Populære bibelvers fra SPREUKE 11

Del

Wie 'n ander voorspoed gun, sal self oorvloed hê. Wie die dors van ander les, sal self genoeg kry as hy dors is.

Daar is mense wat vrylik uitdeel en tog steeds meer het, daar is ander wat suinig is en tog arm word.

Selfverheffing bring vernedering; wie nederig is, het wysheid.

Sonder oorwoë leiding val 'n volk; die redding lê in baie raadgewers.

Wie die wil van die Here doen, is 'n bron van lewe; die mens wat wysheid het, red lewens.

Iemand wat loop en skinder, lap geheime uit; 'n betroubare mens bewaar 'n geheim.

'n Mens wat iets vir 'n ander oor het, baat self daarby; 'n hartelose mens word deur sy eie toedoen verstoot.

Wie op sy rykdom staatmaak, kom tot 'n val; wie reg doen, floreer soos groen blare aan 'n boom.

Rykdom baat nie wanneer die Here straf nie; om te lewe volgens sy wil, red van die dood.

Die opregtheid van eerlike mense bepaal hulle koers; die valsheid van onbetroubares bring hulle ondergang.

Die skoonheid van 'n vrou sonder oordeel is soos 'n goue ring aan 'n vark se snoet.

Die Here het 'n afsku van 'n skaal wat nie reg weeg nie; net die regte gewig dra sy goedkeuring weg.