Populære bibelvers fra Bǐbɛ́mɛ 26

Del

Nɔ to élɔ́ mɛ fí; un ná nɔ kpɔ́ xá we, bó ná xo ɖɛ dó jǐ towe, ɖó hwi kpó kúnkan towe lɛ́ɛ kpó wɛ un ná ayǐkúngban élɔ́ bǐ, bɔ akpá e un dó nú tɔ́ towe Ablaxámu, bó xwlé nyɛ ɖésú d'é jí ɔ́, un ná ɖe.

Un ná bló bɔ kúnkan towe ná sukpɔ́ sunví e ɖo jǐnukúnsin lɛ́ɛ ɖɔhun. Un ná ná ayǐkúngban élɔ́ bǐ kúnkan towe lɛ́ɛ, bó ná xo ɖɛ dó akɔta e ɖo ayǐkúngban jí lɛ́ɛ bǐ jí gbɔn yě jí. Đó Ablaxámu se tónú nú mì; é xwedó nǔ e un ɖɔ lɛ́ɛ; é bló nǔ e un zɔ́n lɛ́ɛ; é xwedó tito ce lɛ́ɛ; é nyi sɛ́n ce lɛ́ɛ.”

Énɛ́ ɔ́ wú wɛ é gosín fínɛ́, bó lɛ́ kun tɔ ɖěvo. È sɔ́ dɔn nǔ xá ɛ ɖo tɔ énɛ́ ɔ́ kɔn ǎ, bɔ é ɖó nyǐkɔ nú tɔ ɔ́ ɖɔ “Hlexɔvɔ́ti”; tínmɛ tɔn wɛ nyí “Tɛnmɛ”; ɖó é ɖɔ: “Mawu Mavɔmavɔ ná tɛnmɛ mǐ ɖo fí lo, bɔ nǔ e wa wɛ mǐ ɖe lɛ́ɛ ná yi nukɔn ɖo to ɔ́ mɛ.”

Mawu Mavɔmavɔ tɔ́n dó jǐ tɔn, bó ɖɔ n'i ɖɔ: “Ma yi Ejípu ó; to e xó un ná ɖɔ nú we ɔ́ mɛ wɛ a nǎ nɔ.

Ée Mawu Mavɔmavɔ ɖɔ mɔ̌ ɔ́, é mɛ vɔ̌sákpe ɖokpó nyi fínɛ́, bó xomlá Mawu Mavɔmavɔ, bó dó goxɔ tɔn ɖó fínɛ́; bɔ mɛsɛntɔ́ tɔn lɛ́ɛ jɛ dotɔ ɖokpó kun jí ɖó fínɛ́.