Zakareya 10
10
Enyɛnpe Ebɔrɛ na ka nase kumɔlga be kɔnɔ be asheŋ
1Men kule Enyɛnpe Ebɔrɛ na bɔrɛchu kechali so. Mo e naa shin nɛ bɔrɛ bee mɔl a ba, a shin nɛ kasawule so bee nya kayul nɛ asɔduu bee kɔr a wora nɛ edimɛdi bee nya a ji. 2Basa bee yɔ agbir to nɛ bekpalpo kutɔ nna, ama asheŋ fuloŋ nɛ efɛsheŋ nɛ baa nya ashi bumo kutɔ. Beko bee kute edare be afito, ama bumo alɛ bee fule basa nna a sa bumo kagbenewushi fuloŋ. Ŋkpal loŋ so basa bee nite a kulti fanɛ mbolpɔ foeso nna. Asheŋ maa nyalɛ a sa bumo ŋkpal b ka maŋ kɔ esa nɛ e bee keni bumo so so.
3Enyɛnpe Ebɔrɛ na yɛ: “N nya agbo nna n wora befɔ nɛ baa ji kuwura ma basa so nsaa shin nɛ ŋ gberge bumo kusoe. Juda be efuli so be basa na la ma basa nna, nɛ ma Enyɛnpetale Ebɔrɛ na beeŋ baa keni bumo so. Baaŋ baa du fanɛ ma kena to be egbaŋɛ lempo nna. 4Bewura nɛ bejuŋkparpo nɛ gomena be ekrachi nimuso nɛ b kɔ eleŋ beeŋ shi Juda be yiri to n lar. 5Juda be basa beeŋ sɔ kelempo fanɛ benapo nɛ b kɔ m pɔɔ bumo doŋana so nsaa chichi bumo so fanɛ ekpa to be depɔ na. Ŋkpal Enyɛnpe Ebɔrɛ na ka wɔ bumo kutɔ so, baaŋ kɔ m pɔɔ bedoŋ nɛ b dii egbaŋɛ a kɔ gba so.
6Meeŋ sa Juda be basa eleŋ,
nseŋ mɔlga Israɛl be basa.
Meeŋ wu bumo kuwɔr
nseŋ bɛta bumo kikɛ m ba epe.
Baaŋ baa du fanɛ basa nɛ m maŋ naŋ kini ŋ ku so nna.
Ma e la Enyɛnpe bumo be Ebɔrɛ na;
ma alɛ beeŋ nu bumo be kabɔrɛkule.
7Israɛl be basa na beeŋ baa kɔ eleŋ fanɛ benapo,
nsaa kɔ kagbenefuli fanɛ eyabra nuupo.
Bumo be kaman to ebi beeŋ baa nyiŋi
kekɔmpɔɔso ere nɛ bumo be ŋgbene a fuli
ŋkpal kusɔ nɛ Enyɛnpe Ebɔrɛ na wora so.
8Meeŋ tre ma basa m ba gama abar so,
ma alɛ beeŋ mɔlga bumo nseŋ shin nɛ
b wora keshi a du fanɛ kananɛ b daa sa na.
9Hale ŋ ka shin nɛ b pesaŋ to
a wɔ efuli pɔtɛana so ere gba,
b kraa nyiŋi ma asheŋ ashi
mboŋ wɔfɔ na nna.
Bumo nɛ bumo be mbia beeŋ ji efute
nseŋ gama abar so m bɛta m ba epe.
10Meeŋ ya keta bumo n shi
Ijipt nɛ Asiriya be efuliana so m ba epe,
nɛ b ba chena bumo gbagba be kasawule so.
Meeŋ shin nɛ b chena Giliad nɛ
Lebanɔn be nsawule gba so,
n sɔ amo kikɛ so.
11B kaŋ bɔla bumo be etɔrɔbi
nɛ e du fanɛ teku ere to a choŋ,
ma, Enyɛnpe Ebɔrɛ na beeŋ yɔɔ atili na
nseŋ shin nɛ Nail be lɔr nɛ k wɔ Ijipt be efuli so na
be kechimbi to be nchu e feeto.
Meeŋ shin nɛ Asiriyaebi be kamoowugboŋ na e ba kaseto,
nɛ Ijiptebi e paŋ bumo be eleŋgboŋ na.
12Meeŋ naŋ wɔtɔ ma basa eleŋ to,
nɛ b baa bunyaŋ ma nsaa wora ma kasonu.
Ma, Enyɛnpe Ebɔrɛ na e malga na!”
Currently Selected:
Zakareya 10: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Zakareya 10
10
Enyɛnpe Ebɔrɛ na ka nase kumɔlga be kɔnɔ be asheŋ
1Men kule Enyɛnpe Ebɔrɛ na bɔrɛchu kechali so. Mo e naa shin nɛ bɔrɛ bee mɔl a ba, a shin nɛ kasawule so bee nya kayul nɛ asɔduu bee kɔr a wora nɛ edimɛdi bee nya a ji. 2Basa bee yɔ agbir to nɛ bekpalpo kutɔ nna, ama asheŋ fuloŋ nɛ efɛsheŋ nɛ baa nya ashi bumo kutɔ. Beko bee kute edare be afito, ama bumo alɛ bee fule basa nna a sa bumo kagbenewushi fuloŋ. Ŋkpal loŋ so basa bee nite a kulti fanɛ mbolpɔ foeso nna. Asheŋ maa nyalɛ a sa bumo ŋkpal b ka maŋ kɔ esa nɛ e bee keni bumo so so.
3Enyɛnpe Ebɔrɛ na yɛ: “N nya agbo nna n wora befɔ nɛ baa ji kuwura ma basa so nsaa shin nɛ ŋ gberge bumo kusoe. Juda be efuli so be basa na la ma basa nna, nɛ ma Enyɛnpetale Ebɔrɛ na beeŋ baa keni bumo so. Baaŋ baa du fanɛ ma kena to be egbaŋɛ lempo nna. 4Bewura nɛ bejuŋkparpo nɛ gomena be ekrachi nimuso nɛ b kɔ eleŋ beeŋ shi Juda be yiri to n lar. 5Juda be basa beeŋ sɔ kelempo fanɛ benapo nɛ b kɔ m pɔɔ bumo doŋana so nsaa chichi bumo so fanɛ ekpa to be depɔ na. Ŋkpal Enyɛnpe Ebɔrɛ na ka wɔ bumo kutɔ so, baaŋ kɔ m pɔɔ bedoŋ nɛ b dii egbaŋɛ a kɔ gba so.
6Meeŋ sa Juda be basa eleŋ,
nseŋ mɔlga Israɛl be basa.
Meeŋ wu bumo kuwɔr
nseŋ bɛta bumo kikɛ m ba epe.
Baaŋ baa du fanɛ basa nɛ m maŋ naŋ kini ŋ ku so nna.
Ma e la Enyɛnpe bumo be Ebɔrɛ na;
ma alɛ beeŋ nu bumo be kabɔrɛkule.
7Israɛl be basa na beeŋ baa kɔ eleŋ fanɛ benapo,
nsaa kɔ kagbenefuli fanɛ eyabra nuupo.
Bumo be kaman to ebi beeŋ baa nyiŋi
kekɔmpɔɔso ere nɛ bumo be ŋgbene a fuli
ŋkpal kusɔ nɛ Enyɛnpe Ebɔrɛ na wora so.
8Meeŋ tre ma basa m ba gama abar so,
ma alɛ beeŋ mɔlga bumo nseŋ shin nɛ
b wora keshi a du fanɛ kananɛ b daa sa na.
9Hale ŋ ka shin nɛ b pesaŋ to
a wɔ efuli pɔtɛana so ere gba,
b kraa nyiŋi ma asheŋ ashi
mboŋ wɔfɔ na nna.
Bumo nɛ bumo be mbia beeŋ ji efute
nseŋ gama abar so m bɛta m ba epe.
10Meeŋ ya keta bumo n shi
Ijipt nɛ Asiriya be efuliana so m ba epe,
nɛ b ba chena bumo gbagba be kasawule so.
Meeŋ shin nɛ b chena Giliad nɛ
Lebanɔn be nsawule gba so,
n sɔ amo kikɛ so.
11B kaŋ bɔla bumo be etɔrɔbi
nɛ e du fanɛ teku ere to a choŋ,
ma, Enyɛnpe Ebɔrɛ na beeŋ yɔɔ atili na
nseŋ shin nɛ Nail be lɔr nɛ k wɔ Ijipt be efuli so na
be kechimbi to be nchu e feeto.
Meeŋ shin nɛ Asiriyaebi be kamoowugboŋ na e ba kaseto,
nɛ Ijiptebi e paŋ bumo be eleŋgboŋ na.
12Meeŋ naŋ wɔtɔ ma basa eleŋ to,
nɛ b baa bunyaŋ ma nsaa wora ma kasonu.
Ma, Enyɛnpe Ebɔrɛ na e malga na!”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation