Populære bibelvers fra GENESA 28

Del

Kutani waswivo, ndzi na wena, ndzi ta ku hlayisa hinkwako laha u yaka kona, ndzi va ndzi ku tlherisela etikweni leri; hikuva ndzi nga ka ndzi nga ku tshiki ndzi nga si endlisisa leswi ndzi ku byeleke swona.”

A vona na Yehovha, a yimile ehenhla ka rona, a ku: “Hi mina Yehovha Xikwembu xa Abrahama, tata wa wena, ni Xikwembu xa Isaka; tiko leri u etleleke eka rona, ndzi ta ri nyika wena ni vatukulu va wena.

Kavaloko Yakobo a sisimuka evurhongweni bya yena, a ku: “Kunene Yehovha u kona exivandleni xexi, kasi a ndzi nga swi tivi!”

Yakobo a hlambanya, a ku: “Kungakuloko Xikwembu xi va na mina, xi ndzi hlayisa endleleni leyi ndzi yi khomeke, xi ndzi nyika vuswa ndzi dya, ni tinguvu ndzi funengela, ndzi ko ndzi tlhela hi ku tsaka endlwini ya tatana, Yehovha u ta va Xikwembu xa mina. Kutani ribye leri ndzi ri yimiseke ndzi ri endla xitsundzuxo, yi ta va yindlu ya Xikwembu; kutani eka hinkwaswo leswi u nga ta ndzi nyika swona, ndzi ta ku humesela hakunene ku avanyisa ka vukhume.”

Vatukulu va wena va ta kotisa ntshuri wa misava, u ta nava evupeladyambu, ni le vuxeni, ni le n'walungwini, ni le dzongeni; mindyangu hinkwayo ya misava yi ta katekisiwa ha wena ni vatukulu va wena.

Kutani a thya xivandla lexi vito ra Betele (yindlu ya Xikwembu); kasi eku sunguleni, vito ra muti a ri ri Luzi.