Populære bibelvers fra Matayo ma Peba 21

Del

Ɨ ra wɨn gar ke utkunda oramisya Godɨm pɨlwa dɨde nanggamog mana ra wɨn b'ɨgekena oramitenya yɨr opmita ke, sɨ wɨn opima takasindam.”

Ɨ Yesu ket ten esmonggainonj da, “Kon ɨmɨnjog wen tamninyɨn da rada wa opima gar ke utkunda dɨde maka ra nony nɨmognɨmog taenindam, sɨ wɨn ma odede mɨle nena im tamnɨkindam rɨnte re onggɨt pig wul nanggɨm pɨlɨnd awɨk, ajɨ daka kwa wɨn rɨrɨr im tendenindam onggɨt dorɨm pɨlwa da ‘Man b'uromate dɨde molenggyam b'ɨskante de sɨpa wa,’ sɨ ɨta tawɨk.

Ɨ rɨga bobo yepiya re Ti wɨp nata dɨde Ti kak nata wuwonj, ton b'okta ara kɨma ger ɨtanga yiyo da, “Osanna, Yonggyam Dawidɨmna B'ɨgam pɨlwa! Ɨta God ma b'ogɨl Man kɨma yete re Yonggyamɨm nyɨ kɨma ik! Osanna pumbjog Godɨm pɨlwa!”

Ɨ ket Yesu ten amninonj da, “Yɨna peband ɨja emb jɨ yɨnamet gatab ɨrɨki yɨbɨm da, ‘Rɨgap b'ogla Koina met yagenae yɨr opmitenapu met ke'. Ajɨ wɨnpim ɨtemb yɨnamet wɨp yomnɨkya da raskol waina wɨmenapu pɨpmet e.”

“Wɨn Siyonɨnd, ɨt re Yerusalem taun, wumɨr womna, Yɨr de, moina King ɨte ik mor pɨlwa, Ton Tilenggyam gou wa ainy, sɨ Ton angis re yɨpa dongki kumb nate, ajɨ ama de gasa iyenapu b'anggamna b'ɨga, ɨtemb re b'ɨgayam dongki kumb nate.”

Ɨ ket Yesu ten amninonj da, “Ma wɨn maka odede yɨtkak agenkɨtondam yɨna peband, ɨte re da, ‘Yɨpa Motɨr, met oranga rɨgap b'ɨsayo met orangam, ajɨ God ket yɨmta ke met wugɨnd yoramitonj onggɨt met emorkam. Sɨ Ton ket ɨmɨnjog ɨsnawa kɨma Motɨr na awonj onggɨt met oranga wɨngɨrɨnd. Ɨ ɨtemb re Yonggyam Godɨm pɨlkaemb jɨ aukonj, sɨ kwa ɨtemb re otomantijog na aukonj mera yɨrɨnd'?

Sɨ onggɨt paemb Kon wen tamninyɨn da God ɨta wa pɨlke Tina pumb tungg ewaikis dem, dɨde ket Ton ɨta ɨtemb Tina pumb tungg takainy dem yɨpa b'enga bobo rɨga wa yepiya ra onggɨt Tina pumb tungg rɨrɨrɨnd gar ke utkunda mɨle omnɨka teyenanj.