Johannes' openberring 15
15
Dei sju skålene
(Kap. 15–16)
Songen for Lammet
1Og eg såg eit anna teikn i himmelen, stort og underfullt: sju englar med dei sju siste plagene, for med dei er Guds vreide fullført. 2#4,6; 13,11.14ff Og eg såg noko som likna eit hav av glas blanda med eld. På glashavet stod dei som hadde sigra over dyret og biletet av det og talet som står for namnet åt dyret. Dei har Guds harper i hendene 3#2 Mos 15; 5 Mos 32,4; Sal 111,2; 145,17 og syng den lovsongen som Guds tenar Moses song, den som òg er songen for Lammet:
Store og underfulle er dine gjerningar,
Herre Gud, du Allmektige.
Rettferdige og sanne er dine vegar,
du konge over folkeslaga.
4 # Sal 86,9; Jer 10,6f Kven skulle ikkje frykta deg, Herre,
og æra ditt namn?
For einast du er heilag.
Alle folkeslag skal koma
og tilbe for ditt andlet,
fordi dine rettferdige dommar har vorte openberra.
Dei sju siste plagene
5 # 11,19 Etter dette såg eg at tempelet i himmelen, som er vitnemålsteltet, vart opna. 6#1,13; 15,1; 19,8 Og ut frå tempelet kom dei sju englane som hadde med seg dei sju plagene. Dei var kledde i reint og skinande lin og hadde gullbelte om bringa. 7#4,6ff; 14,10; 16,19 Og ein av dei fire skapningane gav dei sju englane sju gullskåler fylte med den levande Guds vreide, han som lever i all æve. 8#2 Mos 40,34ff; 1 Kong 8,10; Jes 6,4 Då vart tempelet fylt med røyk frå Guds herlegdom og makt, og ingen kunne gå inn i tempelet før dei sju plagene frå dei sju englane var fullførte.
Markert nå:
Johannes' openberring 15: N11NN
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2011 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 2011 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).