Nahum 3
3
1Asheŋ maaŋ nyalɛ n sa kadegboŋ
nɛ bemɔpo nɛ befɛpo nɛ kapuni
bɔlɔ kumo to na.
2Kusɔ nɛ k beeŋ ba kumo so nde:
Achuchɔ beeŋ gbelge kumo basa so,
nɛ ekama e nu egbaŋɛ nɛ egbaŋɛturko be eshile
be egbri nɛ a beeŋ sɔ kumo kikɛ to na.
3Egbaŋɛdiipo beeŋ nyaŋɛto a fili etokobi
nɛ akpa to nɛ a baa nyɛkpɛ kaplɛkama.
Basa damta beeŋ wu m biti abar so
nɛ esa maaŋ tiŋ ŋ karga basa wuso na.
Basa beeŋ baa fiti bubuni na a tɔr!
4Kasogberge nɛ k beeŋ ba Ninɛve so,
ŋkpal kesakalea damta nɛ k bɔlɔ kumo to,
nɛ kegbaya nɛ b ta m pɛ efuli damtaana so
be basa ŋ ki bumo be anya na so.
5Ade be kaman nɛ Enyɛnpetale Ebɔrɛ na kaŋɛ:
“Ŋ ki fo, Ninɛve, mo doŋ nna na.
Meeŋ delge fo so nɛ efuli pɔtɛana na
e wu fo kesaria nɛ nyɔmɔ e pɛ fo.
6Meeŋ shin nɛ fo ki kusɔ jiga
nɛ kusɔyurpi;
nɛ kumo be loŋ e chinchiŋ basa,
nseŋ pɛ bumo kufu.
7Bekama nɛ baaŋ wu fo
beeŋ shile fo nseŋ kaŋɛ le:
‘Ninɛve e bure a dese na,
wanɛ e naŋ shu n sa mo?
Nnɛ nɛ meeŋ nya esa nɛ e lolo mo?’ ”
8To, Ninɛve, fo maŋ bɔ Ijipt
be efuli so be kadegboŋ
nɛ baa tre Tebes, nɛ Nail be Lɔr na
daa kuŋ kumo fanɛ egbal na.
9Itiopia nɛ Ijipt be efuliana
be eleŋ nɛ kade na
daa fute a yige so.
Libiya nɛ kasawule nɛ baa tre
Put na e daa la kumo teriana
nɛ a chɛ kumo to.
10Ama bedoŋ daŋ ba kɔ Tebes nseŋ pɛ kumo
be basa n yɔ efuli pɔtɛ so.
B daŋ mɔ bumo be mbia nna n nase agbembi so
be kukɔlɔ kama so.
B daŋ to beri nna m barga bumo be benimugboŋ
nɛ b ta ŋgbɛlɛbi ŋ kre na to n sa abar.
11Ninɛve, fo alɛ gba beeŋ nuu nsa m boo m baŋ so nseŋ shile fo doŋana so n ya ŋana m mɔlga fo kumu. 12Fo mboŋ lempo nɛ a bee kuŋ fo kikɛ beeŋ ki fanɛ figi be ndibi nɛ a kɔ asɔrso nɛ a bel m pere. B baŋ gbaŋgbaŋ ndibi na asɔrso na bee tɔr kɔnɔ kama nɛ k bugi a yil to nna. 13Fo benapo du fanɛ beche nna nɛ shɛŋ malɛ maa kuŋ fo kasawule na ashi fo doŋana be enɔ to. Edɛ beeŋ chɔɔ ndibi nɛ baa ta a ber fo mbunagboŋ so na. 14Men saŋ nchu n yili menyi be enɔ so, ŋkpal manɛ so benapo beeŋ ba kulti menyi n wɔtɔ a sha kekɔ menyi kena. Amoso men baga eshii n lɔŋɛ menyi be mboŋ lempoana na m pɔr. 15Kanaŋkama nɛ men wora, edɛ e naŋ chɔɔ menyi m mɔ ŋko kena to nɛ menyeeŋ wu. Baaŋ mur menyi fanɛ kananɛ elotɔr bee ji asɔduu a mur na. Men salga fanɛ alonte ŋko elotɔr nna! 16Menyi be eyawujipo wora keshi a chɔ achɛkpabi nɛ a wɔ awɔlto ere, ama bumo kikɛ beeŋ mur n choŋ fanɛ kananɛ elotɔr bee ji asɔ a mur nsaa firgi a yɔ na nna. 17Menyi be bekumpo nɛ ekrachi kikɛ du fanɛ elotɔr nɛ a mel abar so egbal so awo be kachɛ nna. Ama epeŋi baŋ lar, nɛ b firgi n choŋ. Esa kikɛ malɛ maa pin kakpa nɛ e bee firgi a yɔ.
18Asiriya be Ewurgboŋ, fo gomena be benimuana kikɛ wu, nɛ fo ekrachigboŋ dese a di nsaa maaŋ naaŋ tiŋi kikɛ! Fo basa pesaŋ to a wɔ abeegboŋ so. Esa kikɛ malɛ maŋ wɔtɔ nɛ e naŋ shin nɛ b bɛta m ba epe. 19Kudur kikɛ maŋ wɔtɔ nɛ k tiŋ n chɛ ebesa nɛ doro nɛ a wɔ fo to ere. Ekama nɛ e nu fo kemur be kubɔya ere, bee kpla enɔ kagbenefuliso nna ŋkpal ebesa nɛ b ji ŋkpal fo kumukpakpaso so.
Currently Selected:
Nahum 3: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Nahum 3
3
1Asheŋ maaŋ nyalɛ n sa kadegboŋ
nɛ bemɔpo nɛ befɛpo nɛ kapuni
bɔlɔ kumo to na.
2Kusɔ nɛ k beeŋ ba kumo so nde:
Achuchɔ beeŋ gbelge kumo basa so,
nɛ ekama e nu egbaŋɛ nɛ egbaŋɛturko be eshile
be egbri nɛ a beeŋ sɔ kumo kikɛ to na.
3Egbaŋɛdiipo beeŋ nyaŋɛto a fili etokobi
nɛ akpa to nɛ a baa nyɛkpɛ kaplɛkama.
Basa damta beeŋ wu m biti abar so
nɛ esa maaŋ tiŋ ŋ karga basa wuso na.
Basa beeŋ baa fiti bubuni na a tɔr!
4Kasogberge nɛ k beeŋ ba Ninɛve so,
ŋkpal kesakalea damta nɛ k bɔlɔ kumo to,
nɛ kegbaya nɛ b ta m pɛ efuli damtaana so
be basa ŋ ki bumo be anya na so.
5Ade be kaman nɛ Enyɛnpetale Ebɔrɛ na kaŋɛ:
“Ŋ ki fo, Ninɛve, mo doŋ nna na.
Meeŋ delge fo so nɛ efuli pɔtɛana na
e wu fo kesaria nɛ nyɔmɔ e pɛ fo.
6Meeŋ shin nɛ fo ki kusɔ jiga
nɛ kusɔyurpi;
nɛ kumo be loŋ e chinchiŋ basa,
nseŋ pɛ bumo kufu.
7Bekama nɛ baaŋ wu fo
beeŋ shile fo nseŋ kaŋɛ le:
‘Ninɛve e bure a dese na,
wanɛ e naŋ shu n sa mo?
Nnɛ nɛ meeŋ nya esa nɛ e lolo mo?’ ”
8To, Ninɛve, fo maŋ bɔ Ijipt
be efuli so be kadegboŋ
nɛ baa tre Tebes, nɛ Nail be Lɔr na
daa kuŋ kumo fanɛ egbal na.
9Itiopia nɛ Ijipt be efuliana
be eleŋ nɛ kade na
daa fute a yige so.
Libiya nɛ kasawule nɛ baa tre
Put na e daa la kumo teriana
nɛ a chɛ kumo to.
10Ama bedoŋ daŋ ba kɔ Tebes nseŋ pɛ kumo
be basa n yɔ efuli pɔtɛ so.
B daŋ mɔ bumo be mbia nna n nase agbembi so
be kukɔlɔ kama so.
B daŋ to beri nna m barga bumo be benimugboŋ
nɛ b ta ŋgbɛlɛbi ŋ kre na to n sa abar.
11Ninɛve, fo alɛ gba beeŋ nuu nsa m boo m baŋ so nseŋ shile fo doŋana so n ya ŋana m mɔlga fo kumu. 12Fo mboŋ lempo nɛ a bee kuŋ fo kikɛ beeŋ ki fanɛ figi be ndibi nɛ a kɔ asɔrso nɛ a bel m pere. B baŋ gbaŋgbaŋ ndibi na asɔrso na bee tɔr kɔnɔ kama nɛ k bugi a yil to nna. 13Fo benapo du fanɛ beche nna nɛ shɛŋ malɛ maa kuŋ fo kasawule na ashi fo doŋana be enɔ to. Edɛ beeŋ chɔɔ ndibi nɛ baa ta a ber fo mbunagboŋ so na. 14Men saŋ nchu n yili menyi be enɔ so, ŋkpal manɛ so benapo beeŋ ba kulti menyi n wɔtɔ a sha kekɔ menyi kena. Amoso men baga eshii n lɔŋɛ menyi be mboŋ lempoana na m pɔr. 15Kanaŋkama nɛ men wora, edɛ e naŋ chɔɔ menyi m mɔ ŋko kena to nɛ menyeeŋ wu. Baaŋ mur menyi fanɛ kananɛ elotɔr bee ji asɔduu a mur na. Men salga fanɛ alonte ŋko elotɔr nna! 16Menyi be eyawujipo wora keshi a chɔ achɛkpabi nɛ a wɔ awɔlto ere, ama bumo kikɛ beeŋ mur n choŋ fanɛ kananɛ elotɔr bee ji asɔ a mur nsaa firgi a yɔ na nna. 17Menyi be bekumpo nɛ ekrachi kikɛ du fanɛ elotɔr nɛ a mel abar so egbal so awo be kachɛ nna. Ama epeŋi baŋ lar, nɛ b firgi n choŋ. Esa kikɛ malɛ maa pin kakpa nɛ e bee firgi a yɔ.
18Asiriya be Ewurgboŋ, fo gomena be benimuana kikɛ wu, nɛ fo ekrachigboŋ dese a di nsaa maaŋ naaŋ tiŋi kikɛ! Fo basa pesaŋ to a wɔ abeegboŋ so. Esa kikɛ malɛ maŋ wɔtɔ nɛ e naŋ shin nɛ b bɛta m ba epe. 19Kudur kikɛ maŋ wɔtɔ nɛ k tiŋ n chɛ ebesa nɛ doro nɛ a wɔ fo to ere. Ekama nɛ e nu fo kemur be kubɔya ere, bee kpla enɔ kagbenefuliso nna ŋkpal ebesa nɛ b ji ŋkpal fo kumukpakpaso so.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation