Izikiẹl 44
44
Odibo Egbe Vwẹ Uwevwi rẹ Ẹga na
1Etiyin ọ da vwẹ ovwẹ rhe obo uphephẹ rẹ anurhoro rẹ ẹshẹ na, ro hirhe aro ku obaro ọnre, e de huho. 2Ọ da ta kẹ vwẹ, Anurhoro nana ke huho, e gbi rhie-e, ohwo ọvuọvo gbe wan ruọ-ọ, kidie Ọrovwohwo na, Ọghẹnẹ rẹ Izrẹl na, ọ wanrọ ruọ nure, fiki rẹ ọtiọye na ke huho bẹdẹ. 3Jokpa rẹ osun ọvo ri se tidia evun rọye rọ da re ikara vwẹ obaro rẹ Ọrovwohwo na; kọ wan idjerhe rẹ anurhoro rẹ ọmọguan na da ruọ, idjerhe yena ọvo ọ je wan nọ.
4Etiyin ọ da vwẹ ovwẹ wan anurhoro rọ hẹ obọhwẹre ọnre vwẹ obaro rẹ uwevwi rẹ ẹga na, mi de ni, nighe, urinrin rẹ Ọrovwohwo na, mi de she bọvwọn opharo rhuotọ. 5Ọrovwohwo da ta kẹ vwẹ, Ọmọ rẹ ohwo, nabọ ka oka phihọ, vwẹ ẹro wẹn mrẹ, vwẹ erhọn wẹn nyo emu ejobi re me cha ta kẹ wẹ kpahe iji ejobi rẹ uwevwi rẹ ẹga rẹ Ọrovwohwo kugbe irhi rọye ejobi, ru wọ nabọ ka oka phihọ otu ra cha reyọ phihọ uwevwi rẹ ẹga na kugbe otu ra cha djẹ nẹ ẹshẹ na. 6Ku wọ ta kẹ uwevwi ro muẹ kpahe ohwo na, uwevwi rẹ Izrẹl na, E nẹ Ọrovwohwo Ọghẹnẹ tare: E uwevwi rẹ Izrẹl, gbe je emu rẹ ẹgba wẹn na ejobi vwo oba, 7re ovwan vwọ reyọ erhorha, ri jẹyavwọ vwẹ udu vẹ oma, nẹ e ro ẹshẹ mẹ na, ri gbe ẹgua, vwẹ ọke ru wọ da vwẹ emuọre mẹ vwo ze izobo kẹ vwẹ, ivwri kugbe ọbara. We miovwo ọphọ mẹ vẹ ẹgua egbe rẹ ovwan. 8Wọ rha nabọ sẹro rẹ eravwọn efuanfon mẹ na-a, ẹkẹvuọvo wọ da vwọ kẹ erhorha nẹ e sẹro rẹ ẹshẹ mẹ.
9Vwẹ ọtiọye na e nẹ Ọrovwohwo Ọghẹnẹ tare. O vwo ọrhorha-a, ro jẹyavwọ vwẹ udu vẹ ugboma, vwẹ usun rẹ erhorha re hẹ ohri rẹ ihwo rẹ Izrẹl na, rọ gbe sa vwẹriẹ ẹshẹ mẹ na ọfa-a. 10Ẹkẹvuọvo ihwo ri Livae ri tephe kẹ vwẹ, ri ghwru nẹ uvwe oma re nene edjọ rayen vwẹ ọke rẹ Izrẹl vwo ghwru, ke ghwa oghwa rẹ ehwe rayen. 11Ayen ki gbe odibo vwẹ ẹshẹ mẹ, re vwẹ ẹro te anurhoro rẹ uwevwi rẹ ẹga na, re ayen ru iruo vwẹ uwevwi rẹ ẹga na; ayen ki hwe eranvwe re vwo ze izobo rẹ ẹtorhẹ na kugbe izobo re zeri fiki rẹ ihwo na, ke ayen vwẹ ẹro te ihwo na, ki gbe odibo kẹ ayen. 12Kidie ayen gbe odibo kẹ ayen vwẹ obaro rẹ edjọ rayen ayen de hirhe phihọ uchukurhe umwemwu rẹ orukuruku vwẹ uwevwi rẹ Izrẹl, vwẹ ọtiọye na mi duvwu iyori kẹ ayen, eriyin Ọrovwohwo Ọghẹnẹ tare, rere ayen vwọ ghwa oghwa rẹ ehwe rayen. 13Ayen gbi che si kẹrẹ ovwẹ-ẹ, re ga vwẹ kerẹ irhe-rẹn, eyẹ vwo si kẹrẹ ekuakua efuanfon mẹ ọvuọvo-o; ẹkẹvuọvo kẹ ayen ghwa oghwa rẹ omẹvuọ rayen, fiki rẹ ẹgua rẹ ayen gbe ri. 14Dede na, me vwẹ ayen mu re ayen vwọ sẹro rẹ uwevwi rẹ ẹga na, re ayen ru iruo rọye ejobi kugbe obo re ru vwe evun rọye ejobi.
15Ẹkẹvuọvo irherẹn rẹ ihwo ri Livae na, emọ ri Zadọk, re sẹro rẹ ẹshẹ mẹ na vwẹ ọke rẹ emọ rẹ Izrẹl vwo suosuo nẹ uvwe oma, ki che si kẹrẹ ovwẹ ri gbe odibo kẹ vwẹ, kẹ ayen che si kẹrẹ ovwẹ ri ze izobo rẹ ivwri kugbe ọbara kẹ vwẹ, eriyin Ọrovwohwo Ọghẹnẹ tare. 16Ayen ke ro ẹshẹ mẹ na, ayen ki si kẹrẹ imẹjẹ mẹ na, rhi gbe odibo kẹ vwẹ, ayen ke sẹro rẹ eta mẹ. 17Ọke rẹ ayen da ro anurhoro rẹ obo ẹtan rẹ ọguan na, ayen ki ku edagba rẹ esada phihọ, ayen gbi rhuo amwa rẹ ẹton rẹ ogegede ọvuọvo-o, ọke rẹ ayen de che gbe odibo vwẹ anurhoro rẹ obo ẹtan rẹ ọguan na, kugbe evun rọye. 18Ayen ke vwẹ erhu rẹ esada tughẹ uyovwi rayen, ayen me rha vwẹ emwa rẹ esada rhuo ehun, ayen gbe vwẹ amwa ọvuọvo ro se ọdja rhuo-o. 19Ọke rẹ ayen da ro uphephe kpo obo evun rẹ ọguan na bru ihwo na ra, ayen ki ku iwun rẹ ayen vwo gbe odibo jovwo na phihọ otọ, a me ghwẹ ayen phihọ uvun ọfuanfon na. Ayen ki ku iwun efa phihọ, ẹfuọn rayen na de rhi pho mu ihwo na vẹ iwun rayen. 20Ayen cha wanre uyovwi raye-en eyẹ ẹton re meri re mu churu gbi di-i, ayen ke de rhuẹrẹ ẹton rẹ uyovwi rayen ọvo. 21O rhe vwo orherẹn rọ da udi-i, vwẹ ọke rọ da ro obo ẹtan rẹ ọguan na. 22Ayen cha rọvwọn ayeuku-u, eyẹ aye re keremu rọye-e, ẹkẹvuọvo jokpa rẹ ọmọtobẹ rẹ uvwiẹ rẹ uwevwi rẹ Izrẹl ọvo, eyẹ ayeuku rẹ orherẹn ghwu jovwo. 23Ayen ki yono ofẹnẹ rọ herọ kẹ obo re tete oma kẹ vẹ obo re vwo gbotọ, ke dje kẹ ayen ofẹnẹ rọ herọ ke obo re fonro kugbe obo ri gberi. 24Vwẹ ọke rẹ ẹghwọ ke ayen dia ibrorhiẹ, kirobo rẹ orhiẹbro mẹ epha. Ayen ke yọnrọn irhi mẹ vẹ iji mẹ vwẹ ọke rẹ orẹ mẹ ejobi ri mi bru phihọ otọ, ẹdidjala mẹ ọvo kọye ayen yọnre. 25Ayen gbi sikẹrẹ orivwi rere ayen gbe oma rayen ẹgua-a, ẹkẹvuọvo, fiki rẹ ọsẹ eyẹ oni, fiki rẹ ọmọshare eyẹ ọmọtẹ, fiki rẹ oniọvo rẹ ọshare eyẹ ọmọtẹ ro kpo orọvwe-e ọ se gbe oma rẹ ayen ẹgua. 26Ọke ro de gbe ẹgua nu, ko kere ẹdẹ ighwrẹn kẹ oma rọye, tavwe rọ ke fon. 27Vwẹ ẹdẹ ro che kpo obo evun rẹ ẹshẹ na, kpo obo ẹtan rẹ ọguan na, rọ de re gbe odibọ vwẹ obo ẹshẹ na, ko ze izobo rẹ umwemwu rọye tavwe, eriyin Ọrovwohwo Ọghẹnẹ tare.
28Ayen che vwo uku rẹ obọ re aye-en, mẹvwẹ ẹkẹn uku rẹ ayen wọ gbe kẹ ayen ughwẹ vwẹ Izrẹl na-a; mẹvwẹ ẹkẹn ughwẹ rayen. 29Ayen ke re izobo rẹ ọka na, izobo rẹ umwemwu na, kugbe izobo rẹ abe na, kemu kemu re vwo mu ekpan vwẹ Izrẹl na ejobi ke dia ọ rayen. 30Kugbe emamọ rẹ ẹsosuọ rẹ emamọ ejobi oghoghẹre rọye, kizobo kizobo ejobi oghoghẹre ro nẹ izobo wẹn rhe, kọ dia ẹkẹn rẹ irherẹn, ku wọ je vwẹ izobo rẹ ẹsosuọ rẹ ọka rẹ a lọre vwọ kẹ irherẹn, rere ebruphihọ vwọ daji uwevwi wẹn. 31Irherẹn na re emuọvo-o, owene ọ dia ọphran eyẹ eranvwe, ro di mu ghwu eyẹ rẹ eranvwe hweri.
Currently Selected:
Izikiẹl 44: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 44
44
Odibo Egbe Vwẹ Uwevwi rẹ Ẹga na
1Etiyin ọ da vwẹ ovwẹ rhe obo uphephẹ rẹ anurhoro rẹ ẹshẹ na, ro hirhe aro ku obaro ọnre, e de huho. 2Ọ da ta kẹ vwẹ, Anurhoro nana ke huho, e gbi rhie-e, ohwo ọvuọvo gbe wan ruọ-ọ, kidie Ọrovwohwo na, Ọghẹnẹ rẹ Izrẹl na, ọ wanrọ ruọ nure, fiki rẹ ọtiọye na ke huho bẹdẹ. 3Jokpa rẹ osun ọvo ri se tidia evun rọye rọ da re ikara vwẹ obaro rẹ Ọrovwohwo na; kọ wan idjerhe rẹ anurhoro rẹ ọmọguan na da ruọ, idjerhe yena ọvo ọ je wan nọ.
4Etiyin ọ da vwẹ ovwẹ wan anurhoro rọ hẹ obọhwẹre ọnre vwẹ obaro rẹ uwevwi rẹ ẹga na, mi de ni, nighe, urinrin rẹ Ọrovwohwo na, mi de she bọvwọn opharo rhuotọ. 5Ọrovwohwo da ta kẹ vwẹ, Ọmọ rẹ ohwo, nabọ ka oka phihọ, vwẹ ẹro wẹn mrẹ, vwẹ erhọn wẹn nyo emu ejobi re me cha ta kẹ wẹ kpahe iji ejobi rẹ uwevwi rẹ ẹga rẹ Ọrovwohwo kugbe irhi rọye ejobi, ru wọ nabọ ka oka phihọ otu ra cha reyọ phihọ uwevwi rẹ ẹga na kugbe otu ra cha djẹ nẹ ẹshẹ na. 6Ku wọ ta kẹ uwevwi ro muẹ kpahe ohwo na, uwevwi rẹ Izrẹl na, E nẹ Ọrovwohwo Ọghẹnẹ tare: E uwevwi rẹ Izrẹl, gbe je emu rẹ ẹgba wẹn na ejobi vwo oba, 7re ovwan vwọ reyọ erhorha, ri jẹyavwọ vwẹ udu vẹ oma, nẹ e ro ẹshẹ mẹ na, ri gbe ẹgua, vwẹ ọke ru wọ da vwẹ emuọre mẹ vwo ze izobo kẹ vwẹ, ivwri kugbe ọbara. We miovwo ọphọ mẹ vẹ ẹgua egbe rẹ ovwan. 8Wọ rha nabọ sẹro rẹ eravwọn efuanfon mẹ na-a, ẹkẹvuọvo wọ da vwọ kẹ erhorha nẹ e sẹro rẹ ẹshẹ mẹ.
9Vwẹ ọtiọye na e nẹ Ọrovwohwo Ọghẹnẹ tare. O vwo ọrhorha-a, ro jẹyavwọ vwẹ udu vẹ ugboma, vwẹ usun rẹ erhorha re hẹ ohri rẹ ihwo rẹ Izrẹl na, rọ gbe sa vwẹriẹ ẹshẹ mẹ na ọfa-a. 10Ẹkẹvuọvo ihwo ri Livae ri tephe kẹ vwẹ, ri ghwru nẹ uvwe oma re nene edjọ rayen vwẹ ọke rẹ Izrẹl vwo ghwru, ke ghwa oghwa rẹ ehwe rayen. 11Ayen ki gbe odibo vwẹ ẹshẹ mẹ, re vwẹ ẹro te anurhoro rẹ uwevwi rẹ ẹga na, re ayen ru iruo vwẹ uwevwi rẹ ẹga na; ayen ki hwe eranvwe re vwo ze izobo rẹ ẹtorhẹ na kugbe izobo re zeri fiki rẹ ihwo na, ke ayen vwẹ ẹro te ihwo na, ki gbe odibo kẹ ayen. 12Kidie ayen gbe odibo kẹ ayen vwẹ obaro rẹ edjọ rayen ayen de hirhe phihọ uchukurhe umwemwu rẹ orukuruku vwẹ uwevwi rẹ Izrẹl, vwẹ ọtiọye na mi duvwu iyori kẹ ayen, eriyin Ọrovwohwo Ọghẹnẹ tare, rere ayen vwọ ghwa oghwa rẹ ehwe rayen. 13Ayen gbi che si kẹrẹ ovwẹ-ẹ, re ga vwẹ kerẹ irhe-rẹn, eyẹ vwo si kẹrẹ ekuakua efuanfon mẹ ọvuọvo-o; ẹkẹvuọvo kẹ ayen ghwa oghwa rẹ omẹvuọ rayen, fiki rẹ ẹgua rẹ ayen gbe ri. 14Dede na, me vwẹ ayen mu re ayen vwọ sẹro rẹ uwevwi rẹ ẹga na, re ayen ru iruo rọye ejobi kugbe obo re ru vwe evun rọye ejobi.
15Ẹkẹvuọvo irherẹn rẹ ihwo ri Livae na, emọ ri Zadọk, re sẹro rẹ ẹshẹ mẹ na vwẹ ọke rẹ emọ rẹ Izrẹl vwo suosuo nẹ uvwe oma, ki che si kẹrẹ ovwẹ ri gbe odibo kẹ vwẹ, kẹ ayen che si kẹrẹ ovwẹ ri ze izobo rẹ ivwri kugbe ọbara kẹ vwẹ, eriyin Ọrovwohwo Ọghẹnẹ tare. 16Ayen ke ro ẹshẹ mẹ na, ayen ki si kẹrẹ imẹjẹ mẹ na, rhi gbe odibo kẹ vwẹ, ayen ke sẹro rẹ eta mẹ. 17Ọke rẹ ayen da ro anurhoro rẹ obo ẹtan rẹ ọguan na, ayen ki ku edagba rẹ esada phihọ, ayen gbi rhuo amwa rẹ ẹton rẹ ogegede ọvuọvo-o, ọke rẹ ayen de che gbe odibo vwẹ anurhoro rẹ obo ẹtan rẹ ọguan na, kugbe evun rọye. 18Ayen ke vwẹ erhu rẹ esada tughẹ uyovwi rayen, ayen me rha vwẹ emwa rẹ esada rhuo ehun, ayen gbe vwẹ amwa ọvuọvo ro se ọdja rhuo-o. 19Ọke rẹ ayen da ro uphephe kpo obo evun rẹ ọguan na bru ihwo na ra, ayen ki ku iwun rẹ ayen vwo gbe odibo jovwo na phihọ otọ, a me ghwẹ ayen phihọ uvun ọfuanfon na. Ayen ki ku iwun efa phihọ, ẹfuọn rayen na de rhi pho mu ihwo na vẹ iwun rayen. 20Ayen cha wanre uyovwi raye-en eyẹ ẹton re meri re mu churu gbi di-i, ayen ke de rhuẹrẹ ẹton rẹ uyovwi rayen ọvo. 21O rhe vwo orherẹn rọ da udi-i, vwẹ ọke rọ da ro obo ẹtan rẹ ọguan na. 22Ayen cha rọvwọn ayeuku-u, eyẹ aye re keremu rọye-e, ẹkẹvuọvo jokpa rẹ ọmọtobẹ rẹ uvwiẹ rẹ uwevwi rẹ Izrẹl ọvo, eyẹ ayeuku rẹ orherẹn ghwu jovwo. 23Ayen ki yono ofẹnẹ rọ herọ kẹ obo re tete oma kẹ vẹ obo re vwo gbotọ, ke dje kẹ ayen ofẹnẹ rọ herọ ke obo re fonro kugbe obo ri gberi. 24Vwẹ ọke rẹ ẹghwọ ke ayen dia ibrorhiẹ, kirobo rẹ orhiẹbro mẹ epha. Ayen ke yọnrọn irhi mẹ vẹ iji mẹ vwẹ ọke rẹ orẹ mẹ ejobi ri mi bru phihọ otọ, ẹdidjala mẹ ọvo kọye ayen yọnre. 25Ayen gbi sikẹrẹ orivwi rere ayen gbe oma rayen ẹgua-a, ẹkẹvuọvo, fiki rẹ ọsẹ eyẹ oni, fiki rẹ ọmọshare eyẹ ọmọtẹ, fiki rẹ oniọvo rẹ ọshare eyẹ ọmọtẹ ro kpo orọvwe-e ọ se gbe oma rẹ ayen ẹgua. 26Ọke ro de gbe ẹgua nu, ko kere ẹdẹ ighwrẹn kẹ oma rọye, tavwe rọ ke fon. 27Vwẹ ẹdẹ ro che kpo obo evun rẹ ẹshẹ na, kpo obo ẹtan rẹ ọguan na, rọ de re gbe odibọ vwẹ obo ẹshẹ na, ko ze izobo rẹ umwemwu rọye tavwe, eriyin Ọrovwohwo Ọghẹnẹ tare.
28Ayen che vwo uku rẹ obọ re aye-en, mẹvwẹ ẹkẹn uku rẹ ayen wọ gbe kẹ ayen ughwẹ vwẹ Izrẹl na-a; mẹvwẹ ẹkẹn ughwẹ rayen. 29Ayen ke re izobo rẹ ọka na, izobo rẹ umwemwu na, kugbe izobo rẹ abe na, kemu kemu re vwo mu ekpan vwẹ Izrẹl na ejobi ke dia ọ rayen. 30Kugbe emamọ rẹ ẹsosuọ rẹ emamọ ejobi oghoghẹre rọye, kizobo kizobo ejobi oghoghẹre ro nẹ izobo wẹn rhe, kọ dia ẹkẹn rẹ irherẹn, ku wọ je vwẹ izobo rẹ ẹsosuọ rẹ ọka rẹ a lọre vwọ kẹ irherẹn, rere ebruphihọ vwọ daji uwevwi wẹn. 31Irherẹn na re emuọvo-o, owene ọ dia ọphran eyẹ eranvwe, ro di mu ghwu eyẹ rẹ eranvwe hweri.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.