Populære bibelvers fra DEUTERONOMA 5

Del

“ ‘U va ni xichavo eka tata wa wena ni mana wa wena, hilaha Yehovha, Xikwembu xa wena, xi ku leriseke hakona, leswaku masiku ya wena ma andzisiwa, u va u katekisiwa emisaveni leyi u yi nyikiweke i Yehovha, Xikwembu xa wena.

mi ta famba endleleni hinkwayo leyi Yehovha Xikwembu xa n'wina xi mi leriseke yona leswaku mi hanya, mi va mi tsaka; ni leswaku masiku ya n'wina ma lehisiwa etikweni leri mi nga ta ri fuwa.

“ ‘U nga tshuki u xi khinsamela, ni loko ku ri ku xi tirhela; hikuva hi mina Yehovha, Xikwembu xa wena, xa rilondzo, lexi baka ku homboloka ka vatswari ehenhla ka vana va vona, ku yisa erixakeni ra vunharhu ni ra vumune eka lava ndzi vengaka; kambe ndzi tsetselela lava ndzi rhandzaka, lava hlayisaka milawu ya mina, ku yisa erixakeni ra khume ra madzana.

“ ‘U nga tshuki u tiendlela xifaniso lexi vatliweke, ni loko xi ri xifaniso xihi ni xihi xa swilo leswi nga ehenhla etilweni, ni loko xi ri xa swilo leswi nga ehansi emisaveni ni loko xi ri xa swilo leswi nga ematini, ehansi ka misava.

“ ‘U nga tshuki u va ni swikwembu swin'wana emahlweni ka mina.

“ ‘U nga tshuki u tlanga hi vito ra Yehovha, Xikwembu xa wena, hikuva Yehovha a nga ka a nga tshiki nandzu wa loyi a tlangaka hi vito ra yena.

Ngi loko va ri ni timbilu leti ku ndzi chava ni ku hlayisa milawu ya mina hinkwayo, va ta tsaka vona ni vana va vona, hilaha ku nga heriki!

“ ‘Anakanya siku ra ku wisa ku ri hlawula, hilaha Yehovha Xikwembu xa wena, xi ku leriseke hakona.

“ ‘U nga tshuki u navela nsati wa warikwenu u nga tshuki u navela yindlu ya warikwenu, hambi yi ri nsimu ya yena, hambi a ri nandza wa yena wa wanuna kumbe wa wansati, hambi yi ri homu ya yena, kumbe mbhongolo ya yena, hambi xi ri xilo xin'wana xa warikwenu.’

“ ‘U nga tshuki u endla vuoswi.

“ ‘U nga tshuki u lumbeta warikwenu hi vumbhoni byo hemba.

“ ‘U nga tshuki u dlaya.

“ ‘U nga tshuki u yiva.

U ta anakanya leswaku a wu ri khumbi etikweni ra Egipta, ni leswaku Yehovha, Xikwembu xa wena, xi ku humesile hi voko ra matimba, ni voko leri tlakukeke; hikwalaho Yehovha, Xikwembu xa wena, xi ku leriseke ku hlayisa siku ra ku wisa.

U ta tirha hi masiku ya ntlhanu na rin'we, u tirha ntirho wa wena hinkwawo; kambe siku ra ntlhanu na mambirhi, i siku ro wisa ra Yehovha, Xikwembu xa wena, U nga tshuki u tirha ntirho ni wun'we, hambi u ri wena, ni n'wana wa wena wa xinuna, ni wa xisati, ni nandza wa wena wa wanuna ni wa wansati, hambi yi ri homu ya wena, ni mbhongolo ya wena, hambi xi ri xifuwo xin'wana xa wena, hambi a ri muendzi wa wena la nga emitini ya wena, leswaku nandza wa wena wa wanuna ni wa wansati a wisa kukotisa wena.

“ ‘Hi mina Yehovha, Xikwembu xa wena, la ku humeseke etikweni ra Egipta ni le ndlwini ya vukhumbi.