Salmane 137
137
1 # 137,1 elvane i Babel sideelvar og kanalar til Eufrat, t.d. Kebar-elva. Jf. Esek 1,1. vi diktaren og landsmennene hans, som var bortførte. Ved elvane i Babel sat vi og gret
når vi tenkte på Sion.
2Vi hengde lyrene
opp i piletrea.
3Dei som tok oss til fange, bad oss om song,
dei som bortførte oss, bad om glede:
«Syng ein av Sions songar for oss!»
4Korleis kan vi syngja Herrens songar
på framand jord?
5 # Jer 51,50 Gløymer eg deg, Jerusalem,
så lat mi høgre hand bli gløymd!
6Lat tunga klistra seg til ganen
om eg ikkje tenkjer på deg,
om eg ikkje set Jerusalem
høgare enn mi største glede!
7 # Klag 4,21f # 137,7 Edoms søner edomittane, som gledde seg då Nebukadnesar knuste Juda-riket i 587 f.Kr., og som prøvde å utnytta ulukka deira. Jf. Esek 35,1ff; Ob 1–15. Herre, hugs Jerusalems dag
då Edoms søner sa:
«Riv ned! Riv ned til grunnen!»
8 # Jes 13,19ff; Jer 50,29ff Du dotter Babel som er herja,
sæl er den som gjev deg att
for det du gjorde mot oss.
9 # Jes 13,16 Sæl er den som grip dine born
og knuser dei mot berget!
Markert nå:
Salmane 137: N11NN
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2011 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 2011 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).