Populære bibelvers fra Matei 2

Del

Hawapfikile, wengila mng'anda, wamwona imwana hamwe na Maria mai wake, nawo wamwinamila, wamuabudu. Kuya wafungula imikoba ya tsihatsina tsawo, wamwing'a nzawadi; nzahabu, upfumba na dawa inoghile iikemighwa manemane.

Yesu hayoneke kuna ghumji ghwa Betilehemu mna isi ya Yuda, ghamatsuwa aghala Herodi hayakalile imfalume, wanu iwomanya igholawila kwa kulola tsinondo iwalawile ubali wa mashariki watsa Yerusalemu, waghutsa, “Yalikwani ayula iyelekighwe yawe mfalume wa Wayahudi? Mana tuyona inondo yake ubali wa mashariki, natwe tutsa tumwinamile.”

Nawo hawayonile inondo aila, wadeng'elela ghendo.

Kuya woka kuya kuisi yawo kwa nzila ingi, kwaapfila Imlungu kawakanya mndoto waleke kumuyila Herodi. Na iwanu awo hawokile, lola, malaika wa Imtwatsa kamlawila Yosefu mndoto kamlongela, “Winuke, umsole imwana na mai wake, mtsumile Misiri. Mkale ako mbaka hanitsokulongela, kwaapfila Herodi kobama yambame imwana yamkome.”