Populære bibelvers fra TIMHAKA 2

Del

Petro a ku eka vona: “Hundzukani, kutani un'wana ni un'wana a khuvuriwa hi vito ra Yesu Kriste, eku khomeriweni ka swidyoho; kutani mi ta amukela nyiko wu nga Moya lowo Kwetsima.

Kutani a va chivirika edyondzweni ya vaapostola, ni le ku hlanganeni ka vona, ni le ku phemeni ka vuswa ni le mikhongelweni.

Kutani hinkwavo va tala hi Moya lowo Kwetsima, va sungula ku vulavula hi tindzimi tin'wana, hilaha Moya wu nga va vulavurisa hakona.

Kutani hi nomu lowu, ku twakala mpfumawulo lowu humaka etilweni, wu fana ni wa xidzedze; kutani yindlu hinkwayo leyi va tshameke eka yona yi tala wona. Kutani tindzimi leti avanaka, ti fana ni malangavi ya ndzilo, ti va humelela, ti tshama ehenhla ka un'wana ni un'wana wa vona. Kutani hinkwavo va tala hi Moya lowo Kwetsima, va sungula ku vulavula hi tindzimi tin'wana, hilaha Moya wu nga va vulavurisa hakona.

Na swona a va tiyisela etempeleni hi masiku hinkwawo, va ri ni mbilu yin'we, va ri karhi va phema vuswa endlwini yin'wana ni yin'wana, va dya swakudya swa vona hi ku tsaka, ni timbilu leti tengeke, va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi yi engetela kereke hi vanhu lava ponisiweke.

‘Hi masiku ya makumu, ku vula Xikwembu, ndzi ta chela nyama hinkwayo hi Moya wa mina; vana va n'wina va xinuna ni va xisati va ta bvumbha, lavantshwa va n'wina va ta vona mahlori; ni swidyuhati swa n'wina swi ta lorha milorho.

Hinkwavo lava nga pfumela a va tshama kun'we va pfanganyeta swilo hinkwaswo swa vona; va xavisa masimu ya vona, ni xuma xa vona, kutani va avela vanhu hinkwavo, hilaha un'wana ni un'wana a pfumaleke hakona.

Kutani ku ta humelela leswaku un'wana ni un'wana la nga ta khongela vito ra Hosi, u ta ponisiwa.’

Dyambu ri ta hundzuriwa munyama, ni n'weti wu ta hundzuriwa ngati, siku lerikulu ra Hosi, leri hatimaka, ri nga si ta.