Kata Lom 10
10
1Kutuyom, wahawu wan ifañumuu li buyinumom feh ban li il̥aw wo Ateemit boot li kusuwifaku, wo wommuu min kufak. 2Li mal̥egenamu, liyilo een kusuwifaku kuhankenhanken min kulok boot li Ateemit, bale kuhaasut li mal̥egen buu kommuu li kulok eeno boot li akila. 3Li mal̥egenamu, Kusuwifaku kuhaasut buu Ateemit akaanemuu min bukanabuku kulako bukan kacole hákilool, min buko humumiil kuŋes min kulako bukan kacole. Wahawu unwu újimuu kukaanut wahawu wan Ateemit afañumuu min bukanabuku kukaan min kulako bukan kacole hákilool. 4Li mal̥egenamu, Kilisita lakankaan wahawu feh boot to wan eluwaayi yata Móyiis elobumuu, mantee bukanabuku feh kammuu li kúyinen li akila, li kulako bukan kacole hákil Ateemit.
Anoowan feh ammuu li áyinen li Amaaŋenawu fan afak
5Kulimaku unke Móyiis akiicumuu min alob buu an ammuu ayili ájowum li eluwaayi min alako an acole: «An akaanumuu loon eluwaayi elobumuu fan áloŋum li yo#Lebetik 18:5; Kata Galasi 3:12.» 6Bale kulimaku unke kulobimuu kuya mata macolamu mabilummuu li káyinenaku: «Jakum oon li buyinumi: Ayi áami li abil aŋito li emitayi?» (An alob momuu, yo yommuu lafañe min áwalenumul ló Kilisita.) 7Jakum foof oon: «Ayi áami li abil awalo li buwokaayabu dán kaketumuu kommuu?» (An alob momuu, yo yommuu kaŋitenumul Kilisita dán kaketumuu kommuu.) 8Kama Bakiicelabu buu bulobe? Bonsoon: «Hulimahu hata Ateemit hunhu téetiyi, hunhu li butumabu booli, hunhu foof li buyinumabu buya#Dótelonom 9:4; 30:12-14.» Hulimahu unhu ho hommuu hata káyinenaku kan uwaaleyaalemuu. 9Ulobumuu li butumi hákil ésukayi kaanaku Yéesu ammuu Amaaŋenawu, ban li úyinen li buyinumi feh kaanaku Ateemit layitenumulooyitenul li eketayi, fan ufak. 10Li mal̥egenamu, an áyinenumuu li buyinumool feh, Ateemit fan akaanool alako an acole hákilool, an li álobul li butumool hákil ésukayi feh aan láyinenyinen li Yéesu, Ateemit fan afakenool. 11Li mal̥egenamu, Bakiicelabu bonsoon: «Anoowan ammuu li áyinen li akila, let abil ajok li ehaaseen#Esay 28:16; Kata Lom 9:33.» 12Mó mújimuu asuwif ábutoolut li an alet asuwif. Buko foofiil kúl̥uba Amaaŋenawu anolawu kubaje, asenemuu wah wajake bukanabuku feh kákangummuu li akila. 13Li mal̥egenamu, Bakiicelabu bonsoon: «Anoowan ammuu li ákangum li kajawaku kata Amaaŋenawu, fan afak#Soweel 3:5.»
14Buu kama bukanabuku umbuku koote kuyili kúkangum li kajawaku koola buko báyinenut li akila? Ban buu koote kuyili kúyinen li akila buko bajamut an li alob moola? Buu foof koote kuyili kujam an li alob moola an bawaalewut moola? 15Buu koote kuyili kuwaale moola, bukan baboñuti boot kawaale moola? Loon Bakiicelabu bulobumuu: «Mo kite súum nan bukanabuku kawaaleyemuu Hulimahu Hásuumaahu kúliiŋulemuu!#Esay 52:7» 16Bale bukanabuku feh kútuulut Hulimahu Hásuumaahu. Li mal̥egenamu, Esay lansaan: «Amaaŋen, ayimaa áyinene hulimahu han áloli jiwaaleyemuu?#Esay 53:1; Saŋ 12:38»
17Mo emmuu, káyinenaku kubilumbilum li kajanten hulimahu hawaaleyimuu, hulimahu unhu hawaaleyimuu ho hommuu Hulimahu hata Kilisita.
18Kama boot min igel̥l̥en een: Kama kusuwifaku kujamut hulimahu unhu? Kujanjam ho feh! Bakiicelabu bonsoon:
«Hulimahu hooliil hujamijam li etaamayi feh,
balobelabu booliil li bujow
boot yok tan etaamayi ekibumuu#Ukijenawu 19:5.»
19Li ilaañen igel̥l̥en een: Kama kata Isilayeel kúnaanumut? Kulimaku unke Ateemit ajandumuu álobum li Móyiis aseniil:
«Injé fan ikaanuul jitahaay li bukan
kalakoweenut no bukan kúmbaam.
Fan ikaanuul jiwuñet
ehet yata bukan kábaamowe#Dótelonom 32:21.»
20Esay akila li akaañen aan:
«Likaakat bukanabuku kalakowutommuu huŋes
min kujukom.
Li ílaŋul hákil bukan kaŋesut
min kuhaas múmbaam#Esay 65:1.»
21Ateemit li alob aya li Isilayeel aan:
«Etihunakaayi feh fan ilaaw kuŋenom ijooŋoo
li bukan kátuulutom,
bukan kabetom búsol,
manteyeen li jijamoo.»
Markert nå:
Kata Lom 10: cskDBL
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
© 2008, Wycliffe Bible Translators, Inc. All rights reserved.
Kata Lom 10
10
1Kutuyom, wahawu wan ifañumuu li buyinumom feh ban li il̥aw wo Ateemit boot li kusuwifaku, wo wommuu min kufak. 2Li mal̥egenamu, liyilo een kusuwifaku kuhankenhanken min kulok boot li Ateemit, bale kuhaasut li mal̥egen buu kommuu li kulok eeno boot li akila. 3Li mal̥egenamu, Kusuwifaku kuhaasut buu Ateemit akaanemuu min bukanabuku kulako bukan kacole hákilool, min buko humumiil kuŋes min kulako bukan kacole. Wahawu unwu újimuu kukaanut wahawu wan Ateemit afañumuu min bukanabuku kukaan min kulako bukan kacole hákilool. 4Li mal̥egenamu, Kilisita lakankaan wahawu feh boot to wan eluwaayi yata Móyiis elobumuu, mantee bukanabuku feh kammuu li kúyinen li akila, li kulako bukan kacole hákil Ateemit.
Anoowan feh ammuu li áyinen li Amaaŋenawu fan afak
5Kulimaku unke Móyiis akiicumuu min alob buu an ammuu ayili ájowum li eluwaayi min alako an acole: «An akaanumuu loon eluwaayi elobumuu fan áloŋum li yo#Lebetik 18:5; Kata Galasi 3:12.» 6Bale kulimaku unke kulobimuu kuya mata macolamu mabilummuu li káyinenaku: «Jakum oon li buyinumi: Ayi áami li abil aŋito li emitayi?» (An alob momuu, yo yommuu lafañe min áwalenumul ló Kilisita.) 7Jakum foof oon: «Ayi áami li abil awalo li buwokaayabu dán kaketumuu kommuu?» (An alob momuu, yo yommuu kaŋitenumul Kilisita dán kaketumuu kommuu.) 8Kama Bakiicelabu buu bulobe? Bonsoon: «Hulimahu hata Ateemit hunhu téetiyi, hunhu li butumabu booli, hunhu foof li buyinumabu buya#Dótelonom 9:4; 30:12-14.» Hulimahu unhu ho hommuu hata káyinenaku kan uwaaleyaalemuu. 9Ulobumuu li butumi hákil ésukayi kaanaku Yéesu ammuu Amaaŋenawu, ban li úyinen li buyinumi feh kaanaku Ateemit layitenumulooyitenul li eketayi, fan ufak. 10Li mal̥egenamu, an áyinenumuu li buyinumool feh, Ateemit fan akaanool alako an acole hákilool, an li álobul li butumool hákil ésukayi feh aan láyinenyinen li Yéesu, Ateemit fan afakenool. 11Li mal̥egenamu, Bakiicelabu bonsoon: «Anoowan ammuu li áyinen li akila, let abil ajok li ehaaseen#Esay 28:16; Kata Lom 9:33.» 12Mó mújimuu asuwif ábutoolut li an alet asuwif. Buko foofiil kúl̥uba Amaaŋenawu anolawu kubaje, asenemuu wah wajake bukanabuku feh kákangummuu li akila. 13Li mal̥egenamu, Bakiicelabu bonsoon: «Anoowan ammuu li ákangum li kajawaku kata Amaaŋenawu, fan afak#Soweel 3:5.»
14Buu kama bukanabuku umbuku koote kuyili kúkangum li kajawaku koola buko báyinenut li akila? Ban buu koote kuyili kúyinen li akila buko bajamut an li alob moola? Buu foof koote kuyili kujam an li alob moola an bawaalewut moola? 15Buu koote kuyili kuwaale moola, bukan baboñuti boot kawaale moola? Loon Bakiicelabu bulobumuu: «Mo kite súum nan bukanabuku kawaaleyemuu Hulimahu Hásuumaahu kúliiŋulemuu!#Esay 52:7» 16Bale bukanabuku feh kútuulut Hulimahu Hásuumaahu. Li mal̥egenamu, Esay lansaan: «Amaaŋen, ayimaa áyinene hulimahu han áloli jiwaaleyemuu?#Esay 53:1; Saŋ 12:38»
17Mo emmuu, káyinenaku kubilumbilum li kajanten hulimahu hawaaleyimuu, hulimahu unhu hawaaleyimuu ho hommuu Hulimahu hata Kilisita.
18Kama boot min igel̥l̥en een: Kama kusuwifaku kujamut hulimahu unhu? Kujanjam ho feh! Bakiicelabu bonsoon:
«Hulimahu hooliil hujamijam li etaamayi feh,
balobelabu booliil li bujow
boot yok tan etaamayi ekibumuu#Ukijenawu 19:5.»
19Li ilaañen igel̥l̥en een: Kama kata Isilayeel kúnaanumut? Kulimaku unke Ateemit ajandumuu álobum li Móyiis aseniil:
«Injé fan ikaanuul jitahaay li bukan
kalakoweenut no bukan kúmbaam.
Fan ikaanuul jiwuñet
ehet yata bukan kábaamowe#Dótelonom 32:21.»
20Esay akila li akaañen aan:
«Likaakat bukanabuku kalakowutommuu huŋes
min kujukom.
Li ílaŋul hákil bukan kaŋesut
min kuhaas múmbaam#Esay 65:1.»
21Ateemit li alob aya li Isilayeel aan:
«Etihunakaayi feh fan ilaaw kuŋenom ijooŋoo
li bukan kátuulutom,
bukan kabetom búsol,
manteyeen li jijamoo.»
Markert nå:
:
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
© 2008, Wycliffe Bible Translators, Inc. All rights reserved.