Popular Bible Verses from Marcos 7

Share

Abiro ña: pupea yeripũnapʉmenarã ñañarõ wãcũrẽ, ʉmʉã, nomiã came apaepere, yajare, basocare sĩãcõãrugare, nʉmo nihegomena, manʉ nihegʉmena apaepere, ʉgaripeare, ñañarõ tirugare, tiritore, ñañarõ tirere tiduhere, ĩñatutire, ãpẽrãrẽ ñañarõ wedepasʉtire, ãpẽrãsotoare ña ĩ tʉoiñarẽ, marĩcã noboro timequẽdere topʉmena wado wati. Atie nipetire ñañarẽ marĩya yeripũna pupeapʉmena watire ña. Tie doca basocare ñañarã wañerõcã ya ―ĩ wedeyugʉ Jesús.

Yarigue ʉseropʉmena sãwaremerã ña basocare Manigʉ̃cã ĩñacoropʉre ñañarã wañerõcã tire. Buripe basocʉya yeripũnamena ʉseropʉ witiatirepe doca ña basocare ñañarã niñerõcã tire.

Jesús cʉ̃jãrẽ yʉyugʉ: —Merẽ queorora wederucũyi Manigʉ̃ye quetire wedesʉgueribasocʉ Isaías mʉjã ñañarã ĩritoribasoca basoca ĩñacoropʉ wadore ñurẽrẽ tirecʉtira ña ĩrãye maquẽrẽ abiro ĩ ojagʉ: «Ãnijã basoca ʉseromena wadora yʉre wedewõwã. Queorojoropʉare cʉ̃jãye yeripũnarĩmenapere yʉre icãta wedewõheriwa.

Cʉ̃jãcã neãpo yʉre ñubuepeore icãta wapamani. Cʉ̃jã basocabasurupe dotire cũnirã tierena ‘Manigʉ̃cã dotire ña’ ĩnirã buewa» ―ĩ ojarigʉ niwĩ Isaías.

Mʉjã basocacã tirecʉtirepere tiquetaturadara, Manigʉ̃cã dotirepere tidumocã ―ĩyugʉ Jesús.