Filipenses 3
3
Ri lic chirajawaxic wi e cacubi' kac'u'x ruc' ri Cristo
1Ec'u wo'ora hermanos, chwi ronoje tak ri cac'ulumaj alak, lic qui'cota alak ruc' ri Kanimajawal. Ri'in na quincos ta che ubi'xiquil tanchic janipa ri nutz'ibam chi pan che alak, ma wa' lic chirajawaxic che alak.
2Cambi'ij c'u ri': Lic chajij ib alak chiquiwach ri winak itzel quic'u'x, ri lic na e ta sakil aj chaquib, ri xa pa que rique caquibi'ij chirajawaxic chique conoje rachijab cak'at ri culewal cha' cacoj ri retalil re circuncisión chique.#3:2 “Circuncisión”: Ri caqui'an raj judi'ab echiri' juna ralco ala cuq'uis wajxakib k'ij ralaxic, e cak'at rutz'u'malil ruwi ri rulewal, c'utubal re e jun chique rutinamit ri Dios. Yey jujun chique raj judi'ab quicojom rubi' ri Cristo caquibi'ij chirajawaxic cacoj wa retalil re circuncisión chique ri creyentes na e ta aj Israel, tob e nima'k chic. Pero ri Pablo cubi'ij na chirajawaxic ta wa'. Ma chiquiwach rique, xew ri quicojom wa' takal chique e utinamit ri Dios. 3Pero pakatzij wi rutinamit ri Dios e ri'oj,#3:3 “Rutinamit ri Dios e ri'oj”: Pa ri ch'a'tem griego cubi'ij “ri'oj oj re ri circuncisión”. ma ri'oj cakalok'nimaj uk'ij ri Dios pa sakil wi ruma ri Ruxlabixel Rire. Ri kaqui'cotemal e ruma ri u'anom ri Kanimajawal Jesucristo kuc' yey cubul kac'u'x ruc' Rire, na ruc' ta ri ka'anom ri'oj y na ruc' ta ri retalil cacoj che ri kacuerpo.
4We ta e la' cuaj canyac nuk'ij ruma tak wa', takal ri' chwe, ma na jinta junok chique ri e aj judi'ab u'anom más chinuwa ri'in. 5Ma xcoj ri retalil re circuncisión chwe echiri' xinq'uis wajxakib k'ij walaxic. Yey in cuq'uil ri e aj Israel ma nupetebem lo chique ri e ralc'o'al can ri Benjamín, ruc'ajol ri Israel. Ri'in, in jela' pacha' ri nuchu-nukaw, lic in aj hebreo chiwalaxic.#3:5 Ri Pablo e cuq'uil ri e aj judi'ab caquirik ri ch'a'tem hebreo y xq'uiy cuc' ri lic quitakem ri cojobal que can ri cati'-quimam. No'j e c'o jujun chic e aj judi'ab na caquirik ta ri ch'a'tem hebreo, ma ri quich'a'tem e ri griego, yey quitakem jujun che tak ri cojobal que raj griego. Yey ruma in jun chique ri fariseos, lic xinoc il che tak ri takanic que raj judi'ab. 6Ruma c'u xinya nuc'u'x che wa', lic xinwesaj k'ij che usachic quiwach ri quicojom rubi' ri Cristo. Lic xintakej ri takanic que raj judi'ab y chwa c'u ri' wa', na jinta junok catz'akaw nuchi'.
7Echiri' c'amaja' cancoj rubi' ri Cristo, xinch'obo e ronoje tak wa' e re yacbal nuk'ij chwach ri Dios; no'j wo'ora canmaj usuc' na e ta u'anom ri', ma na ruma ta wa' xinweta'maj uwach ri Cristo. 8Y na xew tane la', ma chinuwach ri'in, ronoje ri can'ano o ronoje ri c'o wuc', na jinta c'ana uwach chwa ri reta'maxic uwach ri Cristo Jesús, ri Wajawal, ma Rire na jinta c'ana cajunimax wi. Ruma c'u ri Jesús, xinya can ranima' ronoje; e tak ri c'o wuc' xa e chi pacha' rak'es chinuwach ri'in, ma e lic nuya'om wib che reta'maxic uwach ri Cristo 9y jec'ula' in u'anom xa jun ruc' Rire. Y na e ta c'u can'an jusuc' che wib ruma ri lic nutakem ri takanic re ri Moisés; ma xew ri Dios ca'anaw jusuc' chwe, yey wa' e ruma ri cubulibal nuc'u'x ruc' ri Cristo. 10Ec'u ri lic cuaj ri'in e canweta'maj más uwach ri Cristo. Yey cuaj cac'oji' ruchuk'ab Rire wuc', jela' pacha' ri xuc'utu echiri' xuch'ij uchuk'ab ri camic y xc'astaj lo chiquixo'l ri ecaminak. Yey na jinta c'o cubi'ij nuc'u'x che tob ne cantij c'ax y quincamisaxic jela' pacha' x'an che Rire echiri' xuya rib pa camic. 11Ronoje c'u ri can'ano e ruma lic cacha nuc'u'x che caya'taj chwe ri c'aslemal na jinta utakexic echiri' ri Dios quinuc'astajisaj lo chiquixo'l ri ecaminak.
Kaya'a kib che u'anic janipa ri caraj ri Dios chike
12Na e ta c'u cambi'ij ri' nurikom chi ronoje wa' y na jinta chi c'ana cajawax che ri nubinic nusilabic chwach ri Dios. Na e ta ri'. Ma e pacha' c'a quintajin pan chi be yey e lic cantij uk'ij quinopon che ronoje ri xraj ri Kanimajawal Jesucristo chwe echiri' xinusiq'uij. 13Hermanos, ri'in na cambi'ij taj we nuch'ijom chi u'anic ronoje ri caraj ri Dios chwe. Ec'u ri can'ano e canya ronoje nuchuk'ab cha' e quinel pan ruc' ri c'a c'o chinuwach y na e ta chi canch'ob rakan puwi ri ic'owinak chic. 14Jec'uri'la' lic jusuc' quin'ec c'a pa cu'q'uisa wi ri nube k'atital chinuwach, cha' jela' canc'ul ri chomilaj sipanic, ri ubi'tisim ri Dios chike ri ojusiq'uim cha' coje'c'ola ruc' chila' chicaj ruma oj re ri Jesucristo.
15Konoje c'u ri lic oj tiquil chi utz chupa ri K'ijsak, e lic ube ri' we jela' ri kana'oj. Yey we c'o junok chixo'libal alak junwi ri cuch'obo, e ri Dios cak'alajisan che we utz o na utz ta ri cuch'obo. 16Pero ri lic chirajawaxic chike e caka'an ronoje ri uc'utum chi ri Dios chikawach.
17Hermanos, 'ana che ri binic alak pacha' ri nubinic ri'in. Yey e chetakej alak ri caqui'an jela' pacha' ri kac'utum ri'oj. 18Ma e q'ui ri na caqui'an ta wa'. Uq'uiyal laj in ch'a'tinak chi uc' alak paquiwi rique, y ruc' ok'ej cambi'ij tanchic: Lic k'alaj ruma ri quibinic quisilabic, rique e aj retzelal c'u'x chirij ri Utzilaj Tzij puwi rucamic ri Cristo chwa ri cruz. 19Copon na c'u ri k'ij echiri' casach na quiwach, ma ri quidios rique e tak ri rayibal re ri quiti'jil.#3:19 “Ri rayibal re ri quiti'jil”: Pa ri ch'a'tem griego cubi'ij “ri quidios rique e ri quipa”. Caqui'an ne nim che quib ruma tak ri caqui'ano tob wa' lic q'uixbal uwach, yey lic caquiya quina'oj che tak ri xa re ruwachulew. 20No'j c'u ri katinamit ri'oj e ri c'o chila' chicaj, pa koye'em wi cape ri Kacolobenel, ri Kanimajawal Jesucristo. 21Y echiri' cac'un Rire, cujalc'atij na kawach ri'oj. Jec'uri'la' ri kacuerpo, tob na jinta uk'ij wo'ora, cu'ana jela' pacha' runimal uchomalil rucuerpo Rire echiri' xc'astaj lo chiquixo'l ri ecaminak. Jela' cu'ana Rire ruc' ri chuk'ab ya'tal che cha' cuch'ij uchuk'ab ronoje tak ri c'olic.
Markert nå:
Filipenses 3: acrT
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
© 2009, Wycliffe Bible Translators, Inc. All rights reserved.
Filipenses 3
3
Ri lic chirajawaxic wi e cacubi' kac'u'x ruc' ri Cristo
1Ec'u wo'ora hermanos, chwi ronoje tak ri cac'ulumaj alak, lic qui'cota alak ruc' ri Kanimajawal. Ri'in na quincos ta che ubi'xiquil tanchic janipa ri nutz'ibam chi pan che alak, ma wa' lic chirajawaxic che alak.
2Cambi'ij c'u ri': Lic chajij ib alak chiquiwach ri winak itzel quic'u'x, ri lic na e ta sakil aj chaquib, ri xa pa que rique caquibi'ij chirajawaxic chique conoje rachijab cak'at ri culewal cha' cacoj ri retalil re circuncisión chique.#3:2 “Circuncisión”: Ri caqui'an raj judi'ab echiri' juna ralco ala cuq'uis wajxakib k'ij ralaxic, e cak'at rutz'u'malil ruwi ri rulewal, c'utubal re e jun chique rutinamit ri Dios. Yey jujun chique raj judi'ab quicojom rubi' ri Cristo caquibi'ij chirajawaxic cacoj wa retalil re circuncisión chique ri creyentes na e ta aj Israel, tob e nima'k chic. Pero ri Pablo cubi'ij na chirajawaxic ta wa'. Ma chiquiwach rique, xew ri quicojom wa' takal chique e utinamit ri Dios. 3Pero pakatzij wi rutinamit ri Dios e ri'oj,#3:3 “Rutinamit ri Dios e ri'oj”: Pa ri ch'a'tem griego cubi'ij “ri'oj oj re ri circuncisión”. ma ri'oj cakalok'nimaj uk'ij ri Dios pa sakil wi ruma ri Ruxlabixel Rire. Ri kaqui'cotemal e ruma ri u'anom ri Kanimajawal Jesucristo kuc' yey cubul kac'u'x ruc' Rire, na ruc' ta ri ka'anom ri'oj y na ruc' ta ri retalil cacoj che ri kacuerpo.
4We ta e la' cuaj canyac nuk'ij ruma tak wa', takal ri' chwe, ma na jinta junok chique ri e aj judi'ab u'anom más chinuwa ri'in. 5Ma xcoj ri retalil re circuncisión chwe echiri' xinq'uis wajxakib k'ij walaxic. Yey in cuq'uil ri e aj Israel ma nupetebem lo chique ri e ralc'o'al can ri Benjamín, ruc'ajol ri Israel. Ri'in, in jela' pacha' ri nuchu-nukaw, lic in aj hebreo chiwalaxic.#3:5 Ri Pablo e cuq'uil ri e aj judi'ab caquirik ri ch'a'tem hebreo y xq'uiy cuc' ri lic quitakem ri cojobal que can ri cati'-quimam. No'j e c'o jujun chic e aj judi'ab na caquirik ta ri ch'a'tem hebreo, ma ri quich'a'tem e ri griego, yey quitakem jujun che tak ri cojobal que raj griego. Yey ruma in jun chique ri fariseos, lic xinoc il che tak ri takanic que raj judi'ab. 6Ruma c'u xinya nuc'u'x che wa', lic xinwesaj k'ij che usachic quiwach ri quicojom rubi' ri Cristo. Lic xintakej ri takanic que raj judi'ab y chwa c'u ri' wa', na jinta junok catz'akaw nuchi'.
7Echiri' c'amaja' cancoj rubi' ri Cristo, xinch'obo e ronoje tak wa' e re yacbal nuk'ij chwach ri Dios; no'j wo'ora canmaj usuc' na e ta u'anom ri', ma na ruma ta wa' xinweta'maj uwach ri Cristo. 8Y na xew tane la', ma chinuwach ri'in, ronoje ri can'ano o ronoje ri c'o wuc', na jinta c'ana uwach chwa ri reta'maxic uwach ri Cristo Jesús, ri Wajawal, ma Rire na jinta c'ana cajunimax wi. Ruma c'u ri Jesús, xinya can ranima' ronoje; e tak ri c'o wuc' xa e chi pacha' rak'es chinuwach ri'in, ma e lic nuya'om wib che reta'maxic uwach ri Cristo 9y jec'ula' in u'anom xa jun ruc' Rire. Y na e ta c'u can'an jusuc' che wib ruma ri lic nutakem ri takanic re ri Moisés; ma xew ri Dios ca'anaw jusuc' chwe, yey wa' e ruma ri cubulibal nuc'u'x ruc' ri Cristo. 10Ec'u ri lic cuaj ri'in e canweta'maj más uwach ri Cristo. Yey cuaj cac'oji' ruchuk'ab Rire wuc', jela' pacha' ri xuc'utu echiri' xuch'ij uchuk'ab ri camic y xc'astaj lo chiquixo'l ri ecaminak. Yey na jinta c'o cubi'ij nuc'u'x che tob ne cantij c'ax y quincamisaxic jela' pacha' x'an che Rire echiri' xuya rib pa camic. 11Ronoje c'u ri can'ano e ruma lic cacha nuc'u'x che caya'taj chwe ri c'aslemal na jinta utakexic echiri' ri Dios quinuc'astajisaj lo chiquixo'l ri ecaminak.
Kaya'a kib che u'anic janipa ri caraj ri Dios chike
12Na e ta c'u cambi'ij ri' nurikom chi ronoje wa' y na jinta chi c'ana cajawax che ri nubinic nusilabic chwach ri Dios. Na e ta ri'. Ma e pacha' c'a quintajin pan chi be yey e lic cantij uk'ij quinopon che ronoje ri xraj ri Kanimajawal Jesucristo chwe echiri' xinusiq'uij. 13Hermanos, ri'in na cambi'ij taj we nuch'ijom chi u'anic ronoje ri caraj ri Dios chwe. Ec'u ri can'ano e canya ronoje nuchuk'ab cha' e quinel pan ruc' ri c'a c'o chinuwach y na e ta chi canch'ob rakan puwi ri ic'owinak chic. 14Jec'uri'la' lic jusuc' quin'ec c'a pa cu'q'uisa wi ri nube k'atital chinuwach, cha' jela' canc'ul ri chomilaj sipanic, ri ubi'tisim ri Dios chike ri ojusiq'uim cha' coje'c'ola ruc' chila' chicaj ruma oj re ri Jesucristo.
15Konoje c'u ri lic oj tiquil chi utz chupa ri K'ijsak, e lic ube ri' we jela' ri kana'oj. Yey we c'o junok chixo'libal alak junwi ri cuch'obo, e ri Dios cak'alajisan che we utz o na utz ta ri cuch'obo. 16Pero ri lic chirajawaxic chike e caka'an ronoje ri uc'utum chi ri Dios chikawach.
17Hermanos, 'ana che ri binic alak pacha' ri nubinic ri'in. Yey e chetakej alak ri caqui'an jela' pacha' ri kac'utum ri'oj. 18Ma e q'ui ri na caqui'an ta wa'. Uq'uiyal laj in ch'a'tinak chi uc' alak paquiwi rique, y ruc' ok'ej cambi'ij tanchic: Lic k'alaj ruma ri quibinic quisilabic, rique e aj retzelal c'u'x chirij ri Utzilaj Tzij puwi rucamic ri Cristo chwa ri cruz. 19Copon na c'u ri k'ij echiri' casach na quiwach, ma ri quidios rique e tak ri rayibal re ri quiti'jil.#3:19 “Ri rayibal re ri quiti'jil”: Pa ri ch'a'tem griego cubi'ij “ri quidios rique e ri quipa”. Caqui'an ne nim che quib ruma tak ri caqui'ano tob wa' lic q'uixbal uwach, yey lic caquiya quina'oj che tak ri xa re ruwachulew. 20No'j c'u ri katinamit ri'oj e ri c'o chila' chicaj, pa koye'em wi cape ri Kacolobenel, ri Kanimajawal Jesucristo. 21Y echiri' cac'un Rire, cujalc'atij na kawach ri'oj. Jec'uri'la' ri kacuerpo, tob na jinta uk'ij wo'ora, cu'ana jela' pacha' runimal uchomalil rucuerpo Rire echiri' xc'astaj lo chiquixo'l ri ecaminak. Jela' cu'ana Rire ruc' ri chuk'ab ya'tal che cha' cuch'ij uchuk'ab ronoje tak ri c'olic.
Markert nå:
:
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
© 2009, Wycliffe Bible Translators, Inc. All rights reserved.