Забур 128
128
Исраилдиз куьмек паталай гьарай
1Зиярат ийидайла лугьудай мани.
Заз жегьил чӀавалай гзаф гъилера
азабар ганай – лугьурай Исраилди, –
2заз жегьил чӀавалай гзаф гъилера
дарвал акунай,
амма кӀаник акатначир.
3Зи далудал цанар цанай куьтенчийри,
чпин яргъи къарабасар тухуз хьанай.
4 Ребби гьахъ я:
Ада кьатӀна небгетрин зунжурар.
5Регъуь хьурай, элкъуьрай кьулухъ
Сигьан такӀандай вирибур.
6КӀвалин къавал векь хьиз хьуй абур,
эчӀедалди кьурадай.
7Гвен гуьзвайбуру герек тушир векь
гуьдач кӀвалин къавалай,
я адакай цуьлерни кутӀундач.
8А чӀавуз патавай фидайбуру лугьудач:
«Квел Реббидин нуьсрет хьурай.
Реббидин тӀварцӀелай нуьсрет хьурай квез!»
Markert nå:
Забур 128: ЛезПК
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© Институт перевода Библии, 2010-2024