Забур 111

111

Гьахъ-михьи касдиз нуьсрет гун

1Тариф ая Реббидин!

Аллагьдин эмирар кӀанзавайди рикӀивай

бахтавар я, Реббидикай кичӀедай кас,

2 вири чилел къуват жеда адан эвледриз:

гуда нуьсрет дуьзбурун несилриз.

3 Гъалиб жеда адан кӀвале булвал, девлетни,

гьахъ-михьивал адан жеда даиманди.

4 Дуьзбур патал мичӀивиляй экв акъатзава:

еке регьим гва адав, язух чӀугунив,

гьахъ-михьивилив ацӀанва.

5 Жумартдиз бурж вугай, рикӀ чӀехи хьайи инсан,

зегьмет вичин адалатдивди тухудайди бахтавар я.

6 Инсанди ян гудач гьич са чӀавузни.

Кам къачудайда гьахъ-михьи

рекьерай садрани алуддач рикӀелай.

7 Къайи хабаррикай кичӀе жедач адаз:

КӀеви я адан рикӀ, умуд кутаз Реббидик.

8 Мягькем я адан рикӀ, жеч адаз кичӀе,

няс душманар вичин ярх жедайвал аквада адаз.

9 Пайна муьгьтеж тирбуруз ада вичин эменни,

разивилелди адан къуватдин тарифда баркалла алаз,

садрани квахьдач адан гьахъ-михьивал.

10 Терсдаказ сухвар регъведа,

усал небгетди, ибур вири акваз.

Фидач кьилиз небгетрин мурадар,

хъел къведа адаз ва зайиф хьана квахда.

Markert nå:

Забур 111: ЛезПК

Marker

Del

Kopier

Vil du ha høydepunktene lagret på alle enhetene dine? Registrer deg eller logg på

Lær mer om Пак Калам