Salmane 32
N11NN
32
1 # Rom 4,7f Av David. Ein læresalme.
Sæl er den som får sine brot tilgjevne
og sine synder tildekte!
2Sælt er det mennesket
som Herren ikkje tilreknar skuld,
som i si ånd er utan svik.
3Så lenge eg tagde, tærtest beina i kroppen bort
medan eg stønna heile dagen.
4For dag og natt
låg di hand tungt på meg.
Mi livssaft svann
som i heten om sommaren. Sela
5 # 2 Sam 12,13; 24,10; Ordt 28,13; 1 Joh 1,9 Då sanna eg mi synd for deg,
og mi skuld dekte eg ikkje over.
Eg sa: «Eg vil sanna
mine brot for Herren
Og du tok bort mi syndeskuld. Sela
6Difor skal alle trugne
be til deg i tider med trengsle.
Om det kjem ein veldig flaum,
skal vatnet ikkje nå dei.
7Du skjermar meg,
du vernar meg mot naud,
med frelsejubel omgjev du meg. Sela
8 # 25,12; Jes 48,17 Eg vil gjera deg vis og læra deg
den vegen du skal gå,
eg vil la mitt auge kvila på deg
og gje deg råd.
9 # 2 Kong 19,28; Ordt 26,3 Ver ikkje lik hest og muldyr, utan vit!
Deira prydnad er taum og beksel til å tvinga dei med,
elles kjem dei ikkje til deg.
10 # 34,22; Ordt 12,21 Den urettferdige har mange plager,
men den som set si lit til Herren,
kransar han med miskunn.
11 # 30,5+; Jes 61,10; Hab 3,18; Fil 4,4 Gled dykk i Herren og jubla, de rettferdige!
Bryt ut i fagnadrop, alle de ærlege av hjartet!

© 2011 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).

© 2011 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).

Lær mer om Bibelen 2011 nynorsk