2 ਕੁਰਿੰਥੁਸ 6
6
1ਇਸ ਲਈ ਪਰਮੇਸ਼ਰ ਦੇ ਸਹਿਕਰਮੀ ਹੋਣ ਕਰ ਕੇ ਅਸੀਂ ਤੁਹਾਡੇ ਅੱਗੇ ਬੇਨਤੀ ਕਰਦੇ ਹਾਂ ਕਿ ਪਰਮੇਸ਼ਰ ਤੋਂ ਮਿਲੀ ਕਿਰਪਾ ਨੂੰ ਵਿਅਰਥ ਨਾ ਜਾਣ ਦਿਓ । 2#ਯਸਾ 49:8ਕਿਉਂਕਿ ਪਰਮੇਸ਼ਰ ਕਹਿੰਦੇ ਹਨ,
“ਮਦਦ ਕਰਨ ਦੇ ਸਮੇਂ ਮੈਂ ਤੁਹਾਡੀ ਸੁਣੀ,
ਬਚਾਅ ਕਰਨ ਦੇ ਦਿਨ, ਮੈਂ ਤੁਹਾਡੀ ਮਦਦ ਕੀਤੀ ।”
ਸੁਣੋ ! ਮਦਦ ਲੈਣ ਦਾ ਮੌਕਾ ਇਹ ਹੀ ਹੈ ਅਤੇ ਮੁਕਤੀ ਦਾ ਦਿਨ ਇਹ ਹੀ ਹੈ ।
3ਅਸੀਂ ਕਿਸੇ ਗੱਲ ਵਿੱਚ ਕਿਸੇ ਨੂੰ ਠੋਕਰ ਲੱਗਣ ਦਾ ਮੌਕਾ ਨਹੀਂ ਦਿੰਦੇ ਤਾਂ ਜੋ ਕੋਈ ਸਾਡੀ ਸੇਵਾ ਵਿੱਚ ਦੋਸ਼ ਦੇਖੇ । 4ਸਗੋਂ ਅਸੀਂ ਹਰ ਹਾਲਤ ਵਿੱਚ ਆਪਣੇ ਆਪ ਨੂੰ ਪਰਮੇਸ਼ਰ ਦੇ ਸੇਵਾਦਾਰਾਂ ਦੇ ਰੂਪ ਵਿੱਚ ਪੇਸ਼ ਕਰਦੇ ਹਾਂ, ਧੀਰਜ ਰੱਖਣ ਵਿੱਚ, ਦੁੱਖ ਵਿੱਚ, ਗ਼ਰੀਬੀ ਵਿੱਚ, ਅਤੇ ਮੁਸੀਬਤਾਂ ਵਿੱਚ, 5#ਰਸੂਲਾਂ 16:23ਮਾਰ ਖਾਣ ਵਿੱਚ, ਕੈਦ ਵਿੱਚ ਅਤੇ ਕਈ ਤਰ੍ਹਾਂ ਦੇ ਫ਼ਸਾਦਾਂ ਦੇ ਸਮੇਂ ਅਸੀਂ ਬਿਨਾਂ ਅਰਾਮ ਦੇ, ਬਿਨਾਂ ਨੀਂਦ ਦੇ ਅਤੇ ਬਿਨਾਂ ਭੋਜਨ ਦੇ ਰਹੇ ਹਾਂ, 6ਸ਼ੁੱਧਤਾ ਰਾਹੀਂ, ਗਿਆਨ ਰਾਹੀਂ, ਧੀਰਜ ਰਾਹੀਂ, ਦਇਆ ਰਾਹੀਂ, ਪਵਿੱਤਰ ਆਤਮਾ ਦੀ ਸਮਰੱਥਾ ਰਾਹੀਂ, ਸੱਚੇ ਪਿਆਰ ਰਾਹੀਂ, 7ਸੱਚ ਦੇ ਪ੍ਰਚਾਰ ਰਾਹੀਂ ਅਤੇ ਪਰਮੇਸ਼ਰ ਦੀ ਸਮਰੱਥਾ ਰਾਹੀਂ ਅਸੀਂ ਆਪਣੇ ਸੱਜੇ ਅਤੇ ਖੱਬੇ ਪਾਸੇ ਆਪਣੇ ਬਚਾਅ ਦੇ ਲਈ ਨੇਕੀ ਦੇ ਹਥਿਆਰ ਧਾਰੇ ਹੋਏ ਹਨ, 8ਆਦਰ ਅਤੇ ਨਿਰਾਦਰ, ਬਦਨਾਮੀ ਅਤੇ ਨੇਕਨਾਮੀ ਵਿੱਚ ਸਾਨੂੰ ਧੋਖੇਬਾਜ਼ ਸਮਝਿਆ ਜਾਂਦਾ ਹੈ ਪਰ ਅਸੀਂ ਫਿਰ ਵੀ ਸੱਚੇ ਹਾਂ, 9ਅਸੀਂ ਅਣਜਾਣ ਸਮਝੇ ਜਾਂਦੇ ਹਾਂ ਪਰ ਫਿਰ ਵੀ ਮਸ਼ਹੂਰ ਹਾਂ, ਸਾਨੂੰ ਮਰੇ ਹੋਏ ਸਮਝਿਆ ਜਾਂਦਾ ਹੈ ਪਰ ਅਸੀਂ ਫਿਰ ਵੀ ਜਿਊਂਦੇ ਹਾਂ ਭਾਵੇਂ ਸਾਨੂੰ ਸਜ਼ਾ ਦਿੱਤੀ ਗਈ ਪਰ ਅਸੀਂ ਫਿਰ ਵੀ ਮਰਦੇ ਨਹੀਂ 10ਸਾਨੂੰ ਦੁਖੀ ਕੀਤਾ ਗਿਆ ਪਰ ਫਿਰ ਵੀ ਅਸੀਂ ਹਰ ਸਮੇਂ ਖ਼ੁਸ਼ ਰਹੇ, ਅਸੀਂ ਗਰੀਬ ਹਾਂ ਪਰ ਫਿਰ ਵੀ ਬਹੁਤ ਸਾਰਿਆਂ ਨੂੰ ਅਮੀਰ ਬਣਾਇਆ, ਸਾਡੇ ਕੋਲ ਕੁਝ ਵੀ ਨਹੀਂ ਪਰ ਫਿਰ ਵੀ ਸਾਡੇ ਕੋਲ ਸਭ ਕੁਝ ਹੈ ।
11ਹੇ ਕੁਰਿੰਥੀਓ, ਅਸੀਂ ਤੁਹਾਡੇ ਨਾਲ ਖੁੱਲ੍ਹ ਕੇ ਗੱਲ ਕੀਤੀ ਹੈ, ਸਾਡੇ ਦਿਲ ਤੁਹਾਡੇ ਲਈ ਖੁੱਲ੍ਹੇ ਹਨ । 12ਅਸੀਂ ਆਪਣੇ ਦਿਲ ਤੁਹਾਡੇ ਲਈ ਬੰਦ ਨਹੀਂ ਕੀਤੇ ਪਰ ਤੁਸੀਂ ਸਾਡੇ ਲਈ ਆਪਣੇ ਦਿਲ ਬੰਦ ਕੀਤੇ ਹੋਏ ਹਨ । 13ਮੈਂ ਤੁਹਾਨੂੰ ਆਪਣੇ ਬੱਚੇ ਸਮਝ ਕੇ ਇਹ ਕਹਿ ਰਿਹਾ ਹਾਂ ਤੁਸੀਂ ਵੀ ਆਪਣੇ ਦਿਲ ਸਾਡੇ ਲਈ ਖੋਲ੍ਹ ਦੇਵੋ ।
ਅਵਿਸ਼ਵਾਸੀਆਂ ਦੇ ਵਿਰੁੱਧ ਚਿਤਾਵਨੀ
14ਤੁਸੀਂ ਅਵਿਸ਼ਵਾਸੀਆਂ ਦੇ ਨਾਲ ਨਾਬਰਾਬਰੀ ਦੇ ਜੂਲੇ ਵਿੱਚ ਨਾ ਜੁਤੋ ਕਿਉਂਕਿ ਨੇਕੀ ਦਾ ਪਾਪ ਨਾਲ ਕੀ ਸੰਬੰਧ ਹੈ ? ਚਾਨਣ ਦਾ ਹਨੇਰੇ ਨਾਲ ਕੀ ਰਿਸ਼ਤਾ ਹੈ ? 15ਕੀ ਮਸੀਹ ਅਤੇ ਸ਼ੈਤਾਨ#6:15 ਮੂਲ ਵਿੱਚ ਇੱਥੇ ‘ਬਲਿਆਲ’ ਸ਼ਬਦ ਹੈ, ਜੋ ਸ਼ੈਤਾਨ ਦਾ ਹੀ ਇੱਕ ਨਾਂ ਹੈ । ਦਾ ਆਪਸ ਵਿੱਚ ਕੋਈ ਸੰਬੰਧ ਹੋ ਸਕਦਾ ਹੈ ? ਕੀ ਵਿਸ਼ਵਾਸੀ ਅਤੇ ਅਵਿਸ਼ਵਾਸੀ ਇਕੱਠੇ ਰਹਿ ਸਕਦੇ ਹਨ ? 16#1 ਕੁਰਿ 3:16, 6:19, ਲੇਵੀ 26:12, ਹਿਜ਼ 37:27ਪਰਮੇਸ਼ਰ ਦੇ ਹੈਕਲ ਅਤੇ ਮੂਰਤੀਆਂ ਵਿੱਚ ਕੀ ਸਾਂਝ ਹੋ ਸਕਦੀ ਹੈ ? ਕਿਉਂਕਿ ਅਸੀਂ ਜਿਊਂਦੇ ਪਰਮੇਸ਼ਰ ਦਾ ਹੈਕਲ ਹਾਂ । ਇਸ ਬਾਰੇ ਪਰਮੇਸ਼ਰ ਕਹਿੰਦੇ ਹਨ,
“ਮੈਂ ਆਪਣੇ ਲੋਕਾਂ ਵਿੱਚ ਰਹਾਂਗਾ,
ਮੈਂ ਉਹਨਾਂ ਦਾ ਸਾਥ ਦੇਵਾਂਗਾ,
ਮੈਂ ਉਹਨਾਂ ਦਾ ਪਰਮੇਸ਼ਰ ਹੋਵਾਂਗਾ,
ਉਹ ਮੇਰੇ ਲੋਕ ਹੋਣਗੇ ।”
17 #
ਯਸਾ 52:11
ਇਸੇ ਲਈ ਪ੍ਰਭੂ ਕਹਿੰਦੇ ਹਨ,
“ਤੁਸੀਂ ਉਹਨਾਂ ਦੇ ਵਿੱਚੋਂ ਬਾਹਰ ਆ ਜਾਵੋ ।
ਤੁਸੀਂ ਉਹਨਾਂ ਤੋਂ ਵੱਖ ਹੋ ਜਾਵੋ ।
ਤੁਸੀਂ ਕਿਸੇ ਅਸ਼ੁੱਧ ਚੀਜ਼ ਨੂੰ ਨਾ ਛੂਹੋ,
ਅਤੇ ਮੈਂ ਤੁਹਾਨੂੰ ਸਵੀਕਾਰ ਕਰਾਂਗਾ ।”
18 #
2 ਸਮੂ 7:14, 1 ਇਤਿ 17:13, ਯਸਾ 43:6, ਯਿਰ 31:9 ਸਰਵਸ਼ਕਤੀਮਾਨ ਪ੍ਰਭੂ ਕਹਿੰਦੇ ਹਨ,
“ਮੈਂ ਤੁਹਾਡਾ ਪਿਤਾ ਹੋਵਾਂਗਾ,
ਅਤੇ ਤੁਸੀਂ ਮੇਰੇ ਬੇਟੇ ਅਤੇ ਬੇਟੀਆਂ ਹੋਵੋਗੇ ।”
Currently Selected:
2 ਕੁਰਿੰਥੁਸ 6: CL-NA
Highlight
Share
ਕਾਪੀ।
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India