Popular Bible Verses from Marcos 6

Share

Cʉ̃jãcã wedetuwacoremena Jesús cʉ̃jãrẽ: —Jamʉ, basocacã patocõña manirõpʉ marĩ wado pẽrõ yerisãco ―ĩyugʉ. Basocacã pajʉ naĩrõ warucũ, watirucũ biñerõcã cʉ̃jã yaboriwatoanopʉra cʉoheriyura.

Jesúpe cʉ̃jãrẽ abiro ĩyugʉ: —Nipetiropʉrena ĩcʉ̃ Manigʉ̃ye quetire wedesʉgueribasocʉre ñurõ wedewõwã. Buri cʉ̃ya ditaro macãrãjoropere, cʉ̃ya wederajoropere ĩñerõcã cʉ̃yawi macãrãjoropere ñurõ wedewõyoheriwi ―ĩyugʉ.

Jesús doriacũmuãpʉ sãñarigʉ duinʉcãgʉ̃ pajʉ basocare cʉ̃rẽ quetatuwʉmʉãriarare ĩñagʉ cʉ̃jãrẽ bopacaĩñare tʉoiñayugʉ ovejacã coteribasocʉ cuiherara abiro niñerõcã ĩñagʉ̃. Tairo tigʉ cʉ̃jãrẽ paje buesocoayugʉ.

Topʉre Jesús ĩcãwãmenogãpera tiẽñoheriyugʉ. Buripe diarare nocʉ̃merẽna cʉ̃ya wãmorẽ ñapeo cʉ̃jãrẽ ñujeañerõcã tiyugʉ. Cʉ̃jãrẽ cʉ̃ ĩñamaniãsuyugʉ cʉ̃jãcã cʉ̃rẽ wedewõheriñerõcã ĩñagʉ̃. Tairo tigʉ Jesús Nazaretmena pʉtogã nirĩmacãrĩpe buewõnogʉ̃ warucũyugʉ.

Siro Jesús tie ĩcãõpʉcʉñe panrẽ, cʉ̃jã wai pʉ̃ãrãrẽ ne emʉãrõpʉ ĩñaemʉõco cʉ̃ Pacʉ Manigʉ̃rẽ ʉseare nʉniyugʉ. Tuwanʉcõ panrẽ pebate cʉ̃ buerare basocare batodotigʉ nʉniyugʉ. Waicãrẽ cotoarora tiyugʉ. Nipetirapʉra yayapira pʉtʉayura. Siro doce piserijoro cʉ̃jãcã yadʉarigue waire, panrẽ sedadoyura.