Populære bibelvers fra Matey 24

Del

Noq tuꞌn tpajjo ikyjo, ex tuꞌn nimku il kbꞌantil, nimxlaxjal k-elil tqꞌaqꞌbꞌil tkꞌuꞌj tiꞌj juntl. Me ankye teꞌ kweꞌbꞌilx wen, ajxi tpon tqꞌijil, apente kletiljo.

Aj telpin bꞌaj tyolajtzjo Tbꞌanil Tqanil Tkawbꞌil Dios tkyaqil twutz txꞌotxꞌ, tuꞌntzin ntiꞌx jun chꞌuqxjal, a mit tzꞌel tnikyꞌ tiꞌj. Atzin qꞌijjo japin bꞌaj tqꞌijil tkyaqil.

Aj tok kybꞌiꞌn tqanil qꞌoj ex aj kybꞌaj ok qꞌoj kyojile junjuntl tnam najchaq, mi chi tzaj xobꞌa, quꞌn ikytzin ilx tiꞌj tuꞌn tbꞌajjo ikyjo. Me naꞌmtaqx tpon qꞌij tuꞌn tjapin bꞌaj tkyaqil.

Quꞌn il tiꞌj tuꞌn tok qꞌoj kyxolile junjun chꞌuq xjal, ex kyojile junjun ma tij tnam. Ex waꞌyaj tzul, ex jniꞌ yabꞌil ex kyaqnajnabꞌ noq jaꞌchaqku. Me tkyaqiljo kbꞌajil ikyjo, ikytziꞌn tzeꞌnku tnejil tchyoꞌn tkꞌuꞌj jun qya tukꞌa tal.

A kyaꞌj ex txꞌotxꞌ ok kchi bꞌajil, me mex weꞌ Nyol nlayx chi kyijx kyeꞌ, tuꞌn mi chi japin bꞌaje.

Quꞌn ma nintz te tzul tiꞌj nbꞌiꞌy, ex ok kyqꞌmaꞌbꞌil: Ayiꞌn weꞌ Crist, chichkulaꞌ. Ex ma nintzxjal kꞌwel kysbꞌuꞌn, tuꞌn kyxi lipe kyiꞌj.

Quꞌn ex kchi xel qꞌoꞌn toj kyqꞌobꞌ kawil, tuꞌn kybꞌaj jubꞌchiꞌn kyuꞌn, ex okpe kchi kꞌwel bꞌyoꞌn junjun kyeꞌ kyuꞌn. Ex kykyaqilxjal kchi elil ikyꞌin kyeꞌ tuꞌn npaja. Kyojjo qꞌij anetziꞌn, nimxte kyjel ttzaqpiꞌn kynimbꞌil, ex kbꞌajil kyikyꞌin kyibꞌ, ex kchi bꞌaj okil meltzꞌaj kyiꞌjx. Ex kchi ul xjal sbꞌul, a kbꞌaj okil kyqꞌoꞌn kyibꞌ qa chqꞌonqe tuꞌn Dios. Ex nimxxjal kꞌwel kysbꞌuꞌn.

Tzaj tqꞌmaꞌn Jesús: Kykaꞌyink kyibꞌa, tuꞌn mix aꞌl jun kubꞌ sbꞌun kyeꞌy.

Tuꞌntzintzjo ikyjo, kybꞌinchinku kyibꞌa, quꞌn ntiꞌkux toj kynabꞌla aj wula, ayiꞌn Tkꞌwal Ichin.

Kyutzꞌlinku kyibꞌa toj kynimbꞌila. Quꞌn mi bꞌiꞌn kyuꞌn alkye or kchin ula, a ayiꞌn kyAjawiꞌy.

Me alkye qꞌij ex alkye or chin ula, mix aꞌl teꞌ bꞌilte, mixpe aye angel toj kyaꞌj, mixpe ayinkuy, a Kꞌwalbꞌaj te Dios; qalaꞌ oꞌkx te nMan bꞌilte.

Quꞌn chi ul sbꞌul k-okil kyqꞌoꞌn kyibꞌ te Crist, mo te jun xjal tzeꞌnku jun yolil Tyol Dios ojtxe. Ex okpe kꞌwel kybꞌinchin nim techil kyipin, noq tuꞌn kysbꞌetkuxjal kyuꞌn. Ex okpela k-okil kynikyꞌin tuꞌn kykubꞌjo skꞌoꞌnqe tuꞌn Dios, me nlay chi kubꞌ.

Quꞌn ikytziꞌn tzeꞌnkuj bꞌaj kyojjo qꞌij te Noé, ex ikytzin kbꞌajiljo, aj wula, ayiꞌn Tkꞌwal Ichin. Quꞌn ikytziꞌn tzeꞌnqej qꞌij, tej naꞌmtaq ttzaj qꞌaqabꞌil; kykyaqil xjal twutz txꞌotxꞌ nchi bꞌaj waꞌntaq, ex nchi bꞌaj txꞌujtetaq, ex nchi bꞌaj mejetaq, ex nchi bꞌaj xi kyqꞌoꞌntaq kykꞌwal toj mejebꞌlin, tzmaxi teꞌ kyokx Noé toj ma tij bark. Me ntiꞌx bꞌiꞌn kyuꞌn, teꞌ ttzaj qꞌaqabꞌil kyibꞌaj, ex bꞌeꞌx bꞌajxi mulqꞌaj toj aꞌ kykyaqilx. Ikytzin kbꞌajiljo, aj wula ayiꞌn, a Tkꞌwal Ichin.