Johannes' openberring 20
20
Dei tusen åra
1 # 9,1 Og eg såg ein engel stiga ned frå himmelen. I handa hadde han nøkkelen til avgrunnen og ei stor lenkje. 2#12,9+ Han greip draken, den gamle slangen, som er djevelen og Satan, og batt han for tusen år. 3Engelen kasta han i avgrunnen, låste att og sette segl over, så han ikkje lenger skulle forføra folka, ikkje før dei tusen åra var omme. Etter det skal han sleppast laus ei kort tid.
4 # 3,21; 13,16+ Og eg såg troner, og nokre sette seg på dei, og dei fekk makt til å halda dom. Og eg såg sjelene til dei som hadde vorte halshogne på grunn av Jesu vitnemål og Guds ord, dei som ikkje hadde tilbede dyret eller biletet av dyret, og ikkje teke mot merket på panna eller handa. Dei vart levande att og herska som kongar saman med Kristus i tusen år. 5Men dei andre døde vart ikkje levande før dei tusen åra var gått. Dette er den første oppstoda. 6#1,6; 5,10 Sæl og heilag er den som får ta del i den første oppstoda. Over dei har den andre døden inga makt. Dei skal vera Guds og Kristi prestar og herska som kongar med han i tusen år.
7Og når dei tusen åra er til ende, skal Satan sleppast laus frå fengselet sitt. 8#20,8 Gog og Magog Jf. Esek 38–39; Op 16,14; 19,19. Han skal dra ut og forføra folka ved dei fire verdshjørna, Gog og Magog, og samla dei til strid; og dei er talrike som havsens sand. 9#2 Kong 1,10ff; Esek 39,6 Dei drog opp til høgsletta på jorda og kringsette leiren til dei heilage og den byen som var elska. Men det fór eld ned frå himmelen og gjorde ende på dei. 10#Matt 25,41+; Op 13,11; 14,10+; 16,13 Og djevelen, som hadde forført dei, vart kasta i sjøen med eld og svovel, der dyret og den falske profeten er. Der skal dei pinast dag og natt i all æve.
Dommen
11 # Matt 25,31ff; 2 Pet 3,7.10.12 Og eg såg ei stor, kvit trone og han som sat på trona. Jorda og himmelen flykta bort frå hans andlet, og dei fanst ikkje meir. 12#Dan 7,10; 12,1f; Joh 5,28f; Op 3,5+ Og eg såg dei døde, store og små: Dei stod framfor trona, og bøker vart opna. Og ei anna bok vart opna, livsens bok. Og dei døde vart dømde etter det som stod skrive i bøkene, etter gjerningane sine. 13Havet gav frå seg dei døde som var der, og døden og dødsriket gav frå seg dei døde som var der, og dei vart dømde, kvar etter sine gjerningar. 14#1 Kor 15,26.54f; Op 2,11+ Så vart døden og dødsriket kasta i eldsjøen. Og eldsjøen, det er den andre døden. 15Og dersom nokon ikkje stod oppskriven i livsens bok, vart han kasta i eldsjøen.
Markert nå:
Johannes' openberring 20: N11NN
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2011 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 2011 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).