Zakareya 11
11
Belempo nyaŋnyaŋso be ketɔr be asheŋ
1Lebanɔnebi men bugi menyi be mbuna,
nɛ edɛ e chɔɔ menyi be ndibi nɛ baa tre sida na!
2Seprɛs be ndibi, men baa shu nsaa boŋ to
ŋkpal manɛ so, sida be ndibi tɔr;
kemaŋkura be ndibi na kikɛ mur!
Bashan be ndibigboŋ, men baa shu nsaa boŋ to;
ŋkpal b ka ku kupogboŋ na to be ndibi
damta na kikɛ n lɛ so!
3Men nu mbolpɔkpapoana ka bee shu awɔrso;
ŋkpal bumo be mbolpɔ be ejikpa lela na ka mur so!
Men nu ebuluŋ ka bee munto;
ŋkpal Jɔɔdan be lɔrkar be kupogboŋ lela na ka mur so!
Mbolpɔkpapo anyɔ ko be asheŋ
4Kusɔ nɛ Enyɛnpe ma Ebɔrɛ na kaŋɛ ma nde: “Ta fo kumu ŋ ki fanɛ mbolpɔkpapo nɛ baa shin nɛ b mɔ mbe mbolpɔ. 5Basa nɛ b tɔ bumo na bee mɔ bumo nna nsaa ta bumo be amu a ji. Nɛ basa nɛ baa fa mbolpɔ na malɛ bee kaŋɛ le: ‘Mee di Ebɔrɛ epaŋ ŋkpal ŋ ka dii dama so!’ Mbolpɔkpapoana na gbagba maa shu mbolpɔ na so.”
6Nɛ Enyɛnpe Ebɔrɛ na naŋ kaŋɛ le: “M maaŋ naŋ shu ekama so ashi durnya ere to. Ŋ gbagba beeŋ ta basa na m bɔɔ bumo braana nɛ bewurjipoana enɔ nɛ b mur durnya ere cheche nɛ m maaŋ mɔlga kumo ashi bumo be enɔ to.”
7Ŋkpal loŋ so nɛ ŋ ki mbolpɔ nɛ b kɔ a yɔ nɛ b ya mɔ na be ekenipo, nseŋ ta akpabi anyɔ ŋ keta a kpa bumo na. N daa tre kuko ‘Kushuso’ nsaa tre kuko malɛ ‘Kɔnɔkoŋwule’ nna. 8Kufɔl koŋwule to nɛ n nya agbo n ju mbolpɔkpapo asa ko nɛ b daŋ kishi ma asheŋ ga na. 9Kumo be kaman nɛ ŋ kaŋɛ mbolpɔ na le: “M maaŋ naa la menyi be ekenipo. Bumo nɛ baaŋ wu, b wu. Bumo nɛ baaŋ mur malɛ e mur. Bumo nɛ baaŋ ka malɛ e baa pɛ abar a we.” 10Kumo be kamɔnchɛ nɛ m bu kekpabi nɛ mee tre ‘Kushuso’ na to, a ŋini fanɛ kɔnɔkoŋwule be ŋkre nɛ Enyɛnpe Ebɔrɛ nɛ efuliana na kikɛ kre na ku to. 11Amoso kumo be kamɔnchɛ kikɛ nɛ kɔnɔkoŋwule be ŋkre na ku to. Basa nɛ baa tɔ mbolpɔ a fa na daa keni ma nna, nseŋ pin fanɛ Enyɛnpe Ebɔrɛ na bɔla kusɔ nɛ n wora ere so nna a malga a sa bumo. 12Kumo be kaman nɛ ŋ kaŋɛ bumo le: “Nɛ menyee sha, menyeeŋ tiŋ n ta ma kakɔka n sa ma. Ama nɛ menyi maaŋ sa, men baa kɔ.” Ndoŋ nna nɛ b sa ma gbiti be ndarbi adesa fanɛ amo e la ma kakɔka.
13Nɛ Enyɛnpe Ebɔrɛ na kaŋɛ ma le: “Ta amo n ya wɔtɔ bɔrɛlambu na be lɔkɔ na to.” Ndoŋ nna nɛ n ta gbiti be ndarbi adesa nɛ b fɛ fanɛ amo e daga ma na n ya wɔtɔ bɔrɛlambu be lɔkɔ na to. 14Kede be kaman nɛ n naŋ bu kekpabi nyɔsopo nɛ mee tre ‘kɔnɔkoŋwule’ na to, nɛ Juda nɛ Israɛl be kekurgeji ku to.
15Ndoŋ nna nɛ Enyɛnpe Ebɔrɛ na kaŋɛ ma le: “Naŋ laŋɛ ŋ ki mbolpɔkpapo nɛ e maŋ kɔ tɔnɔ kikɛ na. 16Ŋkpal manɛ so n lara mbolpɔkpapo ko fanɛ e ba kaa keni ma mbolpɔ so, ama mo shɛŋ maaŋ baa wɔ bumo nɛ baaŋ foe na to ŋko nɛ e nite n fin bewurbi na ŋko n chɛ bumo nɛ baa lɔ na ŋko ŋ kpa bumo nɛ b kɔ alenfia na n yɔ keji to. Ama bedanso na nɛ e beeŋ baa mɔ a we a ka awibi. 17Asheŋ maaŋ nyalɛ n sa loŋ be mbolpɔkpapo jiga nɛ e yige mbe mbolpɔ n lɛ na! Mbe eleŋ kikɛ beeŋ mur ashi kena to. Mbe kabre beeŋ wu, nɛ mbe jisoso be kenishi malɛ e tan!”
Currently Selected:
Zakareya 11: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Zakareya 11
11
Belempo nyaŋnyaŋso be ketɔr be asheŋ
1Lebanɔnebi men bugi menyi be mbuna,
nɛ edɛ e chɔɔ menyi be ndibi nɛ baa tre sida na!
2Seprɛs be ndibi, men baa shu nsaa boŋ to
ŋkpal manɛ so, sida be ndibi tɔr;
kemaŋkura be ndibi na kikɛ mur!
Bashan be ndibigboŋ, men baa shu nsaa boŋ to;
ŋkpal b ka ku kupogboŋ na to be ndibi
damta na kikɛ n lɛ so!
3Men nu mbolpɔkpapoana ka bee shu awɔrso;
ŋkpal bumo be mbolpɔ be ejikpa lela na ka mur so!
Men nu ebuluŋ ka bee munto;
ŋkpal Jɔɔdan be lɔrkar be kupogboŋ lela na ka mur so!
Mbolpɔkpapo anyɔ ko be asheŋ
4Kusɔ nɛ Enyɛnpe ma Ebɔrɛ na kaŋɛ ma nde: “Ta fo kumu ŋ ki fanɛ mbolpɔkpapo nɛ baa shin nɛ b mɔ mbe mbolpɔ. 5Basa nɛ b tɔ bumo na bee mɔ bumo nna nsaa ta bumo be amu a ji. Nɛ basa nɛ baa fa mbolpɔ na malɛ bee kaŋɛ le: ‘Mee di Ebɔrɛ epaŋ ŋkpal ŋ ka dii dama so!’ Mbolpɔkpapoana na gbagba maa shu mbolpɔ na so.”
6Nɛ Enyɛnpe Ebɔrɛ na naŋ kaŋɛ le: “M maaŋ naŋ shu ekama so ashi durnya ere to. Ŋ gbagba beeŋ ta basa na m bɔɔ bumo braana nɛ bewurjipoana enɔ nɛ b mur durnya ere cheche nɛ m maaŋ mɔlga kumo ashi bumo be enɔ to.”
7Ŋkpal loŋ so nɛ ŋ ki mbolpɔ nɛ b kɔ a yɔ nɛ b ya mɔ na be ekenipo, nseŋ ta akpabi anyɔ ŋ keta a kpa bumo na. N daa tre kuko ‘Kushuso’ nsaa tre kuko malɛ ‘Kɔnɔkoŋwule’ nna. 8Kufɔl koŋwule to nɛ n nya agbo n ju mbolpɔkpapo asa ko nɛ b daŋ kishi ma asheŋ ga na. 9Kumo be kaman nɛ ŋ kaŋɛ mbolpɔ na le: “M maaŋ naa la menyi be ekenipo. Bumo nɛ baaŋ wu, b wu. Bumo nɛ baaŋ mur malɛ e mur. Bumo nɛ baaŋ ka malɛ e baa pɛ abar a we.” 10Kumo be kamɔnchɛ nɛ m bu kekpabi nɛ mee tre ‘Kushuso’ na to, a ŋini fanɛ kɔnɔkoŋwule be ŋkre nɛ Enyɛnpe Ebɔrɛ nɛ efuliana na kikɛ kre na ku to. 11Amoso kumo be kamɔnchɛ kikɛ nɛ kɔnɔkoŋwule be ŋkre na ku to. Basa nɛ baa tɔ mbolpɔ a fa na daa keni ma nna, nseŋ pin fanɛ Enyɛnpe Ebɔrɛ na bɔla kusɔ nɛ n wora ere so nna a malga a sa bumo. 12Kumo be kaman nɛ ŋ kaŋɛ bumo le: “Nɛ menyee sha, menyeeŋ tiŋ n ta ma kakɔka n sa ma. Ama nɛ menyi maaŋ sa, men baa kɔ.” Ndoŋ nna nɛ b sa ma gbiti be ndarbi adesa fanɛ amo e la ma kakɔka.
13Nɛ Enyɛnpe Ebɔrɛ na kaŋɛ ma le: “Ta amo n ya wɔtɔ bɔrɛlambu na be lɔkɔ na to.” Ndoŋ nna nɛ n ta gbiti be ndarbi adesa nɛ b fɛ fanɛ amo e daga ma na n ya wɔtɔ bɔrɛlambu be lɔkɔ na to. 14Kede be kaman nɛ n naŋ bu kekpabi nyɔsopo nɛ mee tre ‘kɔnɔkoŋwule’ na to, nɛ Juda nɛ Israɛl be kekurgeji ku to.
15Ndoŋ nna nɛ Enyɛnpe Ebɔrɛ na kaŋɛ ma le: “Naŋ laŋɛ ŋ ki mbolpɔkpapo nɛ e maŋ kɔ tɔnɔ kikɛ na. 16Ŋkpal manɛ so n lara mbolpɔkpapo ko fanɛ e ba kaa keni ma mbolpɔ so, ama mo shɛŋ maaŋ baa wɔ bumo nɛ baaŋ foe na to ŋko nɛ e nite n fin bewurbi na ŋko n chɛ bumo nɛ baa lɔ na ŋko ŋ kpa bumo nɛ b kɔ alenfia na n yɔ keji to. Ama bedanso na nɛ e beeŋ baa mɔ a we a ka awibi. 17Asheŋ maaŋ nyalɛ n sa loŋ be mbolpɔkpapo jiga nɛ e yige mbe mbolpɔ n lɛ na! Mbe eleŋ kikɛ beeŋ mur ashi kena to. Mbe kabre beeŋ wu, nɛ mbe jisoso be kenishi malɛ e tan!”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation