मत्तय 28
28
ईसुउ जिवीत उठीइलोअ
(मार्क 16:1-10; लुक 24:1-12; योहान 20:1-19)
1आरामोअ दिहोअ फासाड़ी दितवारोअ दिही वेगऱ्यीइजे मग्दालिनी मरिया आन बिहीरी मरिया माहणोअहीं पाली आयी. 2ताहां एक वोडो भुकंप ओवो; काहाके प्रभुउ एक दुत होरगामेहें रोत उतर्यू, आन आहने आवित तिये डोणोहों होरकावी देदू, आन तियापोअ बोहीत गोयू. 3तियाआ रुप विजेए होस आन तियाआ आंगड़े बर्फाआ होस पांढे-पांढेज ओते. 4तियाआ बिके वाअहीं जागल्या थुर थुर थोतरा वोल्या आन मोल्याआ होस ओत गोया.
5देवदुत तियीं बायींहीं कोयो, “मा बिहा, माहूं मुंदू होये, के तुमू ईसुहू जो क्रुस खांबोपोअ सोड़वाअयुतो तियाहा होदतिही. 6तो इंहीं कायनाहां, पोन तो तियाआ वसनोअ अनुसार जिवीत उठ्युहू; आवा, ओ जागू पाला, जिहीं प्रभु लोटीत रोयुतो. 7आन मामार जात कोइत तियाआ सेलाहा कोवा, के तो मोतोमेहें रोत जिवीत उठ्युहू; आन तो तुमारोत पेल गालीलोमेहें जाहे, तिहीं तियाआ दर्शन जोड़े, पाला आंय तुमुहूं कोत देदो.”
8आन ते बिक आन वोडी खुसी वाअहीं माहणोअहीं रोत मामार वोलीत तियाआ सेलाहां खबर कोअलोअ काजे गुगदी वोल्यी.
9उसकाहीज ईसु तियांहां मिल्यू आन कोयो, “सलाम” आन तें तियाआ जागे आवित तियाआ पागे पोड़ीत तियाआ भक्ती कोअयी. 10ताहां ईसु तियांहां कोयो, “मा बिहा; माआं पायहोहों जात कोइत कोवा, के गालीलोमेहें जाये आन तिहीं ते माहूं देखे.”
जागल्याअ खबर
11ते बोईं तियींइं वाटे लागी, ताहां जागल्यामेहें रोत थोड़ाक जोआं होयरोम आवित कोइत पुरी हालत मुख्य पुंजाराहां कोत देदी. 12ताहां मुख्य पुंजारा पुढार्योंअरी एकठा ओत कोइत योजना बोणायी, आन सिपायड़ाहां जाअखीलाहां पोशा आप्या 13आन कोयो, “तुमू एहें कोजा के आमू राती हुवत्ला तेहेलाम तियाआ सेलां आवित कोइत तियाआ तोड़ सोइत लेत जाता रोल्या. 14आन जर ए गोठ राज्यपालोअ कानोपोअ जाआं गोयी, ताहां आमू तियाहा पोटावीत कोहूं के तुमू निर्दुस होये, आन तुमुहूं फिकर कोइलोअ कीज गरज कायनाहां.”
15ताहां जागल्या पोशा लेत कोइत तियां जेहलोहो कोअहूं लागाड़्यो तेहेंज कोइत कोअयो; आन ए गोठ आज बी यहुदी माहें मानतेहे.
ईसु तियाआ सेलाहां दर्शन
(मार्क 16:14-18; लुक 24:36-49; योहान 20:19-23; प्रेशित 1:6-8)
16ईग्यार सेला गालीलोमेहें तिया डोगोपोअ गोया, जिहीं ईसु तियांहां जाय तेहें कोयोतो. 17तियां ईसुहू देख्यू आन तियाआ पागे पोड़्या, पोन थोडहाहा ते सौंसू आयू. 18ईसु तियांआं जागे आवित कोयो, “होरगाआ आन धरतीइ आखु आधिकार माहूं आप्युहू. 19तियाहा काजे तुमू जावा आन आखा देसोअ माअहुंहूं सेला बोणावा; आन तियांहां बाह्हाअ, आन बेटाह्हाआ, आन पवित्र आत्माआं नावसे बाप्तिस्मा आपा, 20आन तियांहां आखी गोठी जे आंय तुमुहूं आदेश आप्युहू, ते मानिइलोअ सिकाड़ा: आन पाला, आंय दुन्या सेलाय ताअहूं जाआं तुमाअरी होंवे.”
Markert nå:
मत्तय 28: NST25
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.
मत्तय 28
28
ईसुउ जिवीत उठीइलोअ
(मार्क 16:1-10; लुक 24:1-12; योहान 20:1-19)
1आरामोअ दिहोअ फासाड़ी दितवारोअ दिही वेगऱ्यीइजे मग्दालिनी मरिया आन बिहीरी मरिया माहणोअहीं पाली आयी. 2ताहां एक वोडो भुकंप ओवो; काहाके प्रभुउ एक दुत होरगामेहें रोत उतर्यू, आन आहने आवित तिये डोणोहों होरकावी देदू, आन तियापोअ बोहीत गोयू. 3तियाआ रुप विजेए होस आन तियाआ आंगड़े बर्फाआ होस पांढे-पांढेज ओते. 4तियाआ बिके वाअहीं जागल्या थुर थुर थोतरा वोल्या आन मोल्याआ होस ओत गोया.
5देवदुत तियीं बायींहीं कोयो, “मा बिहा, माहूं मुंदू होये, के तुमू ईसुहू जो क्रुस खांबोपोअ सोड़वाअयुतो तियाहा होदतिही. 6तो इंहीं कायनाहां, पोन तो तियाआ वसनोअ अनुसार जिवीत उठ्युहू; आवा, ओ जागू पाला, जिहीं प्रभु लोटीत रोयुतो. 7आन मामार जात कोइत तियाआ सेलाहा कोवा, के तो मोतोमेहें रोत जिवीत उठ्युहू; आन तो तुमारोत पेल गालीलोमेहें जाहे, तिहीं तियाआ दर्शन जोड़े, पाला आंय तुमुहूं कोत देदो.”
8आन ते बिक आन वोडी खुसी वाअहीं माहणोअहीं रोत मामार वोलीत तियाआ सेलाहां खबर कोअलोअ काजे गुगदी वोल्यी.
9उसकाहीज ईसु तियांहां मिल्यू आन कोयो, “सलाम” आन तें तियाआ जागे आवित तियाआ पागे पोड़ीत तियाआ भक्ती कोअयी. 10ताहां ईसु तियांहां कोयो, “मा बिहा; माआं पायहोहों जात कोइत कोवा, के गालीलोमेहें जाये आन तिहीं ते माहूं देखे.”
जागल्याअ खबर
11ते बोईं तियींइं वाटे लागी, ताहां जागल्यामेहें रोत थोड़ाक जोआं होयरोम आवित कोइत पुरी हालत मुख्य पुंजाराहां कोत देदी. 12ताहां मुख्य पुंजारा पुढार्योंअरी एकठा ओत कोइत योजना बोणायी, आन सिपायड़ाहां जाअखीलाहां पोशा आप्या 13आन कोयो, “तुमू एहें कोजा के आमू राती हुवत्ला तेहेलाम तियाआ सेलां आवित कोइत तियाआ तोड़ सोइत लेत जाता रोल्या. 14आन जर ए गोठ राज्यपालोअ कानोपोअ जाआं गोयी, ताहां आमू तियाहा पोटावीत कोहूं के तुमू निर्दुस होये, आन तुमुहूं फिकर कोइलोअ कीज गरज कायनाहां.”
15ताहां जागल्या पोशा लेत कोइत तियां जेहलोहो कोअहूं लागाड़्यो तेहेंज कोइत कोअयो; आन ए गोठ आज बी यहुदी माहें मानतेहे.
ईसु तियाआ सेलाहां दर्शन
(मार्क 16:14-18; लुक 24:36-49; योहान 20:19-23; प्रेशित 1:6-8)
16ईग्यार सेला गालीलोमेहें तिया डोगोपोअ गोया, जिहीं ईसु तियांहां जाय तेहें कोयोतो. 17तियां ईसुहू देख्यू आन तियाआ पागे पोड़्या, पोन थोडहाहा ते सौंसू आयू. 18ईसु तियांआं जागे आवित कोयो, “होरगाआ आन धरतीइ आखु आधिकार माहूं आप्युहू. 19तियाहा काजे तुमू जावा आन आखा देसोअ माअहुंहूं सेला बोणावा; आन तियांहां बाह्हाअ, आन बेटाह्हाआ, आन पवित्र आत्माआं नावसे बाप्तिस्मा आपा, 20आन तियांहां आखी गोठी जे आंय तुमुहूं आदेश आप्युहू, ते मानिइलोअ सिकाड़ा: आन पाला, आंय दुन्या सेलाय ताअहूं जाआं तुमाअरी होंवे.”
Markert nå:
:
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.