Nahum 2
2
Ninɛve ka kɔ n tɔr be asheŋ
1Ninɛveebi, kena bee ba menyi so!
Eleŋ nɛ k beeŋ pesaŋ menyi to na teŋ fo m ba.
Men baa kuŋ menyi be mboŋ lempoana na,
nsaa de menyi be agbembi so nɛnɛ.
Men bela ase nɛnɛ a jo kena be kekɔ!
2Enyɛnpe Ebɔrɛ naa sha kelaŋɛ Israɛlebi
be kemaŋkura nɛ b daa kɔ pɔɛŋ nɛ bumo
doŋana ba kɔ n suge bumo be asɔ na
n sa bumo.
3Ninɛveebi, bedoŋ be benapo keta
abɛlso be asɔkuŋso peper nna,
nseŋ buu asɔbuuso peper.
Baa bela ase nɛ b ba kɔ kena nna!
Bumo be egbaŋɛturko bee nyɛkpɛ fanɛ edɛ,
ŋko fanɛ bɔrɛ ka nyɛkpɛ na nna,
amo alɛ nsaa shile kenishipereso a yɔ a ba
ashi kadegboŋ na be alɔnɛ so!
4Bumo be egbaŋɛturko bee nyɛkpɛ so nna
fanɛ edɛ be adondulombi na.
Nsaa ji ŋjɔŋ agbembi so,
a shile a yɔ a ba ashi kadegboŋ na be alɔnɛ so.
A bee nyɛkpɛ so nna fanɛ mbulpi ŋko
bɔrɛ ka nyɛkpɛ na.
5Benapo nimuso na ponte n tre benapo na;
nɛ b shil a fiti a ba.
Benapo na daa shil a yɔ egbal na ase nna
nɛ b ya pɔr kusɔ nɛ k beeŋ baa kuŋ ajembu gbɛgbɛso
nɛ bedoŋ beeŋ shi awɔlto ŋ gbelti n lɛ bumo so na.
6Ewurkpa na be mbunagboŋ nɛ e mata lɔr na
bugi nɛ nchu luri m bɔlɔ kumo kikɛ to nɛ k bure n tɔr.
7B pɛ ewurche na kenya n yɔ efuli pɔtɛ so,
nɛ mbe mbita bee shu fanɛ ali
nsaa ber ŋgbene so kagbenejijaso.
8Kadegboŋ nɛ baa tre Ninɛve na bure nna
nɛ kumo to be basa bee shile fanɛ kepa ka bɔlɔ m bu
nɛ kumo to be nchu bee shile na.
Beko bee ponte a kaŋɛ: “Yili! Yili!”
Ama ekama maŋ yili nseŋ bɛta a ba.
9Nɛ bedoŋ be benapo na bee ponte a kaŋɛ:
“Men baa muu eshuwa nɛ egbiti na!
Ŋkpal manɛ so, kadegboŋ na to kɔ asɔ lela ga!”
10Ninɛve bure nɛ kumo to be basa shile n lar kumo to;
nɛ ki kade bureso a dese fuloŋ,
nɛ shɛŋ maŋ naa wɔ kumo to!
Nɛ kufugboŋ tɔr basa so nɛ baa chicha.
Bumo be eleŋ kikɛ loge;
nɛ bumo be anishiakpa ki foleebi.
11Naniere nnɛ nɛ Ninɛve nɛ k daa du
fanɛ ebuluŋ be kelaŋ na naa wɔ?
K daa du fanɛ kakpa nɛ ebuluŋ nyɛnso nɛ becheso kikɛ
beeŋ lar ŋ ka bumo be bibi nɛ shɛŋ maaŋ wora bumo nna.
12Buluŋ na bee pɛ kusɔbɔya nɛ e nya nna,
nseŋ gbeye kumo n ya sa mo barkasa
nɛ bibi nɛ b ji m moɛ.
13Nɛ Enyɛnpetale Ebɔrɛ na kaŋɛ:
“Ninɛveebi, men ki ma doŋana nna na,
meeŋ chɔɔ menyi be egbaŋɛturko
nseŋ shin nɛ b mɔ menyi be benapo kena to.
Ma alɛ beeŋ naŋ shin nɛ b sɔ asɔ nɛ men suge beko kutɔ na,
ekama malɛ maaŋ tuge menyi be mbɔ kikɛ.”
Currently Selected:
Nahum 2: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Nahum 2
2
Ninɛve ka kɔ n tɔr be asheŋ
1Ninɛveebi, kena bee ba menyi so!
Eleŋ nɛ k beeŋ pesaŋ menyi to na teŋ fo m ba.
Men baa kuŋ menyi be mboŋ lempoana na,
nsaa de menyi be agbembi so nɛnɛ.
Men bela ase nɛnɛ a jo kena be kekɔ!
2Enyɛnpe Ebɔrɛ naa sha kelaŋɛ Israɛlebi
be kemaŋkura nɛ b daa kɔ pɔɛŋ nɛ bumo
doŋana ba kɔ n suge bumo be asɔ na
n sa bumo.
3Ninɛveebi, bedoŋ be benapo keta
abɛlso be asɔkuŋso peper nna,
nseŋ buu asɔbuuso peper.
Baa bela ase nɛ b ba kɔ kena nna!
Bumo be egbaŋɛturko bee nyɛkpɛ fanɛ edɛ,
ŋko fanɛ bɔrɛ ka nyɛkpɛ na nna,
amo alɛ nsaa shile kenishipereso a yɔ a ba
ashi kadegboŋ na be alɔnɛ so!
4Bumo be egbaŋɛturko bee nyɛkpɛ so nna
fanɛ edɛ be adondulombi na.
Nsaa ji ŋjɔŋ agbembi so,
a shile a yɔ a ba ashi kadegboŋ na be alɔnɛ so.
A bee nyɛkpɛ so nna fanɛ mbulpi ŋko
bɔrɛ ka nyɛkpɛ na.
5Benapo nimuso na ponte n tre benapo na;
nɛ b shil a fiti a ba.
Benapo na daa shil a yɔ egbal na ase nna
nɛ b ya pɔr kusɔ nɛ k beeŋ baa kuŋ ajembu gbɛgbɛso
nɛ bedoŋ beeŋ shi awɔlto ŋ gbelti n lɛ bumo so na.
6Ewurkpa na be mbunagboŋ nɛ e mata lɔr na
bugi nɛ nchu luri m bɔlɔ kumo kikɛ to nɛ k bure n tɔr.
7B pɛ ewurche na kenya n yɔ efuli pɔtɛ so,
nɛ mbe mbita bee shu fanɛ ali
nsaa ber ŋgbene so kagbenejijaso.
8Kadegboŋ nɛ baa tre Ninɛve na bure nna
nɛ kumo to be basa bee shile fanɛ kepa ka bɔlɔ m bu
nɛ kumo to be nchu bee shile na.
Beko bee ponte a kaŋɛ: “Yili! Yili!”
Ama ekama maŋ yili nseŋ bɛta a ba.
9Nɛ bedoŋ be benapo na bee ponte a kaŋɛ:
“Men baa muu eshuwa nɛ egbiti na!
Ŋkpal manɛ so, kadegboŋ na to kɔ asɔ lela ga!”
10Ninɛve bure nɛ kumo to be basa shile n lar kumo to;
nɛ ki kade bureso a dese fuloŋ,
nɛ shɛŋ maŋ naa wɔ kumo to!
Nɛ kufugboŋ tɔr basa so nɛ baa chicha.
Bumo be eleŋ kikɛ loge;
nɛ bumo be anishiakpa ki foleebi.
11Naniere nnɛ nɛ Ninɛve nɛ k daa du
fanɛ ebuluŋ be kelaŋ na naa wɔ?
K daa du fanɛ kakpa nɛ ebuluŋ nyɛnso nɛ becheso kikɛ
beeŋ lar ŋ ka bumo be bibi nɛ shɛŋ maaŋ wora bumo nna.
12Buluŋ na bee pɛ kusɔbɔya nɛ e nya nna,
nseŋ gbeye kumo n ya sa mo barkasa
nɛ bibi nɛ b ji m moɛ.
13Nɛ Enyɛnpetale Ebɔrɛ na kaŋɛ:
“Ninɛveebi, men ki ma doŋana nna na,
meeŋ chɔɔ menyi be egbaŋɛturko
nseŋ shin nɛ b mɔ menyi be benapo kena to.
Ma alɛ beeŋ naŋ shin nɛ b sɔ asɔ nɛ men suge beko kutɔ na,
ekama malɛ maaŋ tuge menyi be mbɔ kikɛ.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation