Populære bibelvers fra Kenese 28

Del

Fa‘auta fo‘i, ‘ou te i ai ‘iā te oe, ‘ou te tausi fo‘i ‘iā te oe i mea uma ‘e te alu i ai, ‘ou te toe fa‘afoisia mai oe i le nu‘u nei; auā ‘ou te lē tu‘ua oe, se‘ia ‘ou faia le mea ‘ua ‘ou fai atu ai ‘iā te oe.”

Fa‘auta fo‘i, ‘ua tu ai le ALI‘I i ona luga, ‘ua fetalai mai, “O a‘u o le ALI‘I le Atua o Aperaamo lou tamā, ma le Atua o Isaako, o le fanua ‘e te ta‘oto ai ‘ou te avatu ai ‘iā te oe ma au fānau.

‘Ona ala lea o Iakopo na moe, ‘ua ia fa‘apea “E moni lava e i ai le ALI‘I i le mea nei ‘ae ‘ou te le‘i iloa.”

‘Ona faia lea e Iakopo lana tautō, ‘ua fa‘apea atu, “‘Āfai e ‘iā te a‘u le Atua ma tausi ‘iā te a‘u i lenei ala ‘ou te alu ai, ma foa‘i mai mea e ‘ai ‘ou te ‘ai ai ma ‘ofu ‘ou te ‘ofu ai, ‘ina ‘ia ‘ou toe fo‘i ma le manuia i le ‘āiga o lo‘u tamā, ‘ona fai ai lea o le ALI‘I mo‘u Atua. O lenei ma‘a fo‘i, ‘ua ‘ou fa‘atūina ma fa‘ailoga, e fai lea ma fale o le Atua; o mea uma fo‘i ‘e te foa‘i mai ‘iā te a‘u ‘ou te avatu lava ‘iā te oe mea e sefulua‘i.”

E ‘avea fo‘i lau fānau pei o le efuefu o le ‘ele‘ele, e fa‘asalalauina solo fo‘i oe i sisifo, ma sasa‘e, ma le itū i matū, ‘atoa ma le itū i saute, o oe fo‘i ma au fānau e manuia ai ‘āiga uma o le lalolagi.

‘Ua ia fa‘aigoa lea mea o Peteli, sa mua‘i fa‘aigoaina lea ‘a‘ai o Lusa.