Habakuk 1
1
1Kubɔya nɛ Enyɛnpe Ebɔrɛ lara ŋ ŋini anebi Habakuk nde.
Habakuk ka fubel ŋ ŋini Enyɛnpe Ebɔrɛ be asheŋ
2O, Enyɛnpe Ebɔrɛ, ale afanɛ bre nɛ meeŋ kule fo pɔɛŋ nɛ fo nu nseŋ mɔlga ma ashi basa nɛ baa nyaŋɛto a wɔtɔ basa na be enɔ to? 3Manɛ nna nɛ fo shin nɛ n wu le be tɔrɔ ere? Nuso nɛ feeŋ tiŋ n nya kagbene a keni le be alubi ere? Kemur nɛ keŋkenshi be kebaawɔtɔ e kulti ma n wɔtɔ nɛ kebri nɛ katege malɛ sɔ kaplɛkama. 4Mbra na maŋ kɔ eleŋ nɛ tɔnɔ kikɛ. Ekama malɛ maa ji asheŋ nɛ amo be ekpa so. Basa lubi e naa ji a bri basa niŋiso a shin nɛ kashenteŋji maŋ naa wɔtɔ.
Enyɛnpe Ebɔrɛ ka tuge Habakuk to be asheŋ
5Ndoŋ nna nɛ Enyɛnpe Ebɔrɛ na kaŋɛ mbe basa le: “Men dara efuli pɔtɛana nɛ a kulti menyi na ŋ keni. Kusɔ nɛ menyeeŋ wu na beeŋ mɔ menyi kɔnɔ alegaiso. Meeŋ wora kusɔ ko menyi be jemanɛ to, nɛ men nu kumo gba menyi maaŋ yirda. 6Meeŋ shin nɛ Babilɔnebi nɛ b la ŋgbene kpakpasowuraana a maa ŋana shɛŋ nsaa maŋ kɔ kechena n wushi kikɛ na e ji eleŋ. Baa lar nna a ba nɛ b ba kɔ durnya be kasawule kama so be basa kena. 7Bekama bee ŋana bumo nna nɛ bumo be asheŋ malɛ bee keta kufu ga. Bumo gbagba be mbraana nɛ atande nɛ baa bɛ so.
8Bumo be egbaŋɛ bee shile a chɔ ekarmɛ nsaa keta kufu malɛ a chɔ ekuntuŋ nɛ akoŋ kɔ. Bumo be egbaŋɛdiipoana shi mboŋ wɔfɔ nna nɛ bumo be egbaŋɛ bee shile a pulgi kasawule a ba eleŋso fanɛ kusore ka firgi n yuu kusɔ jisoso na.
9Bumo be benapo nyaŋɛto nna a ba basa be kemur to nɛ kufugboŋ tɔr bekama nɛ baa kɔ na so. Basa nɛ baa kɔ a pɛ a ki anya na shi alegaiso nna fanɛ eshishɛr na. 10Baa keni bewuraana jiga nna nsaa mushe ekrachigboŋ. Egbal ŋko ebu lempo jeŋgreŋ kikɛ maaŋ tiŋ ŋ kuŋ bumo ekpa. Baa koli eshishɛr nna a deŋi abar so amo be mman a bɔla so a dii a luri ndeana to a kɔ amo to be basa kena. 11Kumo be kaman nɛ b choŋ fanɛ afu na. Bumo be eleŋ du fanɛ kegbir be eleŋ nna n sa bumo nɛ baa bunyaŋ kumo.”
Habakuk ka fubel ŋ ŋini Enyɛnpe Ebɔrɛ be asheŋ
12O Enyɛnpe Ebɔrɛ, fo la Ebɔrɛ nna sososo na kikɛ. Fo e la ma Ebɔrɛ nɛ fo du cheembi nsaa wɔtɔ mbaanaayɔ. Enyɛnpe, ma Ebɔrɛ nɛ ma ekumpo, fo e lara Babilɔnebi na n shin nɛ b nya eleŋ saŋɛ na so baaŋ gberge anyi kusoe. 13Ama fo maaŋ tiŋ a keni nɛ kulubi e baa wora a yɔ. Fo anishi du cheembi ga nɛ a baa wu asheŋ lubi. Ama fo wora shruum a keni basa lubi nɛ b maŋ kɔ yirda ere nɛ baa mur basa nɛ b niŋi a chɔ bumo.
14Fo shin nɛ edimɛdi ki fanɛ ekɔrɔtɔ ŋko nchu to be asɔ keniso nɛ a maŋ kɔ bejuŋkparpo na. 15Babilɔnebi na bee pɛ edimɛdi nna fanɛ b ka ta edariwa ŋko ashewu m pɛ ekɔrɔtɔ n dii kedeŋi so nsaa cha awɔr kagbenefuliso na. 16Baa bunyaŋ bumo be ashewu nna nsaa lara esarga a sa amo, ŋkpal b ka bee bɔla ashewu na so a dii kedama nsaa nya ajibi lela a ji so.
17Ama b baa kraa mɔ basa fanɛ b ka bee to bumo ashewu na nsaa mur efuliana na a maa wu basa kuwɔr a?
Currently Selected:
Habakuk 1: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Habakuk 1
1
1Kubɔya nɛ Enyɛnpe Ebɔrɛ lara ŋ ŋini anebi Habakuk nde.
Habakuk ka fubel ŋ ŋini Enyɛnpe Ebɔrɛ be asheŋ
2O, Enyɛnpe Ebɔrɛ, ale afanɛ bre nɛ meeŋ kule fo pɔɛŋ nɛ fo nu nseŋ mɔlga ma ashi basa nɛ baa nyaŋɛto a wɔtɔ basa na be enɔ to? 3Manɛ nna nɛ fo shin nɛ n wu le be tɔrɔ ere? Nuso nɛ feeŋ tiŋ n nya kagbene a keni le be alubi ere? Kemur nɛ keŋkenshi be kebaawɔtɔ e kulti ma n wɔtɔ nɛ kebri nɛ katege malɛ sɔ kaplɛkama. 4Mbra na maŋ kɔ eleŋ nɛ tɔnɔ kikɛ. Ekama malɛ maa ji asheŋ nɛ amo be ekpa so. Basa lubi e naa ji a bri basa niŋiso a shin nɛ kashenteŋji maŋ naa wɔtɔ.
Enyɛnpe Ebɔrɛ ka tuge Habakuk to be asheŋ
5Ndoŋ nna nɛ Enyɛnpe Ebɔrɛ na kaŋɛ mbe basa le: “Men dara efuli pɔtɛana nɛ a kulti menyi na ŋ keni. Kusɔ nɛ menyeeŋ wu na beeŋ mɔ menyi kɔnɔ alegaiso. Meeŋ wora kusɔ ko menyi be jemanɛ to, nɛ men nu kumo gba menyi maaŋ yirda. 6Meeŋ shin nɛ Babilɔnebi nɛ b la ŋgbene kpakpasowuraana a maa ŋana shɛŋ nsaa maŋ kɔ kechena n wushi kikɛ na e ji eleŋ. Baa lar nna a ba nɛ b ba kɔ durnya be kasawule kama so be basa kena. 7Bekama bee ŋana bumo nna nɛ bumo be asheŋ malɛ bee keta kufu ga. Bumo gbagba be mbraana nɛ atande nɛ baa bɛ so.
8Bumo be egbaŋɛ bee shile a chɔ ekarmɛ nsaa keta kufu malɛ a chɔ ekuntuŋ nɛ akoŋ kɔ. Bumo be egbaŋɛdiipoana shi mboŋ wɔfɔ nna nɛ bumo be egbaŋɛ bee shile a pulgi kasawule a ba eleŋso fanɛ kusore ka firgi n yuu kusɔ jisoso na.
9Bumo be benapo nyaŋɛto nna a ba basa be kemur to nɛ kufugboŋ tɔr bekama nɛ baa kɔ na so. Basa nɛ baa kɔ a pɛ a ki anya na shi alegaiso nna fanɛ eshishɛr na. 10Baa keni bewuraana jiga nna nsaa mushe ekrachigboŋ. Egbal ŋko ebu lempo jeŋgreŋ kikɛ maaŋ tiŋ ŋ kuŋ bumo ekpa. Baa koli eshishɛr nna a deŋi abar so amo be mman a bɔla so a dii a luri ndeana to a kɔ amo to be basa kena. 11Kumo be kaman nɛ b choŋ fanɛ afu na. Bumo be eleŋ du fanɛ kegbir be eleŋ nna n sa bumo nɛ baa bunyaŋ kumo.”
Habakuk ka fubel ŋ ŋini Enyɛnpe Ebɔrɛ be asheŋ
12O Enyɛnpe Ebɔrɛ, fo la Ebɔrɛ nna sososo na kikɛ. Fo e la ma Ebɔrɛ nɛ fo du cheembi nsaa wɔtɔ mbaanaayɔ. Enyɛnpe, ma Ebɔrɛ nɛ ma ekumpo, fo e lara Babilɔnebi na n shin nɛ b nya eleŋ saŋɛ na so baaŋ gberge anyi kusoe. 13Ama fo maaŋ tiŋ a keni nɛ kulubi e baa wora a yɔ. Fo anishi du cheembi ga nɛ a baa wu asheŋ lubi. Ama fo wora shruum a keni basa lubi nɛ b maŋ kɔ yirda ere nɛ baa mur basa nɛ b niŋi a chɔ bumo.
14Fo shin nɛ edimɛdi ki fanɛ ekɔrɔtɔ ŋko nchu to be asɔ keniso nɛ a maŋ kɔ bejuŋkparpo na. 15Babilɔnebi na bee pɛ edimɛdi nna fanɛ b ka ta edariwa ŋko ashewu m pɛ ekɔrɔtɔ n dii kedeŋi so nsaa cha awɔr kagbenefuliso na. 16Baa bunyaŋ bumo be ashewu nna nsaa lara esarga a sa amo, ŋkpal b ka bee bɔla ashewu na so a dii kedama nsaa nya ajibi lela a ji so.
17Ama b baa kraa mɔ basa fanɛ b ka bee to bumo ashewu na nsaa mur efuliana na a maa wu basa kuwɔr a?
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation