Populære bibelvers fra Coriinto Nenacaauru Rai Coroataja 9

Del

Itolere quete inara coroatajanereein Cana Coaunera, itolere bana latequichene rijijieein inaraacha latei siriin neeiche cauteeinne, nii caute que leeochaauru coroatajaniha acaauru rai teein, naaonjoaain caohacha ichajeein ichaohichene coina.

Aihana jaun le cachaaurute naine suujua cuhane coacuhin tenaa jerihane jeeonijianaain tihane caohachae. Nainihei chunocoha tenaa jerenihane, tihane coina conujiha chunine.

“Chunocoha coroatajajeein temule jaerate, coroatajajeein taicheein. Jana arajiin temuerate arajiin taicheein”, naain niha erenaane que coaaucuche.

Cana Coaunera temule jaera coina rai nucuhe teraneein lenonene maajeein teranihane jaun, nii rijijieein Aca inara rai arajiin nucuhe tereein arajiin temuhin arajiin taojiaain neeichene, latijiojoiriin nenacaauru coroatajaniha teeichene coina. Nii ainate itolere siriin, cha latelanaala raotojoeein neein, jelai amuritoheriin leeochaauru rai tenaa naineriquicheein. Nii canacaanu aina, inaraacha letoaaenu inaraacha taojiai corenihate, Cana Coaunera coroaecurureein leeochaauru cana nejeraauru.

Narihara Cana Coaunera, nitohanei ichana nainichaachene jaanu tihane coreniha. Nihei que tonaain erenaanajaanu.