ROMMITE 15
15
Nangmah hilouin midang kipaksak in
1Tuachi`n ei ahatten eimah nopna ding bawllou in, ahatloute hatlouhna i thuakpih ding uhi. 2Michih in i innvengte khantouhna ding a, ahoihna ding un iki paksak ding uhi. 3Ajiak Krist in zong ama kipahna ding angaihtuah kei a, “Hinanleh nang hung sialphoute sialphouna pen ka tung ah atuta hi,” chia gelh bangin. #Psa. 69.9. 4Ajiak nidanglai a kigelh jousiah Pasian Laisiangthou a, kuhkalnate leh khamuanna jiak a eiten kinepna i neihtheihna ding a, eite kihilhna ding a gelh ahi. 5Tuachi`n kuhkalna leh khamuanna Pasian in, Krist Jesu mahbang in khat leh khat lungsim kibang in hung omsak hen, 6Pasian I Toupa uh Jesu Krist Pa ngeiin lungsim munkhat pua in leh aw khat suah a na pahtawi theihna ding un.
Jentelte a ding a tangthupha
7Tuajiakin, Krist in zong, Pasian thupina ding a ahung kipahpih mahbang in, khat leh khat ki pakta chiat un. 8Tuin huate ahi ka gen, pu leh pate kiang a thuchiamte hihkip dingin, Jesu Krist pen Pasian thudik theihsakna dingin teptante sila ahung hita hi, 9ahehpihna jiak a Jentelte`n Pasian apahtawi theihna ding un,
“Hihjiakin Jentelte lak ah kung pahtawi ding a,
namin phat in la kasa ding hi,”
chih gelh bang in.
#
2 Sam. 22.50; Psa. 18.49. 10Tualeh,
“Nou Jentelte, kamite tawh kipak un, achi kik a!”
#
Deut. 32.43. 11Tualeh,
“Nou Jentelte jousiah, Toupa pahtawi un,
mi tengteng in zong amah phat un!”
achi kik hi. #Psa. 117.1. 12Tualeh Isaiah in,
“Jessai jungjam a om ding a;
Jentelte tung a vaihawm ding a hung paidingpa,
amah ah Jentelte a kinem ding uhi,”
achi kik hi. #Isa. 11.10 (LXX).
13Khasiangthou silbawltheihna jiak a kinepna na hauhtheihna ding un, kinepna Pasian in ginna a kipakna leh khamuanna chinteng in hung hihdim hen.
Paul in ahihna hangsantak in agelh
14Tualeh ka unaute aw, noupen pilna in nadim ua, pilna kim neiin naki hasuan tuah thei uh chih keimah mah ngeiin zong ka thei hi. 15Hitalehzong unaute aw, Pasian in ahung piak hehpihna jiakin nou hung theihsak kikna tawbang in akal laklak ah hangsantak in kagelh ahi. 16Jentelte lak a Krist nasem ka hihtheihna ding leh ka Jentel latte Khasiangthou suksiangthou ahih ua, kipahpih taak a hihtheihna ding un Pasian tangthupha nna kasem hi. 17Tuajiakin Pasian lam silte ah Jesu Krist ah ki thupisakna ding kanei hi. 18Ajiak Krist in Jentelte thumang sak ding a thu gen leh nna sem a keimah zang a asil bawlte loungal bangmah ka gen ngam kei hi, 19chiamtehna thupi taktakte leh sillamdangte in, Pasian Khasiangthou silbawltheihna in. Tuachi`n Jerusalem khua leh akimvel gam a kipan Illirikam gam tanpha in Krist tangthupha kimtak in ka gen jouta hi. 20Tualeh midang phuhsa tung a innlam ka hihlouhna dingin, tangthupa pen Krist min kilawhna sa mun a genlou in. 21Laisiangthou a,
“Hinanleh a tanchin gen ngailouhnate`n amu ding a,
aja ngai nailoute`n a hungthei ding uh chih gelh bangin,
gen katum jaw hi.” #Isa. 52.15 (LXX).
Paul in Rom phak asawm
22Hih jiakin na kiang ua hung paiding tamveipi dal in ka omta hi. #Rom. 1.13. 23Hinanleh tuinjaw hihgam kimvel ah mun kanei takei a, tualeh kum tampi na kiang ua hungpai nuam in zong ka omta hi, 24Spain gam a kapai hunhun ah na kiang uah kungpai ding hi; ajiak ka zinna a nou hung muh leh nou tomkhat hung kithuahpih a, hualam ka paina a nung khak uh zong ka kinem hi. 25Hinanleh tuin misiangthoute nna sepsak dingin Jerusalem a paiphot ding ka hi hi. #1 Kor. 16.1-4. 26Ajiak, Mesidonia leh Akhaia gammite`n Jerusalem khua a tagahte a ding a dangka tuakkhawm pha asata uhi. 27Hih pen amauh utna mah tawh abawl uh ahi, tualeh aleiba uh zong ahi mawng hi. Ajiak Jentelte`n khalam silte a kikoppih uleh, taksa lam silte a amauh a panpih uh ahih ding mawng uh ahi. #1 Kor. 9.11. 28Tuajiakin hih ka bawlzoh a, agah zong chiantak a ka muhsak zoh chiangin nou hung tawn in Spain gam ah kapai ding hi. 29Tualeh na kiang ua kungpai chiangin Krist tangthupha gualjawlna kim tawh kung paiding chih ka thei hi.
30Tuachi`n unaute aw, Pasian kiang a nung thumsakna uah chihtak hung suah dingin Toupa Jesu min leh Khasiangthou itna in kung ngen hi. 31Judea gam a gingloute lak a ka suahtak theihna ding leh Jerusalem khua a ding a ka nasepna pen misiangthoute kipakna ding zong ahih theihna dingin, 32Pasian deihdan bang a, kipaktak a na kiang ua kung pai a, iki suk-halh khawm theihna ding un. 33Lemna Pasian na kiang uah om hen. Amen.
Currently Selected:
ROMMITE 15: THKHBSI
Highlight
Share
ਕਾਪੀ।
Want to have your highlights saved across all your devices? Sign up or sign in
Thangkhal NT - Thukhun Thak
Copyright © 2014 by The Bible Society of India
Used by permission. All rights reserved worldwide.
