eghẹghẹre, eghẹghẹre kọye dia uvi rẹ unu rẹ ovwanvwọn. 12Shekẹl na ko dia gera uje, shekẹl iyorin kọ dia shekẹl iyorin, shekẹl ihwe ke dia shekẹl ihwe, mina wẹn kọ dia shekẹl ujuvẹ gbẹ ihwe.
Izobo Kugbe Erẹ
13Ọnana kọye izobo ru wo che ze: ekeasn rẹ iputusẹ vwẹ eghẹghẹre rẹ ọka, ekesan rẹ iputusẹ vwẹ eghẹghẹre rẹ bali, 14kirobo ra vwọ vwanvwan evwri, ẹkesan rẹ oze vwi kor ọvuọvo, (kor na, họhọ eghẹghẹre ihwe re vọn oze ọvo), 15vwẹ ekru rẹ igodẹ ujori ivẹ a me reyọ ogodẹ ọvo no rhe, vwẹ ekru rẹ Izrẹl na. Ọnana kọye e vwo ze izobo rẹ ọka, izobo rẹ ẹtorhẹ, kugbe izobo rẹ ufuoma, rere a vwo rhuẹrẹ arhuẹrẹ kẹ ayen, eriyin Ọrovwohwo Ọghẹnẹ tare. 16Ihwo rẹ otọ na ejobi ki toro izobo na kẹ osun rẹ Izrẹl na. 17Ke rha iruo rẹ osun na ro vwo ze izobo rẹ ẹtorhẹ na, izobo rẹ ọka, kugbe izobo rẹ udi, vwẹ ọke orẹ na, vwẹ asan ọtuphro rẹ emeranvwe, vẹ ẹdidjala, vwẹ ẹdorẹ rẹ bruru ejobi vwẹ uwevwi rẹ Izrẹl na: ọye ri ji vwọ oho re vwo ze izobo rẹ umwemu, izobo rẹ ọka, izobo rẹ ẹtorhẹ kugbe izobo rẹ ufuoma, rere a vwọ rhuẹrẹ arhuẹrẹ kẹ uwevwi rẹ Izrẹl.
18E nẹ Ọrovwohwo Ọghẹnẹ tare: Vwẹ emeranvwe rẹsosuọ, vwẹ ẹdẹ rẹsọsuọ rẹ emeranvwe na, ku wọ reyọ upene rẹ erhuẹn ọshare ro vwo eka-an vwo phorho ẹshẹ na. 19Orherẹn na kọ reyọ emerha rẹ ọbara rẹ izobo rẹ umwemu na o mi vwo te edọvi rẹ uwevwi rẹ ẹga na, igogo ẹne rẹ agbada na, kugbe edọvi rẹ anurhoro rẹ ọguan rọ hẹ obo ẹtan na. 20Ọtiọye wo ji ru vwẹ ẹdẹ righwrẹ rẹ emeranvwe na vwọ kẹ ohwo ro ru umwemu vwẹ ugheghẹ eyẹ ọ chọrobọ, ọtiọye kọye wọ gọ ẹgua vwo kẹ uwevwi rẹ ẹga na.
21Vwẹ emeranvwe rẹ ẹsosuọ, vwẹ ẹdẹ rihwẹne rẹ emeranvwe na, ku wọ rẹ orẹ rẹ ẹwanvrẹn na, vwẹ ọsọsọ rẹ ẹdẹ ighwrẹ ikara ro jephuo kọye a re. 22Vwẹ ẹdẹ yena osun na kọye vwo obo rẹ ekpuyovwi rọye cha re kugbe ihwo rẹ otọ na ejobi cha re upene rẹ erhuẹn ọshare re vwo ze izobo rẹ umwemwu. 23Vwẹ ẹdẹ ighwrẹ vwẹ orẹ na ko phi upene rẹ erhuẹn eshare ighwrẹn phihọ otọ re vwo ze izobo rẹ ẹtorhẹ kẹ Ọrovwohwo, kugbe egbo ighwrẹn ri vwo eka-an, ọvo ẹdẹvo bẹsiẹ rẹ ẹdẹ ighwrẹn na vwọ gba, kugbe ẹkpro kẹdẹ kẹdẹ re vwo ze izobo rẹ umwemu. 24Ọ me rha vwanvwẹ iputusẹ rẹ ọka vwọ ba erhuẹn ọshare ọvuọvọ na vwo ze izobo, iputusẹ ọvo vwọ ba egbo ọvo, ukoko rẹ evwri ọvo vwọ ba iputusẹ rẹ ọka ọvo. 25Vwẹ emeravwe righwrẹ, vwẹ ẹdẹ ihwiori rẹ emeranvwe na vwẹ evun rẹ ẹdẹ ighwrẹn rẹ orẹ na, ọ je ghwa oghẹre rẹ ekuakua ọvuọvo na phihọ otọ re vwo ze izobo rẹ umwemu, izobo rẹ ẹtorhẹ, kugbe izobo rẹ ọka, vẹ evwri.
Currently Selected:
Izikiẹl 45: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 45
45
Ẹgharọ rẹ Otọ na Kugbe Ovwanvwọn Ọsoso
1Ọke wọ da cha gharẹ otọ na ẹkẹnkẹn, wo mi phi ẹkẹn vwọ hẹ akakọ kẹ Ọrovwohwo vwẹ usun rẹ otọ na rọ dia ubrotọ ọfuanfọn, ugrọgro rọye kubit uriorin uje gbẹ iyorin ohẹhẹre rọye kubit uriorin uje, ko dia fuanfon vwẹ asan rọ rho te ejobi. 2Vwẹ evun rẹ ọnana ẹkẹn rẹ kubit ujorin iyorin vwẹ ugrogro vẹ ohẹhẹre kọ dia asan ẹshẹ, idjerhe ra gbẹn riariẹ phihọ mi phen te kubit ujuvẹ gbẹ ihwe. 3Vwẹ ubrotọ ọfuanfon na wọ me vwanvwẹ abọvo nẹ ugrogro rọye kubit uriori uje gbẹ iyorin kugbe ohẹhẹre kubit uriorin ihwe, evun rẹ etinẹ na kọye eshe na dia, asan rọ ma fon ejobi. 4Kọye re cha dia ẹkẹn rọ ma fon vwẹ otọ na, kọ dia ọ rẹ irherẹn na, ri gbe odibo vwẹ ẹshẹ na ri sikẹrẹ Ọrovwohwo re gbe odibo kẹ, kọye re dia asan rẹ uwevwi rayen cha dia kugbe asan ọfuanfon kẹ asan ẹshẹ na. 5Ogharọ ọfa, ugrogro rọye kubit uriori uje gbẹ iyorin ohẹhẹre rọye kubit uriorin ihwe, kọ dia kẹ ihwo ri Livae ri gbe odibo vwẹ uwevwi rẹ ẹga na, ọye kọ dia ẹkẹn ughwẹ rayen vẹ irere rẹ ayen cha dia.
6Vwọ ba ẹkẹn re phihọ akakọ nọ dia ubrotọ ọfuanfon na ku wo ji bru ẹkẹn ra bọn orere na phihọ asan rẹ ohẹhẹre rọye dia kubit uriorin iyorin, ugrogro rọye kubit uriorin uje gbẹ iyorin, kọ dia ọ rẹ uwevwi rẹ Izrẹl ejobi.
7Otọ rẹ abọ nana vẹ abọ rivẹ rẹ ubrotọ ọfuanfon na kọ dia ọ rẹ osun kugbe otọ rẹ evun rẹ orere na, vwọ ba ubrotọ ọfuanfon na kugbe otọ rẹ evun rẹ orere na, vwẹ obaro ọnre vẹ obuko ọnre, rọ vẹ ugrogro rẹ otọ na dia abavo da dia ẹkẹn rẹ orua ọvo, rẹ ughwru rọye nene obuko ọnre re te obaro ọnre rẹ otọ na. 8Ọye na kọye re cha dia ẹkẹn rẹ otọ rọye vwẹ Izrẹl na. Isun mẹ gbi che shenyẹ ihwo mẹ ọfa-a, ẹkẹvuọvo ayen ke jẹ uwevwi rẹ Izrẹl vwo otọ na kirobo ra gharọ kẹ orua rayen.
9E nẹ Ọrovwohwo Ọghẹnẹ tare: Oteri, E isun rẹ Izrẹl! Ku ogbarogba vẹ oshenyẹ kufia, ru ọsoso vẹ ọvwata; we gbi keke ihwo mẹ nẹ otọ raye-en, eriyin Ọrovwohwo Ọghẹnẹ tare.
10Ku we vwo ovwanvwọn ro shephihọ abavo, iputusẹ abavo kugbe oze abavo. 11Iputusẹ na kugbe oze na me dia abavo vwẹ ovwanvwọn, oze na me dia ẹkihwe rẹ eghẹghẹre, iputusẹ na jẹ vwẹ ekihwe rẹ eghẹghẹre, eghẹghẹre kọye dia uvi rẹ unu rẹ ovwanvwọn. 12Shekẹl na ko dia gera uje, shekẹl iyorin kọ dia shekẹl iyorin, shekẹl ihwe ke dia shekẹl ihwe, mina wẹn kọ dia shekẹl ujuvẹ gbẹ ihwe.
Izobo Kugbe Erẹ
13Ọnana kọye izobo ru wo che ze: ekeasn rẹ iputusẹ vwẹ eghẹghẹre rẹ ọka, ekesan rẹ iputusẹ vwẹ eghẹghẹre rẹ bali, 14kirobo ra vwọ vwanvwan evwri, ẹkesan rẹ oze vwi kor ọvuọvo, (kor na, họhọ eghẹghẹre ihwe re vọn oze ọvo), 15vwẹ ekru rẹ igodẹ ujori ivẹ a me reyọ ogodẹ ọvo no rhe, vwẹ ekru rẹ Izrẹl na. Ọnana kọye e vwo ze izobo rẹ ọka, izobo rẹ ẹtorhẹ, kugbe izobo rẹ ufuoma, rere a vwo rhuẹrẹ arhuẹrẹ kẹ ayen, eriyin Ọrovwohwo Ọghẹnẹ tare. 16Ihwo rẹ otọ na ejobi ki toro izobo na kẹ osun rẹ Izrẹl na. 17Ke rha iruo rẹ osun na ro vwo ze izobo rẹ ẹtorhẹ na, izobo rẹ ọka, kugbe izobo rẹ udi, vwẹ ọke orẹ na, vwẹ asan ọtuphro rẹ emeranvwe, vẹ ẹdidjala, vwẹ ẹdorẹ rẹ bruru ejobi vwẹ uwevwi rẹ Izrẹl na: ọye ri ji vwọ oho re vwo ze izobo rẹ umwemu, izobo rẹ ọka, izobo rẹ ẹtorhẹ kugbe izobo rẹ ufuoma, rere a vwọ rhuẹrẹ arhuẹrẹ kẹ uwevwi rẹ Izrẹl.
18E nẹ Ọrovwohwo Ọghẹnẹ tare: Vwẹ emeranvwe rẹsosuọ, vwẹ ẹdẹ rẹsọsuọ rẹ emeranvwe na, ku wọ reyọ upene rẹ erhuẹn ọshare ro vwo eka-an vwo phorho ẹshẹ na. 19Orherẹn na kọ reyọ emerha rẹ ọbara rẹ izobo rẹ umwemu na o mi vwo te edọvi rẹ uwevwi rẹ ẹga na, igogo ẹne rẹ agbada na, kugbe edọvi rẹ anurhoro rẹ ọguan rọ hẹ obo ẹtan na. 20Ọtiọye wo ji ru vwẹ ẹdẹ righwrẹ rẹ emeranvwe na vwọ kẹ ohwo ro ru umwemu vwẹ ugheghẹ eyẹ ọ chọrobọ, ọtiọye kọye wọ gọ ẹgua vwo kẹ uwevwi rẹ ẹga na.
21Vwẹ emeranvwe rẹ ẹsosuọ, vwẹ ẹdẹ rihwẹne rẹ emeranvwe na, ku wọ rẹ orẹ rẹ ẹwanvrẹn na, vwẹ ọsọsọ rẹ ẹdẹ ighwrẹ ikara ro jephuo kọye a re. 22Vwẹ ẹdẹ yena osun na kọye vwo obo rẹ ekpuyovwi rọye cha re kugbe ihwo rẹ otọ na ejobi cha re upene rẹ erhuẹn ọshare re vwo ze izobo rẹ umwemwu. 23Vwẹ ẹdẹ ighwrẹ vwẹ orẹ na ko phi upene rẹ erhuẹn eshare ighwrẹn phihọ otọ re vwo ze izobo rẹ ẹtorhẹ kẹ Ọrovwohwo, kugbe egbo ighwrẹn ri vwo eka-an, ọvo ẹdẹvo bẹsiẹ rẹ ẹdẹ ighwrẹn na vwọ gba, kugbe ẹkpro kẹdẹ kẹdẹ re vwo ze izobo rẹ umwemu. 24Ọ me rha vwanvwẹ iputusẹ rẹ ọka vwọ ba erhuẹn ọshare ọvuọvọ na vwo ze izobo, iputusẹ ọvo vwọ ba egbo ọvo, ukoko rẹ evwri ọvo vwọ ba iputusẹ rẹ ọka ọvo. 25Vwẹ emeravwe righwrẹ, vwẹ ẹdẹ ihwiori rẹ emeranvwe na vwẹ evun rẹ ẹdẹ ighwrẹn rẹ orẹ na, ọ je ghwa oghẹre rẹ ekuakua ọvuọvo na phihọ otọ re vwo ze izobo rẹ umwemu, izobo rẹ ẹtorhẹ, kugbe izobo rẹ ọka, vẹ evwri.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.