Populære bibelvers fra Matéu 27

Del

Warahy ywa ku'a ihon rahã, hãtã Jesu pandu: —Eroi! Eroi! Rema samatani? — aja. Ame'ẽ jundéu awa je'ẽha kuja riki: —Tupã! Tupã! Ma'erehe ihẽ ke nde erehijar my? — aja.

Tupã rehe ngã jumu'eha renda keruhũ pe kyndaha ihĩ. Pan janam te hũ ke. Ame'ẽ hukwen pehĩ. Ame'ẽ riki ywate ngi owok riki. Iwyr rehe owokiha upa uhyk oho. (Aja rahã, Tupã koty ohoha apo katu aja mujekwa.) Ywy ke katak hũ tĩ. Ita keruhũ owok hũ tĩ. Kangwerupa opok tĩ. Yman manõ, ame'ẽ ta ngi har amõ amõ Tupã kotyhar ta ke Tupã mukwera katu muhem.

Pe, Jesu ahem hũ. Pe, manõ.

Jesu manõ ame'ẽ ke rehe sonda tama'e kapitã usak u'am. Sonda ta aja tĩ. Usak u'am tĩ. Pe, ywy katakiha ke rehe a'eta usak. Warahy uwe ame'ẽ ke rehe usak tĩ. Arahã a'eta pandu: —Jetehar te ke. Tupã ra'yr te riki peme'ẽ sawa'e — aja.

Warahy jandar rahã, ame'ẽ ywy pe pytun oho. Warahy uwe riki. Aja te'e warahy ywa ku'ap oho.

Pirat pandu: —Ko Jesu Kirisutu. Myja ihẽ ama'e ta my? — aja. A'eta pandu: —Myra ngã mupi'a ame'ẽ ke rehe ejukwa — aja. Pirat pandu: —Ma'ewã my? Ma'e ka'u te'eha ke a'e ma'e te ym riki — aja. Pe, hãtã ngã pandu: —Myra ngã mupia ame'ẽ ke rehe ejukwa — aja.