Salmane 95
N11NN

Salmane 95

95
1Kom, lat oss jubla for Herren,
hylla vårt berg som frelser oss!
2Lat oss gå fram for han med lovsong,
hylla han med song og spel!
3 # 47,3+ For Herren er ein stor Gud,
ein stor konge over alle gudar.
4 # 24,1+ Han har jord-djupnene i si hand
og fjelltoppane i eige.
5Havet er hans, han har skapt det,
hendene har forma det faste landet.
6Kom, lat oss knela og kasta oss ned,
bøya kne for Herren, vår skapar!
7 # 2 Mos 17,1ff; 23,21; Sal 100,3; Hebr 3,7ff For han er vår Gud,
vi er folket han gjeter,
flokken i hans hand.
Ville de berre høyra hans røyst i dag!
8 # 2 Mos 17,1ff; Hebr 3,7ff Gjer ikkje hjartet hardt som ved Meriba,
som den dagen ved Massa i ørkenen,
9då fedrane dykkar utfordra meg
og sette meg på prøve,
endå dei såg kva eg gjorde!
10I førti år hadde eg avsky for denne slekta.
Eg sa: Dei er eit folk som fer vill i sitt hjarte,
dei kjenner ikkje mine vegar.
11 # 4 Mos 14,21ff; Hebr 3,18; 4,5 Så svor eg i min vreide:
Aldri skal dei koma inn til mi kvile!

© 2011 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).

© 2011 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).

Lær mer om Bibelen 2011 nynorsk