Nahum 1
1
1Kubɔya ere la bɔrɛdare nɛ Enyɛnpe Ebɔrɛ na shin nɛ Nahum, nɛ e shi kade nɛ baa tre Ɛlkɔsh na, ku a laŋɛ kadegboŋ nɛ baa tre Ninɛve na be kaplɛa so nna.
Enyɛnpe Ebɔrɛ ka nya agbo n wɔtɔ Ninɛve be asheŋ
2Enyɛnpe Ebɔrɛ na kishi kechamana ga,
nsaa beeŋ gberge mo doŋana kusoe.
E beeŋ bishi bumo kuwule agbo so.
3Enyɛnpe Ebɔrɛ na kɔ eleŋ ga,
mo alɛ maa nya agbo manaŋ manaŋ,
ama mo alɛ maa yige bumo nɛ baa wora
a de so nɛ baa ta bumo be amu a ji.
Bɔrɛfugboŋ nɛ kawuliwuli so
nɛ e bee bɔla a wora asheŋ;
nɛ bɔrɛwɔlpa malɛ du
fanɛ mbe aya to be kalabɛr.
4Mo e naa ponte teku nɛ elɔr so
nɛ amo be nchu bee feeto nɛ a bee wɔlto.
Mo koŋwule na e naa ponte
nɛ Bashan be afitiri bumbuŋ bee bolo,
nɛ Kamɛl be kebeegboŋ so be ndibi bee pere kpaw
nɛ Lebanɔn be ndibi be atoto lela kikɛ bee terge.
5Abeegboŋ bee gbuŋgbuŋ to
Enyɛnpe Ebɔrɛ na be anishito nna,
nɛ abeebi bee ŋalga mbe anishito.
E baŋ lar a ba kasawule kikɛ bee gbuŋgbuŋ nna
nɛ durnya nɛ kumo be basa kikɛ e baa chicha.
6E baŋ nya agbo, esa kikɛ maaŋ pete.
Esa kikɛ maaŋ tiŋ ŋ gelge mbe agbogboŋ na.
Mbe agbo du fanɛ edɛ nna a pante afalta
nɛ a bee bure to a ki eshishɛr.
7Enyɛnpe Ebɔrɛ na walɛ;
mo e naa kuŋ mbe basa tɔrɔ to,
nsaa keni bekama nɛ b yirda mo so.
8Ama e bee mur mo doŋana bre nna
fanɛ nchugboŋ ka jija asɔ na.
Mo alɛ naa yɛr bumo nɛ baa
ji mo emɔrɔ na luwu to nna.
9Amoso sa maa kre Enyɛnpe Ebɔrɛ ŋkre kulubi!
E bee mur mo doŋana cheche nna
nɛ b maŋ naa nya ekpa a bɛta a ba.
10Baaŋ baa du fanɛ besanuupo
nɛ b nuu nsa ga nɛ a pɔɔ bumo so nna;
ŋko ajinjɛ nɛ atuweklaŋ nɛ a mel abar to
nɛ edɛ chɔɔ amo m mur na nna.
11Esa ko nɛ e kɔ nfɛra lubi shi Ninɛve
be kadegboŋ to m ba kaa kre
Enyɛnpe Ebɔrɛ na ŋkre lubi.
12Ama kusɔ nɛ Enyɛnpe Ebɔrɛ na
bee kaŋɛ mbe basa Israɛlebi nde.
E yɛ: “Asiriyaebi be eleŋ nɛ bumo be keshi ere kikɛ
be kaman baaŋ mur nɛ esa maaŋ naŋ wu bumo.
N shin nɛ menyi, ma basa Israɛlebi, ji awurfoŋ,
ama ma alɛ maaŋ naŋ wora loŋ kikɛ.
13Meeŋ shin nɛ Asiriyaebi be eleŋ
nɛ baa ji menyi so na e ba ekar,
nɛ n tuge ŋgbɛlɛbi nɛ b ta ŋ kre menyi na to.”
14Ketande nɛ Enyɛnpe Ebɔrɛ na nase
a laŋɛ Asiriyaebi be kaplɛa so nde.
E yɛ: “B maaŋ nya kaman to ebi nɛ baaŋ sɔ
bumo so n shin nɛ basa e baa nyiŋi bumo
a ti bumo be atre.
Meeŋ mur bumo be agbirana nɛ a wɔ
bumo be agbirlambuana to na.
Ma alɛ beeŋ kur Asiriyaebi be nchaŋana
n nase, ŋkpal manɛ so, b maŋ walɛ kikɛ.”
15Judaebi, men keni, kabɔ ko kɔ baru lela
n shi kebeegboŋ na so a ba!
Kayurwushi be baru nɛ e kɔ a ba.
Amoso men ji menyi be nchɛgboŋ nseŋ wora
m bɔlɔ nnɔ nɛ men nase n sa Ebɔrɛ na so.
Kumukpakpaso wuraana maaŋ naaŋ kɔ
n sɔ menyi be kasawule kikɛ, ŋkpal manɛ so,
b mur cheche kuraa.
Currently Selected:
Nahum 1: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Nahum 1
1
1Kubɔya ere la bɔrɛdare nɛ Enyɛnpe Ebɔrɛ na shin nɛ Nahum, nɛ e shi kade nɛ baa tre Ɛlkɔsh na, ku a laŋɛ kadegboŋ nɛ baa tre Ninɛve na be kaplɛa so nna.
Enyɛnpe Ebɔrɛ ka nya agbo n wɔtɔ Ninɛve be asheŋ
2Enyɛnpe Ebɔrɛ na kishi kechamana ga,
nsaa beeŋ gberge mo doŋana kusoe.
E beeŋ bishi bumo kuwule agbo so.
3Enyɛnpe Ebɔrɛ na kɔ eleŋ ga,
mo alɛ maa nya agbo manaŋ manaŋ,
ama mo alɛ maa yige bumo nɛ baa wora
a de so nɛ baa ta bumo be amu a ji.
Bɔrɛfugboŋ nɛ kawuliwuli so
nɛ e bee bɔla a wora asheŋ;
nɛ bɔrɛwɔlpa malɛ du
fanɛ mbe aya to be kalabɛr.
4Mo e naa ponte teku nɛ elɔr so
nɛ amo be nchu bee feeto nɛ a bee wɔlto.
Mo koŋwule na e naa ponte
nɛ Bashan be afitiri bumbuŋ bee bolo,
nɛ Kamɛl be kebeegboŋ so be ndibi bee pere kpaw
nɛ Lebanɔn be ndibi be atoto lela kikɛ bee terge.
5Abeegboŋ bee gbuŋgbuŋ to
Enyɛnpe Ebɔrɛ na be anishito nna,
nɛ abeebi bee ŋalga mbe anishito.
E baŋ lar a ba kasawule kikɛ bee gbuŋgbuŋ nna
nɛ durnya nɛ kumo be basa kikɛ e baa chicha.
6E baŋ nya agbo, esa kikɛ maaŋ pete.
Esa kikɛ maaŋ tiŋ ŋ gelge mbe agbogboŋ na.
Mbe agbo du fanɛ edɛ nna a pante afalta
nɛ a bee bure to a ki eshishɛr.
7Enyɛnpe Ebɔrɛ na walɛ;
mo e naa kuŋ mbe basa tɔrɔ to,
nsaa keni bekama nɛ b yirda mo so.
8Ama e bee mur mo doŋana bre nna
fanɛ nchugboŋ ka jija asɔ na.
Mo alɛ naa yɛr bumo nɛ baa
ji mo emɔrɔ na luwu to nna.
9Amoso sa maa kre Enyɛnpe Ebɔrɛ ŋkre kulubi!
E bee mur mo doŋana cheche nna
nɛ b maŋ naa nya ekpa a bɛta a ba.
10Baaŋ baa du fanɛ besanuupo
nɛ b nuu nsa ga nɛ a pɔɔ bumo so nna;
ŋko ajinjɛ nɛ atuweklaŋ nɛ a mel abar to
nɛ edɛ chɔɔ amo m mur na nna.
11Esa ko nɛ e kɔ nfɛra lubi shi Ninɛve
be kadegboŋ to m ba kaa kre
Enyɛnpe Ebɔrɛ na ŋkre lubi.
12Ama kusɔ nɛ Enyɛnpe Ebɔrɛ na
bee kaŋɛ mbe basa Israɛlebi nde.
E yɛ: “Asiriyaebi be eleŋ nɛ bumo be keshi ere kikɛ
be kaman baaŋ mur nɛ esa maaŋ naŋ wu bumo.
N shin nɛ menyi, ma basa Israɛlebi, ji awurfoŋ,
ama ma alɛ maaŋ naŋ wora loŋ kikɛ.
13Meeŋ shin nɛ Asiriyaebi be eleŋ
nɛ baa ji menyi so na e ba ekar,
nɛ n tuge ŋgbɛlɛbi nɛ b ta ŋ kre menyi na to.”
14Ketande nɛ Enyɛnpe Ebɔrɛ na nase
a laŋɛ Asiriyaebi be kaplɛa so nde.
E yɛ: “B maaŋ nya kaman to ebi nɛ baaŋ sɔ
bumo so n shin nɛ basa e baa nyiŋi bumo
a ti bumo be atre.
Meeŋ mur bumo be agbirana nɛ a wɔ
bumo be agbirlambuana to na.
Ma alɛ beeŋ kur Asiriyaebi be nchaŋana
n nase, ŋkpal manɛ so, b maŋ walɛ kikɛ.”
15Judaebi, men keni, kabɔ ko kɔ baru lela
n shi kebeegboŋ na so a ba!
Kayurwushi be baru nɛ e kɔ a ba.
Amoso men ji menyi be nchɛgboŋ nseŋ wora
m bɔlɔ nnɔ nɛ men nase n sa Ebɔrɛ na so.
Kumukpakpaso wuraana maaŋ naaŋ kɔ
n sɔ menyi be kasawule kikɛ, ŋkpal manɛ so,
b mur cheche kuraa.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation