Populære bibelvers fra GWAY GI IDAWUU’D 37

Del

Budhi mo jin ’kunyu bwa e Tap̱a mo, dhali a’di midi c̱i /e to kun gwon ma dum pini mo.

C̱uthi bway pini ’kup̱ ki Tap̱a mo. Dhali gami gwo is e a’di mo, dhali a’di midi ḵal mii mo be.

Doshi naskina/ e bwambor gi Tap̱a mo dhali c̱oriya c̱or ki bwa jin ’kuc̱u/ ki ’kari’th gom a’di mo. Dhalku/ is ki anan ap̱o/ a’di jin gam mii adu is e bway piti mo, ap̱o/ wathi/ jin ḵali tonthus ka pije/ ki mii jin p̱ishina a’di ki ’pen mo.

Gami gwo is e Tap̱a mo, dhali miiyi ki ’bore/ mo. Wakan ki /e mini c̱a’b eya ’cesh mo, dhali ’kuny bwa mo gom mo jin mina /e c̱a’b ki ’dantar mo.

Ŋaṯgin jin tana wathi/ mo tani a’di ’peni Tap̱a mo, dhali a’di ṯelki a’di sho’k mo e bway jin mina bwa ’kuny a’di mo. Ba ki a’di midi biṯ mo tani a’di minu ’koki biṯa sho ’kup̱ ka luŋgu’b mo, haali/ Tap̱a a’di ta mondim gom me’d piti mo.

Dhali a’di midi ḵal mom pini jin minu ye /e mo e moŋkush mo dhali tom ’boro’d pini mina e waki montee mo.

Daḵi ’pena nyor mo dhali dhalka nyor jin shwanu ’pen mo. Dhalku/ is pini ki anan mo, a’di jin ḵuthi is jasi gom tonthus mo.

Aha/ tana dhuru’c ’thissa/ mo dhali shwane/ aha/ tana dhan mo. Hili naskina/ aha/ dinaki p̱ar a’diŋ ḵar/e e dhalkunu ’pen mo walla uc̱im piti mmo’tho tonṯe/ mo.

Dhalku/ is pini ki anan mo goma manṯẖu’th to mii mo, dhalku/ dhap̱an ki mii ta gom imanṯẖu’th to mii mo.