Johannes' openberring 17
17
Dommen over Babylon
(17,1–19,10)
Den store hora
1 # Jer 51,13; Op 15,1 # 17,1 den store hora eit bilete på Roma. Jf. 14,8; 18,2. Ein av dei sju englane som hadde dei sju skålene, kom bort til meg og sa: «Kom, eg vil syna deg korleis den store hora får sin dom, ho som sit ved veldige vatn. 2#Jer 51,7; Op 14,8 Kongane på jorda har drive hor med henne, og dei som bur på jorda, har vorte rusa av vinen frå horeriet hennar.»
3 # 11,7; 13,1f I Anden førte han meg ut i øydemarka, og eg såg ei kvinne som sat på eit dyr, raudt som skarlak. Dyret var fullsett med namn som var ein spott mot Gud. Det hadde sju hovud og ti horn. 4#18,16 Kvinna var kledd i purpur og skarlak og glitra av gull og edelsteinar og perler. I handa hadde ho eit gullbeger fullt med motbydelege ting og all ureinskapen frå horeriet sitt. 5På panna hennar stod det skrive eit namn med løynd meining: «Babylon den store, mor til horene og til alt som er motbydeleg på jorda.» 6#18,24 Og eg såg at kvinna var rusa av blodet frå alle dei heilage og frå Jesu vitne.
Full av undring såg eg henne. 7Men engelen sa til meg: «Kvifor undrar du deg? Eg skal fortelja deg løyndomen med kvinna og med dyret som ber henne og har sju hovud og ti horn. 8#3,5+; 13,1+ Dyret du såg, det var, men er ikkje, og det skal koma opp frå avgrunnen og gå sin undergang i møte. Og dei som bur på jorda, og som ikkje har fått namnet sitt skrive i livsens bok frå verda vart grunnlagd, dei skal undra seg når dei ser dyret som var, men ikkje er, og endå skal koma. 9#13,18#17,9 sju fjell Byen Roma låg på sju høgder. Her trengst det vit og visdom.
Dei sju hovuda er sju fjell, og på dei sit kvinna. Dei er òg sju kongar: 10Fem av dei er falne, éin er no, og éin er enno ikkje komen, og når han kjem, skal han bli verande berre ei lita stund. 11#19,20 Dyret som var, men ikkje er, det er sjølv den åttande, men like fullt ein av dei sju og går sin undergang i møte. 12#Dan 7,24 Dei ti horna du såg, er ti kongar som enno ikkje har fått kongerike, men saman med dyret skal dei få kongsmakt i éin time. 13Alle vil dei eitt og det same og gjev si makt og sin råderett til dyret. 14#5 Mos 10,17; 1 Tim 6,15; Op 19,16 Dei skal føra krig mot Lammet. Men Lammet er herren over herrane og kongen over kongane og skal sigra over dei saman med sine, dei som er kalla og utvalde og trufaste.»
15 # Jes 8,7; Op 17,1 Så seier han til meg: «Dei vatna du såg der hora sit, er folk og folkemengder, folkeslag og menneske med ulikt tungemål. 16#17,12 Og dei ti horna du såg, og dyret med, skal hata hora, leggja henne øyde og kle henne naken, eta kjøtet hennar og brenna henne opp med eld. 17For Gud gav dei i hjartet å fullføra hans plan og ha éin og same vilje: å gje si kongsmakt til dyret, heilt til Guds ord er oppfylt. 18Og kvinna du såg, er den store byen som har kongsmakt over kongane på jorda.»
Markert nå:
Johannes' openberring 17: N11NN
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2011 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 2011 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).