1 ਕੁਰਿੰਥੁਸ 16
16
ਵਿਸ਼ਵਾਸੀਆਂ ਦੇ ਲਈ ਦਾਨ
1 #
ਰੋਮ 15:25-26
ਆਪਣੇ ਵਿਸ਼ਵਾਸੀ ਭਰਾਵਾਂ ਅਤੇ ਭੈਣਾਂ ਦੇ ਲਈ ਦਾਨ ਇਕੱਠਾ ਕਰਨ ਸੰਬੰਧੀ ਤੁਹਾਨੂੰ ਵੀ ਕੁਝ ਕਰਨਾ ਚਾਹੀਦਾ ਹੈ । ਇਹ ਹੀ ਮੈਂ ਗਲਾਤੀਯਾ ਦੀਆਂ ਕਲੀਸੀਯਾਵਾਂ ਨੂੰ ਕਰਨ ਲਈ ਕਿਹਾ ਹੈ । 2ਹਰ ਐਤਵਾਰ ਨੂੰ ਤੁਹਾਡੇ ਵਿੱਚੋਂ ਹਰ ਕੋਈ ਆਪਣੀ ਆਮਦਨ ਦਾ ਕੁਝ ਹਿੱਸਾ ਵੱਖਰਾ ਰੱਖ ਲਵੇ, ਤਾਂ ਜੋ ਮੇਰੇ ਆਉਣ ਤੇ ਤੁਹਾਨੂੰ ਦਾਨ ਇਕੱਠਾ ਨਾ ਕਰਨਾ ਪਵੇ । 3ਜਦੋਂ ਮੈਂ ਆਵਾਂਗਾ ਤਾਂ ਤੁਹਾਡੇ ਚੁਣੇ ਹੋਏ ਆਦਮੀਆਂ ਨੂੰ ਆਪਣੇ ਵੱਲੋਂ ਇੱਕ ਪੱਤਰ ਦੇ ਕੇ ਯਰੂਸ਼ਲਮ ਭੇਜਾਂਗਾ ਕਿ ਉਹ ਤੁਹਾਡੇ ਦਾਨ ਨੂੰ ਉੱਥੇ ਪਹੁੰਚਾ ਦੇਣ । 4ਜੇਕਰ ਮੇਰਾ ਉੱਥੇ ਜਾਣਾ ਚੰਗਾ ਹੋਵੇਗਾ ਤਾਂ ਉਹ ਮੇਰੇ ਨਾਲ ਜਾਣਗੇ !
ਯਾਤਰਾ ਦੀ ਯੋਜਨਾ
5 #
ਰਸੂਲਾਂ 19:21
ਮੈਂ ਮਕਦੂਨਿਯਾ ਦੀ ਯਾਤਰਾ ਸਮਾਪਤ ਹੋਣ ਤੇ, ਤੁਹਾਡੇ ਕੋਲ ਆਵਾਂਗਾ ਕਿਉਂਕਿ ਮੈਂ ਮਕਦੂਨਿਯਾ ਦੇ ਵਿੱਚੋਂ ਦੀ ਯਾਤਰਾ ਕਰਨੀ ਹੈ । 6ਮੈਂ ਕੋਸ਼ਿਸ਼ ਕਰਾਂਗਾ ਕਿ ਉਸ ਸਮੇਂ ਤੁਹਾਡੇ ਕੋਲ ਕੁਝ ਸਮਾਂ ਠਹਿਰਾਂ, ਹਾਂ ਇਹ ਵੀ ਹੋ ਸਕਦਾ ਹੈ ਕਿ ਮੈਂ ਸਰਦੀਆਂ ਤੁਹਾਡੇ ਨਾਲ ਹੀ ਬਿਤਾਵਾਂ ਕਿ ਤੁਸੀਂ ਮੇਰੀ ਅਗਲੀ ਯਾਤਰਾ ਲਈ ਜਿੱਥੇ ਵੀ ਜਾਣਾ ਹੈ ਮੇਰੀ ਮਦਦ ਕਰ ਸਕੋ । 7ਮੈਂ ਤੁਹਾਨੂੰ ਰਾਹ ਵਿੱਚ ਜਾਂਦੇ ਹੋਏ ਹੀ ਮਿਲਣਾ ਨਹੀਂ ਚਾਹੁੰਦਾ, ਜੇਕਰ ਪ੍ਰਭੂ ਨੇ ਆਗਿਆ ਦਿੱਤੀ ਤਾਂ ਮੈਂ ਤੁਹਾਡੇ ਕੋਲ ਕੁਝ ਸਮਾਂ ਠਹਿਰਾਂਗਾ ।
8 #
ਲੇਵੀ 23:15-21, ਵਿਵ 16:9-11 #
ਰਸੂਲਾਂ 19:8-10
ਮੈਂ ਪੰਤੇਕੁਸਤ ਦੇ ਤਿਉਹਾਰ ਤੱਕ ਅਫ਼ਸੁਸ ਵਿੱਚ ਹੀ ਰਹਾਂਗਾ । 9ਭਾਵੇਂ ਇੱਥੇ ਪ੍ਰਭੂ ਦੇ ਕੰਮ ਦੇ ਵਿਰੋਧੀ ਬਹੁਤ ਹਨ ਪਰ ਫਿਰ ਵੀ ਮੇਰੇ ਲਈ ਉਹਨਾਂ ਦੀ ਸੇਵਾ ਲਈ ਇੱਥੇ ਦਰਵਾਜ਼ੇ ਖੁੱਲ੍ਹੇ ਹਨ ।
10 #
1 ਕੁਰਿ 4:17
ਜੇਕਰ ਇੰਨੇ ਵਿੱਚ ਤਿਮੋਥਿਉਸ ਤੁਹਾਡੇ ਕੋਲ ਆਵੇ ਤਾਂ ਦੇਖਣਾ ਕਿ ਉਹ ਤੁਹਾਡੇ ਕੋਲ ਨਿਸਚਿੰਤ ਰਹੇ ਕਿਉਂਕਿ ਉਹ ਵੀ ਮੇਰੀ ਤਰ੍ਹਾਂ ਪ੍ਰਭੂ ਦਾ ਕੰਮ ਕਰ ਰਿਹਾ ਹੈ । 11ਇਸ ਲਈ ਕੋਈ ਉਸ ਦਾ ਵਿਰੋਧ ਨਾ ਕਰੇ ਸਗੋਂ ਉਸ ਨੂੰ ਸਹੀ ਸਲਾਮਤ ਮੇਰੇ ਕੋਲ ਭੇਜ ਦੇਣਾ, ਮੈਂ ਉਸ ਦੀ ਉਡੀਕ ਕਰ ਰਿਹਾ ਹਾਂ ਕਿ ਉਹ ਕਦੋਂ ਭਰਾਵਾਂ ਦੇ ਨਾਲ ਮੇਰੇ ਕੋਲ ਪਹੁੰਚੇ ।
12ਭਰਾ ਅਪੁੱਲੋਸ ਦੇ ਸੰਬੰਧ ਵਿੱਚ, ਮੈਂ ਉਸ ਅੱਗੇ ਬੇਨਤੀ ਕੀਤੀ ਸੀ ਕਿ ਉਹ ਭਰਾਵਾਂ ਦੇ ਨਾਲ ਤੁਹਾਡੇ ਕੋਲ ਆ ਜਾਵੇ ਪਰ ਇਸ ਸਮੇਂ ਉਹ ਬਿਲਕੁਲ ਨਹੀਂ ਆਉਣਾ ਚਾਹੁੰਦਾ ਪਰ ਮੌਕਾ ਮਿਲਣ ਤੇ ਉਹ ਆਵੇਗਾ ।
ਅੰਤਮ ਵਚਨ ਅਤੇ ਨਮਸਕਾਰ
13ਜਾਗਦੇ ਰਹੋ, ਵਿਸ਼ਵਾਸ ਵਿੱਚ ਅਟੱਲ ਰਹੋ, ਨਿਡਰ ਬਣ ਕੇ ਰਹੋ ਅਤੇ ਤਕੜੇ ਹੋਵੋ । 14ਸਾਰੇ ਕੰਮ ਪਿਆਰ ਨਾਲ ਕਰੋ ।
15 #
1 ਕੁਰਿ 1:16
ਤੁਸੀਂ ਸਤਫ਼ਨਾਸ ਅਤੇ ਉਸ ਦੇ ਪਰਿਵਾਰ ਨੂੰ ਜਾਣਦੇ ਹੋ, ਉਹ ਅਖਾਯਾ ਵਿੱਚ ਮਸੀਹ ਦੇ ਸਭ ਤੋਂ ਪਹਿਲੇ ਵਿਸ਼ਵਾਸੀ ਹਨ ਅਤੇ ਉਹਨਾਂ ਨੇ ਆਪਣੇ ਆਪ ਨੂੰ ਪਰਮੇਸ਼ਰ ਦੇ ਲੋਕਾਂ ਦੀ ਸੇਵਾ ਲਈ ਦੇ ਦਿੱਤਾ ਹੈ । ਮੈਂ ਤੁਹਾਡੇ ਅੱਗੇ ਬੇਨਤੀ ਕਰਦਾ ਹਾਂ, 16ਅਜਿਹੇ ਲੋਕਾਂ ਦੀ ਅਗਵਾਈ ਨੂੰ ਸਵੀਕਾਰ ਕਰੋ ਅਤੇ ਇਸੇ ਤਰ੍ਹਾਂ ਉਸ ਨੂੰ ਵੀ ਜਿਹੜਾ ਕੋਈ ਵੀ ਉਹਨਾਂ ਦੇ ਨਾਲ ਮਿਲ ਕੇ ਮਿਹਨਤ ਦੇ ਨਾਲ ਸੇਵਾ ਦਾ ਕੰਮ ਕਰਦਾ ਹੈ ।
17ਮੈਂ ਸਤਫ਼ਨਾਸ, ਫ਼ੁਰਤੂਨਾਤੁਸ ਅਤੇ ਅਖਾਇਕੁਸ ਦੇ ਆਉਣ ਨਾਲ ਖ਼ੁਸ਼ ਹਾਂ ਕਿਉਂਕਿ ਉਹਨਾਂ ਨੇ ਤੁਹਾਡੇ ਘਾਟੇ ਨੂੰ ਪੂਰਾ ਕਰ ਦਿੱਤਾ ਹੈ । 18ਉਹਨਾਂ ਨੇ ਮੇਰੇ ਦਿਲ ਨੂੰ ਤਾਜ਼ਾ ਕੀਤਾ ਹੈ ਜਿਸ ਤਰ੍ਹਾਂ ਉਹਨਾਂ ਨੇ ਤੁਹਾਨੂੰ ਕੀਤਾ ਹੈ । ਅਜਿਹੇ ਲੋਕਾਂ ਨੂੰ ਮਹੱਤਵ ਦਿਓ ।
19 #
ਰਸੂਲਾਂ 18:2
ਏਸ਼ੀਆ ਦੀਆਂ ਕਲੀਸੀਯਾਵਾਂ ਵੱਲੋਂ ਤੁਹਾਨੂੰ ਨਮਸਕਾਰ । ਅਕੂਲਾ ਅਤੇ ਪਰਿਸਕਾ ਉਸ ਕਲੀਸੀਯਾ ਦੇ ਨਾਲ ਮਿਲ ਕੇ ਜਿਹੜੀ ਉਹਨਾਂ ਦੇ ਘਰ ਵਿੱਚ ਇਕੱਠੀ ਹੁੰਦੀ ਹੈ, ਤੁਹਾਨੂੰ ਨਮਸਕਾਰ ਕਹਿੰਦੇ ਹਨ । 20ਸਾਰੇ ਭਰਾਵਾਂ ਅਤੇ ਭੈਣਾਂ ਵੱਲੋਂ ਤੁਹਾਨੂੰ ਨਮਸਕਾਰ । ਇੱਕ ਦੂਜੇ ਨੂੰ ਹਮੇਸ਼ਾ ਭੈਣਾਂ ਅਤੇ ਭਰਾਵਾਂ ਵਾਲੇ ਪਿਆਰ#16:20 ਮੂਲ ਭਾਸ਼ਾ ਵਿੱਚ ਇੱਥੇ ‘ਪਵਿੱਤਰ ਚੁੰਮਾ’ ਹੈ । ਨਾਲ ਮਿਲੋ ।
21ਮੈਂ, ਪੌਲੁਸ ਆਪਣੇ ਹੱਥ ਦੇ ਨਾਲ ਤੁਹਾਨੂੰ ਨਮਸਕਾਰ ਲਿਖ ਰਿਹਾ ਹਾਂ ।
22ਜੇ ਕੋਈ ਪ੍ਰਭੂ ਨੂੰ ਪਿਆਰ ਨਾ ਕਰੇ ਉਹ ਨੂੰ ਸਰਾਪ ਲੱਗੇ ! ‘ਮਾਰਾਨਾ-ਥਾ’#16:22 ਇਹ ਅਰਾਮੀ ਭਾਸ਼ਾ ਦਾ ਸ਼ਬਦ ਹੈ, ਇਸ ਦਾ ਅਰਥ ਹੈ, ‘ਸਾਡੇ ਪ੍ਰਭੂ ਜੀ ਆਓ’ । ਭਾਵ ‘ਹੇ ਸਾਡੇ ਪ੍ਰਭੂ, ਆਓ’ !
23ਪ੍ਰਭੂ ਯਿਸੂ ਦੀ ਕਿਰਪਾ ਤੁਹਾਡੇ ਨਾਲ ਹੋਵੇ ।
24 ਮਸੀਹ ਯਿਸੂ ਦੇ ਵਿੱਚ ਮੇਰਾ ਪਿਆਰ ਤੁਹਾਨੂੰ ਸਾਰਿਆਂ ਨੂੰ ਮਿਲੇ ।
Currently Selected:
1 ਕੁਰਿੰਥੁਸ 16: CL-NA
Highlight
Share
ਕਾਪੀ।
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India