Zakareya 9
9
Demuji nɛ k bee ba Israɛl mo doŋana so be asheŋ
1Kubɔya nɛ k shi Enyɛnpe Ebɔrɛ na kutɔ nde: E yɛ, mbe anishi yuu edimɛdi kikɛ so nna, fɔŋfɔŋ eyiri yiri nɛ b wɔ Israɛl be efuli so na. Mo alɛ naŋ kaŋɛ fanɛ mbe demuji na beeŋ ba Hadrak nɛ kadegboŋ nɛ baa tre Damaskɔs na ashi Siriya be efuli so na so.
2Kumo be kaman mbe demuji beeŋ ba Hamaf be kade nɛ k mata Hadrak na gba so. Nde nɛ baa tre Tayɛ nɛ Sidɔn nɛ amo to be basa nyi kasheŋ wora ga na gba maaŋ lar demuji na to.
3Tayɛ be basa pɔr ebu lempo jeŋgreŋ ko a kuŋ bumo be amu nna nseŋ gbare shuwa nɛ gbiti m biti abar so fanɛ eshishɛr na! 4Ama Enyɛnpe Ebɔrɛ na beeŋ suge asɔ kama nɛ Tayɛ ebi na kɔ na. E beeŋ shin nɛ bumo be asɔ lela nɛ b kɔ na e mur teku to nɛ edɛ e ji kade na m mur cheche.
5Filisti be efuli so be basa nɛ b wɔ kade nɛ baa tre Ashkɛlɔn na beeŋ wu kusɔ nɛ k wora na nɛ kufu e pɛ bumo nɛ ebesa damta e ji basa nɛ b wɔ Gaza be kadegboŋ to na. Aloŋ e naŋ wora Ekrɔn be kadegboŋ to ebi gba. Bumo be tama beeŋ loge, ŋkpal b ka nyi fanɛ bumo alɛ gba beeŋ kɔ n tɔr so. Gaza beeŋ paŋ kumo be ewura nɛ Ashkɛlɔn e ki kade bureso a dese fuloŋ. 6Eyiri bubɔrɔ e naŋ ba sɔ Ashdɔd be kade na n chena, nɛ Enyɛnpe Ebɔrɛ na gbagba e shin nɛ Filistiebi na e ŋaba a maaŋ naa tiŋ m puchi kikɛ. 7Filistiebi na maaŋ naa we eblaŋ nɛ a kraa kɔ ŋklaŋ amo to ŋko a ji ajibi nɛ baa kishi. Bekama nɛ baaŋ ji efute na beeŋ ki ma basa a du fanɛ Juda be yiri to be kabuna ko be basa. Ekrɔnebi malɛ beeŋ ki ma basa fanɛ kananɛ Jebusiebi ki na. 8Ebɔrɛ yɛ: “Meeŋ baa kuŋ ma kasawule nɛ benapo nɛ baa kulti a mɔ basa na maaŋ nya kumo so m bɔla choŋ. M maaŋ sa kumukpakpasowuraana ekpa nɛ b naa kɔrfɛ ma basa. N wu awurfoŋ nɛ ma basa ji na kikɛ.”
Zayɔn be ewura popɔr na be asheŋ
9Ekama nɛ e wɔ Jerusalɛm to
e baa ji eyur nsaa wora awɔr kagbenefuliso!
Ŋkpal manɛ so menyi be ewura kɔ m pɔɔ so
nsaa ba menyi kutɔ;
e du boeŋ nna nseŋ dii kurmafɔlbi a ba.
10Enyɛnpe Ebɔrɛ na yɛ:
“Meeŋ lara kena to be egbaŋɛturko
nɛ egbaŋɛ ashi Israɛl be efuli so nɛ Jerusalɛm to.
Ata nɛ b lɔŋɛ ŋkpal kena so na
beeŋ buri to.
Meeŋ bar kayurwushi efuliana na so,
nɛ menyi be ewura e
yili teku ko ase a ji kuwura n ya fo teku nyɔsopo ase.
Mbe kuwurji beeŋ shi Yufreetes be Lɔr na ase
n ya fo durnya be ekar kikɛ.”
Kenaŋ laŋɛ Ebɔrɛ be basa m ba be asheŋ
11Enyɛnpe Ebɔrɛ na yɛ:
“Ŋkpal ma nɛ menyi be kɔnɔkoŋwule
be ŋkre nɛ b ta esarga be ŋklaŋ m mɔ kumo so na so,
meeŋ lara menyi be basa ashi kenyaya nɛ k du
fanɛ kemaŋ chiŋgeliŋ nɛ k maŋ kɔ nchu na to.
12Men bɛta m ba menyi be kumɔlga
be kakpa lempo na nseŋ nya tama.
Ŋkpal manɛ so, kabre meeŋ laŋɛ asɔ
nɛ men daa kɔ na be ntuŋ anyɔso n sa menyi.
13Meeŋ ta Judaebi fanɛ enapo be keta na,
nseŋ ta Israɛlebi malɛ fanɛ ma atanyembi.”
Ma alɛ beeŋ naŋ ta Zayɔn be basa
fanɛ ma tokobi, ŋ kɔ Griikebi kena.
14Enyɛnpe Ebɔrɛ na beeŋ ba buu
mbe basa so fanɛ bɔrɛwɔlpa,
nseŋ to mbe atanyembi
fanɛ bɔrɛ ka nyɛkpɛ na.
Enyɛnpetale Ebɔrɛ beeŋ foŋ mbe kabel
nseŋ bɔla bɔrɛfu to n shi kelargato
be kaseto m ba.
15Enyɛnpetale Ebɔrɛ na beeŋ baa kuŋ mbe basa,
nɛ b kɔ m pɔɔ bumo doŋana so m mur bumo.
Baaŋ baa wora awɔr kena to fanɛ basa boo so
nseŋ shin nɛ ŋklaŋ e lar bumo doŋana be eyurana so
a shile fanɛ kananɛ bɔrɛmatapo bee chulgi
sarga be asɔbɔya be ŋklaŋ a wurge bɔrɛsure na so na.
16Kamɔnchɛ na Enyɛnpe Ebɔrɛ na
e naŋ mɔlga mbe basa fanɛ kananɛ
mbolpɔkpapo bee mɔlga mbe mbolpɔ
ashi kenishipere to na.
Baaŋ baa nyɛkpɛ mbe kasawule so
fanɛ kuwurwuro so be amaŋkanibi na.
17Baaŋ baa walɛ kebita kashenteŋto!
Mbifɔlbi beeŋ daŋ a kɔ eleŋ nɛnɛ
ŋkpal b ka beeŋ nya aboyu damta a ji
nsaa nya yabra popɔr a nuu so.
Currently Selected:
Zakareya 9: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Zakareya 9
9
Demuji nɛ k bee ba Israɛl mo doŋana so be asheŋ
1Kubɔya nɛ k shi Enyɛnpe Ebɔrɛ na kutɔ nde: E yɛ, mbe anishi yuu edimɛdi kikɛ so nna, fɔŋfɔŋ eyiri yiri nɛ b wɔ Israɛl be efuli so na. Mo alɛ naŋ kaŋɛ fanɛ mbe demuji na beeŋ ba Hadrak nɛ kadegboŋ nɛ baa tre Damaskɔs na ashi Siriya be efuli so na so.
2Kumo be kaman mbe demuji beeŋ ba Hamaf be kade nɛ k mata Hadrak na gba so. Nde nɛ baa tre Tayɛ nɛ Sidɔn nɛ amo to be basa nyi kasheŋ wora ga na gba maaŋ lar demuji na to.
3Tayɛ be basa pɔr ebu lempo jeŋgreŋ ko a kuŋ bumo be amu nna nseŋ gbare shuwa nɛ gbiti m biti abar so fanɛ eshishɛr na! 4Ama Enyɛnpe Ebɔrɛ na beeŋ suge asɔ kama nɛ Tayɛ ebi na kɔ na. E beeŋ shin nɛ bumo be asɔ lela nɛ b kɔ na e mur teku to nɛ edɛ e ji kade na m mur cheche.
5Filisti be efuli so be basa nɛ b wɔ kade nɛ baa tre Ashkɛlɔn na beeŋ wu kusɔ nɛ k wora na nɛ kufu e pɛ bumo nɛ ebesa damta e ji basa nɛ b wɔ Gaza be kadegboŋ to na. Aloŋ e naŋ wora Ekrɔn be kadegboŋ to ebi gba. Bumo be tama beeŋ loge, ŋkpal b ka nyi fanɛ bumo alɛ gba beeŋ kɔ n tɔr so. Gaza beeŋ paŋ kumo be ewura nɛ Ashkɛlɔn e ki kade bureso a dese fuloŋ. 6Eyiri bubɔrɔ e naŋ ba sɔ Ashdɔd be kade na n chena, nɛ Enyɛnpe Ebɔrɛ na gbagba e shin nɛ Filistiebi na e ŋaba a maaŋ naa tiŋ m puchi kikɛ. 7Filistiebi na maaŋ naa we eblaŋ nɛ a kraa kɔ ŋklaŋ amo to ŋko a ji ajibi nɛ baa kishi. Bekama nɛ baaŋ ji efute na beeŋ ki ma basa a du fanɛ Juda be yiri to be kabuna ko be basa. Ekrɔnebi malɛ beeŋ ki ma basa fanɛ kananɛ Jebusiebi ki na. 8Ebɔrɛ yɛ: “Meeŋ baa kuŋ ma kasawule nɛ benapo nɛ baa kulti a mɔ basa na maaŋ nya kumo so m bɔla choŋ. M maaŋ sa kumukpakpasowuraana ekpa nɛ b naa kɔrfɛ ma basa. N wu awurfoŋ nɛ ma basa ji na kikɛ.”
Zayɔn be ewura popɔr na be asheŋ
9Ekama nɛ e wɔ Jerusalɛm to
e baa ji eyur nsaa wora awɔr kagbenefuliso!
Ŋkpal manɛ so menyi be ewura kɔ m pɔɔ so
nsaa ba menyi kutɔ;
e du boeŋ nna nseŋ dii kurmafɔlbi a ba.
10Enyɛnpe Ebɔrɛ na yɛ:
“Meeŋ lara kena to be egbaŋɛturko
nɛ egbaŋɛ ashi Israɛl be efuli so nɛ Jerusalɛm to.
Ata nɛ b lɔŋɛ ŋkpal kena so na
beeŋ buri to.
Meeŋ bar kayurwushi efuliana na so,
nɛ menyi be ewura e
yili teku ko ase a ji kuwura n ya fo teku nyɔsopo ase.
Mbe kuwurji beeŋ shi Yufreetes be Lɔr na ase
n ya fo durnya be ekar kikɛ.”
Kenaŋ laŋɛ Ebɔrɛ be basa m ba be asheŋ
11Enyɛnpe Ebɔrɛ na yɛ:
“Ŋkpal ma nɛ menyi be kɔnɔkoŋwule
be ŋkre nɛ b ta esarga be ŋklaŋ m mɔ kumo so na so,
meeŋ lara menyi be basa ashi kenyaya nɛ k du
fanɛ kemaŋ chiŋgeliŋ nɛ k maŋ kɔ nchu na to.
12Men bɛta m ba menyi be kumɔlga
be kakpa lempo na nseŋ nya tama.
Ŋkpal manɛ so, kabre meeŋ laŋɛ asɔ
nɛ men daa kɔ na be ntuŋ anyɔso n sa menyi.
13Meeŋ ta Judaebi fanɛ enapo be keta na,
nseŋ ta Israɛlebi malɛ fanɛ ma atanyembi.”
Ma alɛ beeŋ naŋ ta Zayɔn be basa
fanɛ ma tokobi, ŋ kɔ Griikebi kena.
14Enyɛnpe Ebɔrɛ na beeŋ ba buu
mbe basa so fanɛ bɔrɛwɔlpa,
nseŋ to mbe atanyembi
fanɛ bɔrɛ ka nyɛkpɛ na.
Enyɛnpetale Ebɔrɛ beeŋ foŋ mbe kabel
nseŋ bɔla bɔrɛfu to n shi kelargato
be kaseto m ba.
15Enyɛnpetale Ebɔrɛ na beeŋ baa kuŋ mbe basa,
nɛ b kɔ m pɔɔ bumo doŋana so m mur bumo.
Baaŋ baa wora awɔr kena to fanɛ basa boo so
nseŋ shin nɛ ŋklaŋ e lar bumo doŋana be eyurana so
a shile fanɛ kananɛ bɔrɛmatapo bee chulgi
sarga be asɔbɔya be ŋklaŋ a wurge bɔrɛsure na so na.
16Kamɔnchɛ na Enyɛnpe Ebɔrɛ na
e naŋ mɔlga mbe basa fanɛ kananɛ
mbolpɔkpapo bee mɔlga mbe mbolpɔ
ashi kenishipere to na.
Baaŋ baa nyɛkpɛ mbe kasawule so
fanɛ kuwurwuro so be amaŋkanibi na.
17Baaŋ baa walɛ kebita kashenteŋto!
Mbifɔlbi beeŋ daŋ a kɔ eleŋ nɛnɛ
ŋkpal b ka beeŋ nya aboyu damta a ji
nsaa nya yabra popɔr a nuu so.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation