Populære bibelvers fra Kenese 21

Del

‘Ua asiasi le ALI‘I ‘iā Sara e pei ‘ona ia fetalai mai, ‘ua faia fo‘i e le ALI‘I ‘iā Sara e pei ‘ona ia fetalai mai.

‘Ua fa‘afofogaina fo‘i e le Atua le leo o le tama; ‘ona vala‘au mai ai lea o le agelu a le Atua ‘iā Akara mai le lagi, ‘ua fa‘apea mai ‘iā te ia, “Akara e, ‘ua fa‘apefea ‘ea oe? ‘Aua ‘e te fefe, auā ‘ua fa‘afofogaina e le Atua le leo o le tama i le mea o i ai o ia. ‘Inā tula‘i ia ma tago i le tama ma talitali a‘e ‘iā te ia i ou lima, auā ‘ou te fai o ia ma tupuga o le nu‘u tele.”

‘Ua tō fo‘i Sara, ‘ua fānau e ia se atali‘i mo Aperaamo, ‘ina o toeaina o ia, i ona lava po sa fetalai mai ai le Atua ‘iā te ia.

‘Ua fai ane fo‘i Sara, “‘Ua fa‘a‘ata‘ataina a‘u e le Atua, o i latou uma o ē fa‘alogo mai latou te taufai‘ata fa‘atasi ma a‘u.”

A ‘ua fetalai mai le Atua ‘iā Aperaamo, “‘Aua ‘e te tigā ‘ona o le tama, ‘atoa ma lou fafine pologa; o mea uma ‘ua fai atu ai Sara ‘iā te oe ‘ia e usiusita‘i i ai lana ‘upu, auā e vala‘auina lau fānau ‘iā Isaako.

O le tama fo‘i a le fafine pologa ‘ou te fai o ia ma tupuga o se nu‘u auā o lau fānau ia.”